Yaburi 86:3 - ALLALA KUMƐ

³ E, Mari, i ni kinikini nde ma. Telen-gbɛn, n bi i madiyala.

Yaburi 86:3 ပူးပေါင်းရင်းမြစ်များ

Yaburi 25:5

N karan alako n ni i sako lɔn ka a bira bawo ile le nta Alla la min si n kisi. N lanɛ i la tumɛ bɛɛ.

Yaburi 4:1

E, n kun-makalɛ Alla, i yandi, n ba i rakele n dɛnbɛn-koe rɔ, i ni a labira. N tagbɛrɛnnɛ wati min, ile le ya n kumafunfan. Nba, i ni nta madiyali-kan lamɔɛn. I ni i gbɛ latugun ka kinikini n ma.

Yaburi 41:5

N yogenu bi kuma-yogomɛnu fɔla nna ko rɔ. A sɔgɛ ye anu na, n ni faga alako mɔgɛnu ni nyina n ko salon!

Yaburi 55:17

Su-ni-tele, nta yasere-masɛ ye kɛla a ma, ado fɔ a wa n kan lamɔɛn de, yɔ!

Yaburi 56:1

E, Alla, i ni kinikini n ma bawo n bi tagbɛran rɔ. N yogenu bi n sagaranna tuma-wo-tuma.

Yaburi 57:1

E, Alla, kinikini n ma bawo ile si n matanka. N bi i kanban kɔrɔ n matanka-koe la ha nna nyagbɛ kɛ ni bɔ n kuma.

Yaburi 88:10

I si kabana-koenu ma furinu ye, wa? Wonu si ke anu nasɔla ka i matɔgɔ, wa?

Yaburi 88:2

Nta madiyali-kan lamɔɛn. I wɔlɔ matɔlɔ n di-kɛ-kan la ka n dɛnbɛ.

Yaburi 88:9

N yɛ ma ara bira tɔrɔyɛ bolo. Mari, tele-wo-tele, n bi i rakelela. N bole siginɛ le i ye madiyalɛ rɔ tolon!

Luka 18:7

Allata mɔgɛ minnu bi anu kan nabɔla a ma su-ni-tele, wonu don, a ti wonuna kiti tɛgɛ a kilɛ fɛ, wa? A ti anu dɛnbɛ tiriya, wa?

Ɛfɛsa 6:18

Wo ni to madiyali kɛla tuma-wo-tuma koe bɛɛla ko la iko ata Ni-Sɛnimɛ ye wo labilala nya min. Wo yɛ bɛnnɛ ni to. Wo kana bandan madiyali kɛla Allata mɔgɛnu ye.