Yaburi 86:14 - ALLALA KUMƐ

¹⁴ E, Alla, mɔgɔ-wasinɛnu bi nala n kan ma. N faga-sɔgɛ ye karagbɛlɛ kurɔn kɛnu denu na, ado anuna ko sa ila ko rɔ.

Yaburi 86:14 ပူးပေါင်းရင်းမြစ်များ

2 Samuwɛli 16:20

Abasalɔm ya a makawandilɛ Ahitafɛli manyinika. A ko, “Ma ara ke Yerusalɛm soe burɔ. Ma ni nfen ma gbɛ?”

2 Samuwɛli 17:14

Abasalɔm anubɛ Isirɛla mɔgɔ-banu lara Husayita kumɛ wo la ka tenbi Ahitafɛlitɛ la. Mari ara ban a latɛgɛla ko anu kana Ahitafɛlita makawandili nyimɛ wo bira alako a si Abasalɔm halaki nya min.

Yaburi 10:11

Karagbɛlɛ wo kɛnɛna a fɔla a nyɛrɛ ma ko, “Allala ko sa kɛ rɔ. A ara a yɛ lakiri. A ti n yen tun!”

Yaburi 10:13

Nfenna karagbɛlɛ si a ban Alla la? Nfenna a ye a fɔla a nyɛrɛ ma ko, “Alla ti nde tɔrɔ?”

Yaburi 10:4

Alla bɔrɔ sa karagbɛlɛnu ye. Anuna miriya ma ke ale Alla ma anuna wasinteyɛla ko la.

Yaburi 119:51

Wasintenu bi n mayɛlɛnna wati bɛɛ kɔnɔ wo ma n bɔ ita tɔnnu kɔrɔ.

Yaburi 119:69

Mɔgɔ-wasinɛnu bi n dan tinyana ka n kumakiri foninyɛ la kɔnɔ n bi ita karan birala n yisi bɛɛ la.

Yaburi 119:85

Wasinte minnu bannɛ ila tɔnnu-bira-koe ma, wonu denu bara denka-filon-bɛnu sin n ye alako anu ni n bira.

Yaburi 14:4

Mari ye nyinikalɛ sala, a ko, “Kɛnu ma a lɔn anu bi min kun na, wa? Kun-takolɔn le karagbɛlɛ kɛnu na, wa? Anu bi anu beli-fan sɔrɔnna nna mɔgɛnu denu kuma. Anu ti nde, Mari rakele mumɛ!”

Yaburi 140:5

Wasintenu bara gbɛrɛ lasigi n ye. Anu bara sogo-bira-yalɛ rafulen n yarɔ. Kan-birɛ lasiginɛ n ye anu bolo.

Yaburi 36:1

Kumɛ do ye n yisi rɔ ka a tɛgɛ mɔgɔ-yogenuna wunduyogoyɛ ma. A si a ban Alla la. Kilan sa a rɔ Alla wara la muk!

Yaburi 36:11

I kana sɔn, mɔgɔ-wasinɛnu ni n kɛlɛ. I kana sɔn, karagbɛlɛnu ni n gben.

Yaburi 54:3

Mɔgɔ-wasinɛnu bara wuli n kan ma. N faga-sɔgɛ ye karagbɛlɛnu na. Anuna ko sa ile Alla wara-koe rɔ.

Yaburi 54:5

Alamɛ i ya anuta karagbɛlɛyɛ lasɛgi anu kɔgɔ rɔ ka anu tɔrɔ. Ile si anu tɔrɔ bawo lanaya-tigi le ile la.

Isikiyɛli 8:12

Alla ya a fɔ n ye ko, “Ile hadama-dan, i wara Isirɛla bɔnsɔn-kun-tiginu yen anu bi min kɛla dogon rɔ? Anu dama ye bɛsɛnu kɔla. Anu bi a fɔla ko, ‘Alla ya sa ma la. A ara a ban mala nyamanɛ la.’ ”

Isikiyɛli 9:9

Alla ara a fɔ ko, “Isirɛla bɔnsɔn-mɔgɛnu anubɛ Yuda bɔnsɔn-mɔgɛnu yilikinɛ anu hakɛ-yogomɛnu bolo. Anu bara niyi-siyaman bɔ anuna nyamanɛ bɛɛ rɔ ka Yerusalɛm soe mumɛ lafa tɔn-tinyɛ la. Anu kɛnɛna a fɔla wo rɔ ko nde, Mari ara n ban anuna nyamanɛ la, ado anu bi a fɔla fanan ko n ya sa anu na.