Yaburi 86:11 - ALLALA KUMƐ

¹¹ Mari, a sɔgɛ ye i la, n ni min ma, n karan wo la. Wo kɔma, n si a bira lanayɛ rɔ. N si ila wɔlɛ kɛ n yisi bɛɛ la nya min, i ni n nabila wo la.

Yaburi 86:11 ပူးပေါင်းရင်းမြစ်များ

Yobu 34:32

I wara Alla manyinika nun a ni ita fɛɛ yira i la? I wara sɔn i farala ko-yogoma-kɛ la?

Yaburi 119:30

N bara a latɛgɛ feu, ko fɔ n ba ila sereyanu bira. N sɔndɔmɛ sɔnɛ ila sereyanu denu na sokesoke!

Yaburi 119:33

Mari, ita tɔnnu kɔrɔ-bɛrɛbɛrɛnu yira n na alako n ni to anu birala burubukai!

Yaburi 119:73

Ile le ya n dan i bole la. I ni ila sereyanu-kɔrɔ-lɔn-hɛnkili di n ma woletɔ n si ita tɔnnu karan.

Yaburi 25:12

Minnu bi ile Marita tɔnnu birala, a si to wonu makaranna alako anu ni ita kilɛ tagama.

Yaburi 26:3

Ila keninteya-dannatɛgɛbɛlɛ le n kandannɛ la. Ila lanayɛ ye n yarɔ ka kilɛ yira n na.

Yaburi 27:11

Mari, a sɔgɛ ye i la, n ni min ma, i ni n karan wo la. N kunyɛ sɔ kan-tina-latankanɛ la bawo n yogenu siya pɔ!

Yaburi 5:8

Mari, i ni telenbagaya-kilɛ yira n na ka a tɛgɛ n yogo-siyamɛla ko ma. I ni n dɛnbɛ alako n ni i sako kɛ.

Hoseya 10:2

Yanfante-kɔrɛnu de wole la. Fɔ wo wa tɔrɔ wo hakɛla ko la. Mari si wola saraka-mintan-tinɛnu anubɛ kuru-malɛsɛnɛnu tinya feufeu!

Hoseya 14:8

Wole Isirɛla mɔgɛnu ti wo bolo bila bɛsɛ ko rɔ tun. N si wola madiyalɛnu yabi ka wo fɛ-bira a kila-bɛrɛbɛrɛ fɛ. Wo kuma-tuwalɛ le nde la iko kɔlɔma min nɔrɔnnɛ yabu-yabu bawo wola duwa-kunyɛ mumɛ bɛɛ le nde la.”

Sɛfanaya 1:5

Mɔgɔ-wo-mɔgɔ yɛlɛta kan-tina-layan-bɛ kuma alako a ni tele anubɛ karɛ anubɛ lole bato nyɔ, Mari ko a si wo tigi kasara pɔ! Minnu bi Mari batola ka telenbagaya-lanyiri kiri a ye, wo kɔma, a ni ta a gboro bɛsɛ wo rɔ min tɔgɛ Molɛki, Mari ko a si wonu fanan kasara.

Malakayi 2:6

Wo wati rɔ, a ko wole saraka-masɔlɛnu ya mɔgɛnu karan kila-telennɛ la, kila-raduni ma de! Anubɛ saraka-masɔlɛnu bi ko kelen tɔ nun wo wati rɔ. A ko wo ye ko-latelennɛ minnu mala wo wati rɔ, wo ma dan wo dɔrɔn ma de! Wo ya mɔgɔ-gbɛrɛkɛnu fanan karan alako wonu fanan ni fara ko-yogomɛ la.

Kɛwɔlɛnu 2:46

Anu tora anu nyɔgɔn nadɛnna Alla-Bato-Bɔn la tele-wo-tele. Anu ya fen-dɔn-kɛ anu nyɔgɔn fɛ ka Marita kima dɔn anu barɛnu tɔ sewɛ anubɛ famayigiyɛ rɔ.

1 Kɔrɛnti 10:21

A ti bɛn wo ni wo min Marita yi-lafɛ la, wo ni ta wo min nyinɛnuta yi-lafɛ la fanan. Wo kana fen-dɔn-kɛ Marita tebulu la, wo wa ban, wo ni ta fen dɔn nyinɛnuta tebulu fanan na.

1 Kɔrɛnti 6:17

Kɔnɔ ni min si a nyɛrɛ tugun Mari la, wonubɛ Mari kelen de.

2 Kɔrɛnti 11:3

N kilannɛ ko fenfen kana wo hɛnkili yabasan iko duguma-fan ya ma mama Hawa yanfa ala foninya-wɛ la nya min. Wo kana bɔ wola keninteya-bɛrɛ rɔ min bi wo bolo Kirasiti wara la.

Ɛfɛsa 4:21

Wo ya a wara-koe lamɔɛn tumɛ min ka ma aletɛ la, wo ya ata tonyɛ le karan, wo ma?

Kɔlɔsi 3:17

Wo ye koe min bɛɛ kɛla anubɛ wo ye koe min bɛɛ fɔla, wo ni wo bɛɛ kɛ Mari Yisa tɔgɛ rɔ. Wo ni baraka bira ma Fa Alla ye Mari Yisa baraka rɔ.

2 Yɔni 1:4

N sewara bɛrɛkɛ ka a yen ko ila dan donu tonɛ tonyɛ rɔ iko ma Fa Alla ara a fɔ ma ye nya min.