Yaburi 86:1 - ALLALA KUMƐ

¹ E, Mari, i ni i wɔlɔ matɔlɔ n na ka n yabi bawo n makoe ye dɛnbɛnɛ la, ado n tafaganɛ.

Yaburi 86:1 ပူးပေါင်းရင်းမြစ်များ

Yaburi 10:14

Kɔnɔ Alla, i ye yakɔrɔ-mamɔɛ anubɛ tɔrɔyɛ rayenna i kolan le la. I ye mɔgɛnu dɛnbɛna wati bɛɛ. Min ti ke a nyɛrɛ kumafunfanna, wo si a nyɛrɛ latenbi ile Mari ma. I ye bolo-kolɔnnu dɛnbɛna wati bɛɛ rɔ.

Yaburi 102:1

E, Mari, i wɔlɔ matɔlɔ nta madiyali-kan la. N tenbi dila i dala n dɛnbɛn-koe rɔ, i ni wo fanan namɔɛn.

Yaburi 102:17

Ale ara a ban mɔgɛ minnu na nun, a si a wɔlɔ matɔlɔ wonuna madiyali-kɛ-kan la.

Yaburi 119:22

Mɔgɔ kana n mayɛlɛn ka n tasɛ bawo n bara ita tɔnnu bira.

Yaburi 140:12

Mari, n ya a lɔn de serr, i si bolo-kolɔnnu fɛka le. I si a ma, makolamɛnu ni anu yoe sɔrɔn.

Yaburi 142:1

N bi Mari rakelela n dɛnbɛn-koe rɔ. N bi a madiyala alako a ni kinikini n ma.

Yaburi 17:6

E, Alla, n bi i madiyala bawo ile le si madiyalɛ wo yabi. Woletɔ i ya-lamunun n na ka i wɔlɔ matɔlɔ nna kumɛnu na.

Yaburi 25:16

A ni a ya-lamunun n na ka kinikini n ma bawo n kelen pe le, ado n tafaganɛ.

Yaburi 31:2

I wɔlɔ matɔlɔ n na. I ni n nakisi tiriya! I ni ma nna kisi tinɛ la.

Yaburi 34:6

Bolo-kolɔnnu ba di a dala, Mari si a wɔlɔ matɔlɔ anuna di-kɛ-kan la ka anu madɛnbɛ. A si anu bɔ anuna yakɔrɔ-mamɔɛnu tɔ.

Yaburi 40:17

N tigi, bolo-kolɔn le n na. N sɛnbɛ sa. Kɔnɔ hali wo, i ma nyina n ko. Nna kisilɛ anubɛ nta Alla le ile la. I yandi, i latiriya n dɛnbɛna.

Aiseya 37:17

Kɔnɔ Mari, i wɔlɔ matɔlɔ ka i kolan maka. I ni a yen min bi sigila ma ma. E, Alla-nimɛ, i wɔlɔ matɔlɔ i masɔrɔn-kan la Sɛnakaribu bolo.

Aiseya 66:2

A ya fan bɛɛ dan a kɔɛn le la. Fan bɛɛ ye gbɛ kɛ le ma bawo ale le ya wonu nadan. Mari ko a si sewa mɔgɔ-sufa kɛnu na, minnu ma wasi, ado anu tole ma gbɛlɛ. Anu bi kilanna a la ka a sako kɛ.

Daniyɛli 9:18

E, Alla, i wɔlɔ matɔlɔ ma la. I ni i kolan maka, i ni a yen ma tɔrɔyanɛ nya min. I ni a yen fanan ko i tɔgɛ sanɛ soe min kuma, wo ye tɔrɔya-sufa min tɔ. Ka a fɔ ma telennɛ, woletɔ ma ye i matarala, wo ma de! Ma ye i matarala bawo ila kinikinɛ kolo ma wara la.

Matiyu 5:3

A ko, “Mɔgɔ-sewanɛ le wo mɔgɛ la min si a yigi bɛɛ sa Alla rɔ bawo Alla min bi Arinyɛni tɔ, a si ata mansayɛ sɔrɔn!

Luka 4:18

“Marita Sɛnbɛ ye n tɔ. A ara n yabɔ alako n ni kibara-nyimɛ lake bolo-kolɔnnu ma. Minnu bi biralɛ rɔ, a ya n sɔ ka wonu boloka-koe fɔ anu ye anubɛ ka fiyɔnnu yɛ laka. Nɔɛ sanɛ minnu kuma, n si wonu hɔrɔya.

Yemesi 2:5

N diyana na-kelen-nyɔgɛnu, wo ni wo tole masɔ! Alla ara bolo-kolɔnnu yabɔ duninya kɛ rɔ ka anu nama-a-la dɛnkɛninyɛ rɔ. Alla di minnu ye, wonu si mansayɛ sɔrɔn iko a ara lanyiri kiri anu ye nya min.