Yaburi 85:8 - ALLALA KUMƐ

⁸ N tole masɔnɛ alako n ni a lɔn ile Mari Alla ye nala min fɔla. I ya lanyiri kiri male ita mɔgɛnu ye ko ma si to yisi-kimɛ rɔ. Alako tun, ma kana ma lasɛgi mala kun-takolonya-koe wonu ma tun.

Yaburi 85:8 ပူးပေါင်းရင်းမြစ်များ

Ko-Dabirɛnu 34:7

Yakobala den-keinu bɔmatoe firɛ rɔ kolo-fannu fɛ, anu ya a lamɔɛn ko Sɛkɛm bara a sa anu dɔgɔ-musi fɛ. Anu diminyara ha mɔninyɛ ya anu bira bawo anu ya a lɔn ko Sɛkɛm bara yarabiyi sa anu fa Isirɛla kuma.

Yaburi 130:4

Kɔnɔ i ye ma makotola alako ma kawanɛ ni to i ma.

Yaburi 29:11

Mari si sɛnbɛ di ata mɔgɛnu ma. A si ata duwɛ layigi anu kuma. Anu ni yisi-kimɛ sɔrɔn.

Yaburi 50:5

Alla ko ata lanaya-mɔgɛ minnu bara sarama-kan kiri a ye saraka-bɔ-koe rɔ, wonu ni anu gbɛrɛn a ma.

Hɛnkilimaya-Kumɛnu 25:11

Mɔgɛ min bi hɛnkilimaya-kumɛ fɔla a wati-bɛnnɛ rɔ, wo kin iko anu ba sɛnɛ-mɔlɔnɛ sa wodi-gbɛ tɛma.

Hɛnkilimaya-Kumɛnu 27:22

Hali i ya kun-takolɔn gbesi ka a niyi madɔgɔya a rɔ, iko mɔgɛ si fui-fan bunden kolɔn rɔ nya min, a ti ala kun-takolonyɛ boloka.

Aiseya 57:19

Min nimisanɛ, wonu si a matɔgɔ. A ko minnu fɛ-yan a la wo, minnu fɛ-wuru a la wo, a ko a si yisi-kima-bɛrɛbɛrɛ anubɛ kɛndɛyɛ di wonu ma.

Habakuku 2:1

N si yɛlɛ nta nyamanɛ kumafɛlɛn-kan-tina-layan-bɛ kuma ka Marita yabilɛ makɔni nyɔ. N si a makɔni alako n ni a lɔn a ye nala nna nyinikalɛnu yabila nya min.

Hegayi 2:9

Wati ye nala, Bato-Bɔn kɛta gbiliyɛ si tenbi a fɔlɔtɛ la. A si a ma, wo ni sabati ka yisi-kimɛ sɔrɔn Bato-Bɔn kɛ la. Mari Sɛnbɛ-Bɛɛ-Tigi ya kɛ le fɔ.

Sakaraya 9:10

Mari ko ale mansɛ si kɛlɛ-kɛ-kirindinu wara-koe ka-a-la Isirɛla nyamanɛ rɔ. A mako ti taran soeenu na min tabɛnnɛ kɛlɛ-kɛ-koe la Yerusalɛm. A si kalabɛn-kalɛnu takerikeri. A si yisi-kimɛ lana sibolenu tɛma. Ka a bi kɔgɔ-yi-dan doi ma ka a sigi a dan doi la, a si mansayɛ kɛ wo dama rɔ. Ala mansayɛ dan da si bira Yufereti bɛ ma ha duninya dan.

Yɔni 14:27

“N bi yisi-kimɛ tola wo fɛ. N bi nta yisi-kimɛ min dila wo ma, n sa a dila wo ma iko duninya ye a mala nya min. Wo yisi kana tinya. Wo kana kilan.

Yɔni 20:19

Nba, Lɛhɛrɛ wurɛ la, Yisala karan-dannu nadɛnnɛ anu nyɔgɔn fɛ bɔn la. Bon-rasɔgɔnɛ anu bolo bawo anu kilannɛ Yahudiyanuna kun-tiginu na. Yisa ya anu natɛrɛna ka sɔ anu tɛma. A ya anu kɔndɔn ka a fɔ ko, “Alamɛ wo ya yisi-kimɛ sɔrɔn.”

Yɔni 20:26

Lɔgɔkun kelen wo kɔma, Yisala karan-dannu ya anu nadɛn bɔn la tun, Tamasi ye anu fɛ. Bon-rasɔgɔnɛ anu bolo. Yisa nara sɔ anu tɛma tun. A ko, “Alamɛ wo ya yisi-kimɛ sɔrɔn.”

Yɔni 5:14

Wo kɔma, Yisa ya namarato-kɔrɛ wo yen Alla-Bato-Bɔn la. A ya a fɔ a ye ko, “I yɛ lana. I wara kɛndɛya kaka. Fara hakɛ la, ni wo ma, min yogo kɛ ko, wo kana ma i la.”

Yɔni 8:11

A ya a yabi ko, “N fa, hali kelen ma to.” Nba, Yisa ko, “Nde fanan ti i yiliki. I ni ta kɔnɔ i kana hakɛ kɛ tun.”]

Kɛwɔlɛnu 10:36

A ya kumɛ min nake Isirɛla mɔgɛnu ma ka yisi-kimɛ kibara-nyimɛ fɔ Yisa, Allata-Mɔgɔ-Yabɔnɛ baraka rɔ, wo ya wo lɔn. Bɛɛta Mari le wo la.

Kɛwɔlɛnu 3:26

Woletɔ Alla ya ala wɔli-kɛla Yisa yabɔ ka a sɔ wole fɔlɔn ma ko a ni duwa wo ye alako wo dama ni yɛlɛma ka bɔ wola ko-yogomɛnu tɔ nya min.”

Kalesiya 4:9

Nba kaka, wo ya Alla lɔn, ado min fisa, n ni a fɔ ko Alla ya wole le lɔn ata dannu na. Nfenna worɔ, wo ye a fɛ ka sɛgi nyina-sɛnbɛbɔnɔ-fuyi wonu ma tun? Nfenna wo ye a fɛ ka ma wonuna yɔɔn la tun?

Ɛfɛsa 2:17

Woletɔ Kirasiti ara kibara-nyimɛ-kawandili bɔ mɔgɛ bɛɛ ye. I mara sibolo-gbɛrɛ la min fɛ-yan Alla la nun wo, i mara Isirɛla mɔgɛ la min fɛ-ma-yan a la nun wo, kibara-nyimɛ ye ma filɛ bɛɛ ye.

2 Tɛsalonaika 3:16

Mari nyɛrɛ min bi yisi-kimɛ dila ma ma, alamɛ wo ya yisi-kimɛ di wo ma tumɛ bɛɛ, nya bɛɛ ma. Mari ni to wo dama fɛ.

2 Timoti 2:19

Kɔnɔ Alla ara chɔchi min ma dɛnkɛninya-kurukɛ-sɛnbɛ la, wo la ti maga mumɛ! Kumɛ kɛnu denu sɛbɛnɛ chɔchi ma ko, “Mari ya a nyɛrɛtɛ lɔn.” Wo kɔma, a sɛbɛnɛ ko, “Min bi a fɔla ko Maritɛ le ale la, wo ni fara ko-yogoma-kɛ la.”

Hiburunu 12:25

Wo ni a ma wo fɛrɛma worɔ. Alla wa kuma, wo kana wo tengberenya wo lamɔɛn-koe ma. Minnu ya anu ban nun wo lamɔɛn-koe ma, wonu denu ma kisi. Nba, min bi kumala ma ye ka bɔ Arinyɛni tɔ, ni ma ya ma tengberenya wola kuma-bira-koe ma, male si kisi kama worɔ gbɛ?

Lankɛnimayɛ 3:19

Min bɛɛ di n ye, n si wo tigi makuma ka a kolo. Nba, wo ni wo raya ka wo kɛ-nya yɛlɛma ka wola hakɛ boloka.

1 Samuwɛli 25:25

I kana i tole masɔ kun-takolɔn wo la. Ale mani de iko a tɔgɛ wo ye nya min bawo a tɔgɛ wo kɔrɛ le, ‘Kun-takolɔn.’ Ila wɔli-kɛlɛ wonu bi nala a wara tumɛ min, wo ya a taran, nde sa nyɔ nun.