Yaburi 85:12 - ALLALA KUMƐ

¹² Mari si ma lasabati, ado mala duginu si nɔrɔn ki-fannu kɔrɔ.

Yaburi 85:12 ပူးပေါင်းရင်းမြစ်များ

Yaburi 67:6

Ma ara dɔn-fen-siyaman sɔrɔn ka bɔ mala dugi rɔ. Ma ye Alla min batola, wo ara ata duwɛ layigi ma kuma.

Yaburi 72:16

Alamɛ fui-fan siyayara ala nyamanɛ rɔ duk! Alamɛ ki-fan raboroko-barakara kɔnkɛnu tɔ iko a ye Lɛbanan nyamanɛ rɔ nya min. I ni a ma, soenu na ni fa mɔgɛnu na penpen iko binyɛ waranɛ gbɛkolenu ma nya min.

Yaburi 84:11

Ma latankalɛ le Mari la, ado mala gbiliya-mansɛ le. Ala duwɛ ye ma fɛ ka kinikinɛ anubɛ gbiliyɛ di ma ma. A ti ko-nyimɛ bɔ mɔgɔ-telennɛ telen tɔ.

Aiseya 32:15

Kɔnɔ Alla si ata Sɛnbɛ layigi ma ma tun. Dugu-gbɛlɛmɛ si yɛlɛma dugu-lamonɛ la. Ki-fannu si nɔrɔn dugu-lamonɛ rɔ.

Aiseya 45:8

A ko a si nɔli-sɛnbɛ labɔ san ma ka a layigi iko gbɔrɔndɛ. Dugi fanan si a dɛ laka ka a lakunu. A si gbusu-dugi ma hɔrɔyɛ anubɛ telenbagayɛ la. Ale Mari ko a si a ma, kɛ dama ni ma.

Saraka-Masɔlɛnuta Tɔnnu 25:19

Wo si dɔn-fen siyaman sɔrɔn dugi wo rɔ ka tagba wo ma. Wo ti yakɔrɔ-mamɔɛ sɔrɔn nyamanɛ wo rɔ.

Saraka-Masɔlɛnuta Tɔnnu 26:4

N si bandɛ lana a tumɛ rɔ woletɔ wola ki-fannu si nanfa dugi rɔ a kilɛ fɛ. Wola kɔlɔmanu fanan si gbɔ-siyaman kɛ.

Maika 6:8

Nɛbi Maika ko, “Ma si min ma wona, Mari ara wo fɔ ma ye nun. A ye nyinina minnu ma ma bolo, wo le kɛnu na. A dabira fɔlɔtɛ, a ko ma ni ko-latelennɛ kɛ. A fila nyɔgɛ, ma ni ma nyɔgɔn keni anubɛ Alla. A sawa nyɔgɛ, ma ni Alla diyana-koenu kɛ gbiliyɛ rɔ.

Sakaraya 8:12

A ko wo si wola fui-fannu fui wo fanbolo. A ko wola ki-fannu si nanfa kubukubu! Wola dugi si nɔrɔn ki-fannu kɔrɔ, ado bandɛ si na! A ko a si duwɛ kɛnu di wole, ata mɔgɛnu ma minnu tonɛ gbɛ!

Matiyu 13:23

Sugi min buira dugu-lamonɛ rɔ, wo mani de iko mɔgɛ min bi kumɛ lamɔɛnna ka a nya-yen. A si gbɔ. Do si kɛmɛ kelen bɔ, do bi-wɔrɔ, do bi-sawa.”

Matiyu 13:8

Kɔnɔ do buira dugu lamonɛ rɔ. A fɛrɛnta ka a kole don, do kolo kɛmɛ, do bi-wɔrɔ, do bi-sawa.”

Kɛwɔlɛnu 2:41

Mɔgɔ-siyaman lara kumɛ kɛ la ka batasi. Anu mɔgɔ waga sawa nyɔgɔn (3,000) kofura anu ma tele wo nyɛrɛ kɔrɔ.

Kɛwɔlɛnu 21:20

Anu ya wo lamɔɛn tumɛ min, anu dama ya Alla tanto. Anu ya a fɔ Pɔli ye ko, “Ma na-kelen-nyɔgɛ Pɔli, Yahudiya mɔgɔ waga siyaman bara dɛnkɛninya nya min, ma ara a yen worɔ ko Musata tɔn-bira-sɔgɛ ye anu dama la.

1 Kɔrɛnti 1:30

Alla ara mabɛ Yisa Kirasiti ma kelen na. Kirasiti baraka rɔ, Alla ara ata hɛnkilimaya-bɛrɛ yira ma la. Ma ara telen Alla ye wo le fɛ, ado ma ara ma Allata mɔgɛnu na wo le fɛ. Ma ara sɛninya wo le fɛ. Ma ara hɔrɔya wo le fanan fɛ.

Ɛfɛsa 1:3

Ma ni baraka bira ma Mari Yisa Kirasiti, wo Fa Alla ye dɛɛ bawo duwɛ min bɛɛsi ye Arinyɛni tɔ, Alla ara wonu di ma ma. Ma ya wonu sɔrɔn Kirasiti baraka le tɔ.

Yemesi 1:17

Kɔ-fen-nyimɛ-bɛɛ anubɛ kɔ-fen-kanbalinɛ-bɛɛ ye bɔla Arinyɛni tɔ. A ye yigila ka bɔ Alla bolo min ya san-koleta wan-takɛ-fannu dan. Ale Alla ti yɛlɛma iko ninɛ yɛlɛmanɛ ye nya min.