Yaburi 84:9 - ALLALA KUMƐ

⁹ E, Alla, ita duwɛ layigi mala mansɛ kuma min si ma lakanan. Duwɛ layigi ale mansɛ kuma, ile nyɛrɛ ya min yabɔ.

Yaburi 84:9 ပူးပေါင်းရင်းမြစ်များ

Ko-Dabirɛnu 15:1

Kɛlɛ kɛnu kanɛ a la, Mari ya a yiraka Burama la. A ya Mari kuman-kan lamɔɛn ko, “Burama, i kana kilan. Nde si i latanka ka i barayi boi!”

2 Samuwɛli 23:1

Yɛsila den Mansa Dawuda, Alla ya a ma mɔgɔ-ba-magbilima-wɛ la. Ale Yakobata Alla ya ale Dawuda yabɔ ka a ma mansɛ la. Mansa Dawuda le si sigi-diyamɛnu sa Isirɛla mɔgɛnu ye. Mansa Dawudala wɔlɔyiya-kuma-laban le kɛ la.

2 Ko-Kɔrɔta-Karan 6:42

Mari, ile ara mansɛ min yabɔ, i kana i ban wo la. I miri ita keninteyɛ ma i ya min yira ila wɔli-kɛla Mansa Dawuda la.”

Yaburi 132:17

A ko Mansa Dawuda kegeyɛ do si ma mansa-makawanɛ la, ado ata mansa-yabɔnɛ si to bɔla ala bɔn la tolon!

Yaburi 17:1

E, Mari, i yandi, n bi i madiyala telenbagayɛ minna ko la, i wɔlɔ matɔlɔ wo la. N di-kɛ-kan-gbɛnɛ lamɔɛn.

Yaburi 2:2

Nfenna anuna mansɛnu kɛnɛna sɔla Mari la? Nfenna anuna mɔgɔ-banu bi kɛwuyɛ sigila Marita mansa-yabɔnɛ la?

Yaburi 2:6

A ko ale ara ata mansɛ yabɔ. A ya a sigi ata kɔnkɔ-sɛnimɛ kuma Yerusalɛm soe burɔ.

Yaburi 3:3

Kɔnɔ Mari, ile le si n matanka gbalo ma, ado ile le ye a mala fanan, n ni nɔ-ko sɔrɔn ha n kun na ni yiri.

Yaburi 59:11

E, Alla, i kana anu faga nya-kun-kelen. I ni a ma, nna mɔgɛnu kana nyina, i si i yogenu tɔrɔ nya min. Anu tanyɛnsɛn ita sɛnbɛ la ka anu nɔ feu! E, Mari, ma latankalɛ le ile la.

Yaburi 84:11

Ma latankalɛ le Mari la, ado mala gbiliya-mansɛ le. Ala duwɛ ye ma fɛ ka kinikinɛ anubɛ gbiliyɛ di ma ma. A ti ko-nyimɛ bɔ mɔgɔ-telennɛ telen tɔ.

Yaburi 89:20

I ko i wara ila wɔli-kɛla Dawuda ma mansɛ la, ado i wara dantɛgɛ-tuli kɛ wo salɛ rɔ.

Yaburi 98:1

Wo ni bɛti-kurɛ bɔ Mari ye bawo a ara kabana-koenu kɛ ma ye. A kelen peta sɛnbɛ le ya a ma, a ya nɔ-ko sɔrɔn.

Kɛwɔlɛnu 4:27

Tonyɛ le, Hɛrodi wo, Pontiyasi Pailɛti wo, Isirɛla mɔgɛnu wo, anubɛ sibolo-gbɛrɛnu ya anu nadɛn soe kɛ rɔ yan ila wɔli-kɛla-sɛnimɛ Yisa kan ma, ado ile ya wo ma ita Mɔgɔ-Yabɔnɛ la.

Tɔn-Fɔɛ-Fila-Nyɔgɛ 33:29

Wole Isirɛla mɔgɛnu, duwa-dan le wole la. Sibolo-gbɛrɛkɛ sa minnu bi iko wole bawo Alla ya wole kisi. Wo kandan-fan le Mari la anubɛ wola kɛlɛ-kɛ-faan. A ye wo tankala ka nɔlɛ di wo ma. Wo yogenu si kilan wo la ka dɛgɛ min wo ye. Wo si anuna bɛsɛ kɔ tinɛnu tinya.”

1 Samuwɛli 16:6

Anu ke saraka-bɔ-tinɛ nyɔ, Samuwɛli ya Yɛsila sarɛ yen min tɔgɛ Ɛliyabu. Samuwɛli miri nun ko keminɛ min sɔnɛ Mari yakɔrɔ wo la, wo le ye mala mansɛ la.

1 Samuwɛli 2:10

Mari yogenu si kasara. A si tɔrɔyɛ layigi anu kuma iko san-gbalamɛ. Mari si duninya-mɔgɛ bɛɛ kiti tɛgɛ. Ale le si sɛnbɛ di ata mansɛ ma. Ata mansa-yabɔnɛ si nɔ-ko sɔrɔn.”