Yaburi 83:18 - ALLALA KUMƐ

¹⁸ Alamɛ anu ya a lɔn ko ile le kelen pe le Mari la. Ile le ye duninya fan bɛɛ kun na.

Yaburi 83:18 ပူးပေါင်းရင်းမြစ်များ

Ko-Dabirɛnu 22:14

Iburayima ya kan-tinɛ wo tɔgɔ sa “Mɔgɔ Mako-Nyinya-Tinɛ Mari Bolo,” ado ha bi, mɔgɛnu bi a fɔla kɔnkɛ wo ma ko, “Mari si mɔgɛ makoe nyinya ata kɔnkɛ kɛ le kuma.”

1 Mansɛnu 18:37

I yandi Mari, nna matarali-kan yabi woletɔ mɔgɛ kɛnu si a lɔn ko ile Mari le anuta Alla la. Anu ni a lɔn fanan ko ile le ye anu yisi tintanna i la.”

2 Mansɛnu 19:19

I yandi, mata Mari Alla, ma tanka Asiriyanu masibɛ ma alako duninya bɛɛ ni a lɔn ko ile Mari kelen pe le Alla la.”

Yaburi 18:13

Mari min bi Fan Bɛɛ Kun na, wo kan ye bɔla san-kole rɔ iko san-gbalamɛ.

Yaburi 35:4

N faga-sɔgɛ ye minnu na, alamɛ i ya wonu nɔ ka anu yarabi. Minnu bi yanfɛ rabɛnna n ma, alamɛ wonu kɔndɔfilinɛ sɛgira.

Yaburi 9:16

Mari ye a kɛ-nya yirala ala mɔgɛnu na iko a ye kiti tɛgɛla a kilɛ fɛ nya min. Karagbɛlɛnu fanan si bira anu nyɛrɛta yili-lasiginɛ la.

Yaburi 9:2

N si sewa-bɛtinu bɔ ilela ko la. E, Mari min bi fan bɛɛ kun na, n si i matɔgɔ-siginu sa.

Yaburi 92:8

bawo ile le ye duninya mumɛ bɛɛ marala burubukai!

Yaburi 97:9

Mari Sɛnbɛ-Bɛɛ-Tigi, duninya-mumɛ-bɛɛ-maralɛ le ale la. Mɔgɛnu bi minnu batola, a kolo wo bɛɛ ko.

Bɔ-Koe-Iyipiti 6:3

Nde, Alla Sɛnbɛ-Bɛɛ-Tigi ara n nyɛrɛ yira Iburayima anubɛ Isiyaka anubɛ Yakoba la kɔnɔ n ma n nyɛrɛ tɔgɛ ratɛgɛ anu ye ka a fɔ ‘MARI,’ n habadan-tɔgɛ wo, kɔni.

Aiseya 42:8

A ko ale le dɔrɔn bi mata Mari Allayɛ la. A ti sɔn dogbɛrɛ ni ata gbiliyɛ sɔrɔn, ado a ti sɔn bɛsɛnu ni ata matɔgɛ do sɔrɔn.

Aiseya 5:16

Kɔnɔ Mari Sɛnbɛ-Bɛɛ-Tigi ye ko-latelennɛ mala min kɛ, wo ye ata kabana-koe mayirala mɔgɛnu ye. A si ata sɛninyɛ mayira mɔgɛnu kiti tinɛ anu hakɛla ko la.

Aiseya 54:5

I Dali-Mari si ma i ye iko ila kei. A tɔgɛ le Mari Sɛnbɛ-Bɛɛ-Tigi. I kunkalɛ le Isirɛlata Alla-sɛnimɛ la. Duninya mumɛ bɛɛta Alla le ale la.

Yɛrɛmaya 16:21

Mari ko a si sibolenu karan ata sɛnbɛ-makawanɛ la. Anu si a lɔn worɔ ko ale le ye Mariyɛ la.

Isikiyɛli 30:19

N ba Iyipiti nyamanɛ tɔrɔ ka tumɛ min, anu bi a lɔnna wo le ma ko Mari le nde la.”

Isikiyɛli 38:23

Wo wa ma tumɛ min, ale Mari si a yira sibole bɛɛ la ko a makawara, ado a sɛnima. Anu si a lɔn ko Mari le ale la.

Daniyɛli 4:25

anu si nde gben mɔgɔni-gbuyinu tɛma alako n ni ta basan sogenu na binyɛ rɔ. A ko san wɔrɔnfila, n bi binyɛ dɔnna iko ninki. A ko n si to kila gbɛkole ma. Duri si to yigila n ma nyɔ. A ko wonu ba ma n na tumɛ min, wo ara a yira n na worɔ ko Alla Min Bi Fan Bɛɛ Kun Na, sɛnbɛ ye wo bolo duninya-mansɛnu kun na. Min ba diya a ye, a si ke le mansayɛ dila wo ma.

Daniyɛli 4:32

I hadama-den-nyɔgɛnu si i gben anu tɛma. I si ta basan sogenu na binyɛ rɔ. San wɔrɔnfila, i ye binyɛ dɔnna wonu fɛ iko ninki. San wɔrɔnfila wo wa ban tumɛ min, i si a lɔn worɔ ko sɛnbɛ ye nde, Alla Min Bi Fan Bɛɛ Kun Na bolo duninya-mansɛnu kun na. Min ba diya n ye, n si ke le mansayɛ dila wo ma.’

Maika 4:13

Wole Yerusalɛm kɛnu, wo ni wo lasɔ wo yogenu kɛlɛ-koe la. Mari si wo kolo gbɛlɛya iko turɛ min kere gbɛlɛ iko nɛgɛ. A kin-turi gbɛlɛyanɛ iko silɛɛ. Wole Isirɛla mɔgɛnu si wo yogenu bunden gburr! Wo ye fan minnu bila anu bolo kɛlɛ rɔ, wo si wonu natenbi duninya-tigi-Mari ma.

Sakaraya 4:14

A ko, “Mɔgɔ filɛ le kɛnu na duninya-mumɛ-tigi Mari ara minnu yabɔ ka ma ala wɔli-kɛlɛnu na.”