Yaburi 80:15 - ALLALA KUMƐ

¹⁵ Na ita nɔnbɔ-kinɛ kɛ fɛ-bira. I wara a ma, a ara sabati.

Yaburi 80:15 ပူးပေါင်းရင်းမြစ်များ

Yaburi 80:8

I nara nɔnbɛ do la ka bɔ Iyipiti nyamanɛ rɔ. I ya sibolo-gbɛrɛnu gben ka nɔnbɛ wo ki wonuna nyamanɛ rɔ.

Yaburi 89:21

Ita sɛnbɛ ti bɔ a fɛ mumɛ! Ita sɛnbɛ le ye a ragbɛlɛyala.

Yaburi 90:13

E, Mari, kinikini ma ma. I si i ya-lamunun male, ita wɔli-kɛlɛnu na muntuma?

Aiseya 11:1

Dawudata mansaya-bɔn manɛ iko kɔlɔma min tɛgɛnɛ a la, a kɔn-kundi tonɛ dugi rɔ. Iko kɔn-kundi wo ye a matiila nya min, mansɛ do si fɛrɛn Dawuda kegeyɛ rɔ wo nya na le.

Aiseya 49:5

Yanni n ni sɔrɔn, Mari ara n mondo n na burɔ ka n nabɔ alako n ni ata mɔgɛnu nasɛgi a ma ka Isirɛla mɔgɔ-ranyɛnsɛnnɛnu kundɛn. Mari ye nala gbiliyɛ dila n ma ka n sɛnbɛ don.

Aiseya 63:15

Mari, i kolan layigi ma ma dugi ma. I tenbi ita sɛninya-tina-makawanɛ rɔ, i miri ma ma. Ita keninteya-belebele-wɛ ye mintɔ? Nfenna i ye ita keninteyɛ anubɛ ita kinikinɛ dogonna ma ma?

Yɛrɛmaya 2:21

Mari ko a ya wo ki le iko ki-fen-natankanɛ. Wo mani de iko sugu-bɛrɛ. A ko nfenna wo ara yɛlɛman nɔnbɛ la min gbɔɛ kunayanɛ kelele?

Nimisa Koe 3:50

ha Mari ni a kolan layigi n ma ka bɔ san ma n dɛnbɛn-tinɛ.

Sakaraya 3:8

Ile Yasowa min bi saraka-masɔla-kun-tigi-wayɛ la anubɛ i ta-nyɔgɔ-saraka-masɔlɛnu, wo ni wo tole masɔ. Ko-nyimɛ min bi nala mala yarɔ, wole le wo tamasere la. N si nta Mansa-yabɔnɛ lawuli worɔ, nta wɔli-kɛlɛ, kɔni.

Sakaraya 6:12

A ko n ni ale Mari Sɛnbɛ-Bɛɛ-Tigita kumɛ latenbi Yasowa ma ko mɔgɔ kelen bi nala anu bi min kelela ko Kɔlɔma-Bolɔn. Wo si a matii ka Bato-Bɔn sɔ ale Mari ye.

Maraka 12:1

Wo kɔma, Yisa ya tili kɛ tɛgɛ anu ye. A ko, “Dugu-tigi do ye nyɔ nun min ya ki-fannu ki ka a masansan. A ya gbere-kole ladan ka bɛndɛnu sɔ. Wo kɔma, a ya mɔgɛ sinka a la. A bɔra a warɛ ka ta tagama rɔ.

Yɔni 15:1

Yisa ko, “Kɔlɔma-kuru-bɛrɛ le nde la. A fɛ-biralɛ le n Fa Alla la.

Tɔn-Fɔɛ-Fila-Nyɔgɛ 26:15

Mari, i kolan layigi Isirɛla mɔgɛnu ma ka bɔ Arinyɛni tɔ ka ma mafɛlɛn. Iko i wara lanyiri kiri ma benbanu ye nya min, i ni ita duwɛ layigi male kuma anubɛ nyamani-hakikɛ kɛ i wara min di ma ma kɛ la.’