Yaburi 80:13 - ALLALA KUMƐ

¹³ Kosenu bi a tɛntɛnna. Soge donu fanan bi anu dɔnna.

Yaburi 80:13 ပူးပေါင်းရင်းမြစ်များ

2 Mansɛnu 17:20

Wo le ya a ma, Mari ya a ban Yakoba kegeyɛ bɛɛ la Isirɛla mɔgɛnu, kɔni. Tɔ-a-la, a ya a kan-kɔ sɔ anu na ka anu don anu yogenu bolo minnu bi anu bira boloko-yogomɛ-kɛla.

Yaburi 89:42

I wara a ma, a yogenu bara a nɔ. I wara a ma, a yoge dama ara sewa.

Aiseya 5:5

“N bi kɛ le mala nna nakɔɛ rɔ ki-fannu kɔrɔ. A sansannɛ min na, n ni wo tinya. N si a ma, sogenu ni nakɔɛ kɛ firan fiya!

Yɛrɛmaya 4:7

Sibolenuta kasara-kɛlɛ ara fɔlɔla nala iko yarɛ wa bɔ faran la. A ara a warɛ boloka ka na wola nyamanɛ tinya-tinɛ. Wola soenu si tii mɛmɛ! Hali mɔgɔ-den-kelan, a ti to wonu tɔ.

Yɛrɛmaya 5:6

Wo si a ma, yarɛ do si bɔ firɛ rɔ ka anu faga. Suluki do si bɔ wula-da-rakolɔn rɔ ka anu halaki. Kuli si to a dogonna anuna soenu kɔma ka anu napɛrɛn. Min ba a taran nyɔ, a si wo rafarafara. Kɛ dama ye mala le bawo anu bara hakɛ lawara. Anu bara anu kan-kɔ sɔ Mari la iko siyaman.

Yɛrɛmaya 51:34

Babilɔn Mansa Nɛbukanasa ara Yerusalɛm soe dɔn. A ya soe rakolonya iko yi-bara-takolɔn. A ya a dama lakunu iko ninkinankɛ. Min di a ye, a ya wo bi ka a toe lakɛ a rɔ.

Isikiyɛli 19:12

Kɔnɔ yisi-bɔɛ le ya a ma, anu ya a wurun ka a gbesi dugu la. Fɔn-kalamɛ ya a gbɔɛnu gbala ha a bolɔnnu kara a ma. Minnu gbalata, tɛ ya wonu mintan.

Nehami 2:3

Wole Ninɛfa kɛnu, wo yogenuna kɛlɛ-dannu si na wo kɛlɛ-tinɛ kɔgɔ-matanka-fan-wulenmɛ la anu bolo. Kɛlɛ-duruki-wulan bilanɛ anu kan na. Anu bara anu mabɛn wo kɛlɛ-koe la. Anuna kirindinu silɛ ye tiila anu ma iko ta-mɛlan. Anuna soeenu bi anu nyɛrɛ matɛnna kɛlɛ-kɛ-tinɛ.