Yaburi 79:6 - ALLALA KUMƐ

⁶ I yandi, ila fondo-bɔɛ wo telen i batobɛlɛnu denu na. I ni diminya i madiyabɛlɛnu ma.

Yaburi 79:6 ပူးပေါင်းရင်းမြစ်များ

Yaburi 14:4

Mari ye nyinikalɛ sala, a ko, “Kɛnu ma a lɔn anu bi min kun na, wa? Kun-takolɔn le karagbɛlɛ kɛnu na, wa? Anu bi anu beli-fan sɔrɔnna nna mɔgɛnu denu kuma. Anu ti nde, Mari rakele mumɛ!”

Yaburi 145:18

Minnu bi a rakelela, a gbɛrɛnnɛ wonu denu ma, minnu bi a rakelela tonyɛ la, kɔni.

Yaburi 53:4

Mari ye nyinikalɛ sala, a ko, “Kɛnu ma a lɔn anu bi min kun na, wa? Kun-takolɔn le karagbɛlɛ kɛnu na, wa? Anu bi anu beli-fan sɔrɔnna nna mɔgɛnu denu kuma. Anu ti nde, Mari rakele mumɛ!”

Yaburi 69:24

Alamɛ i ya ila fondo-labɔɛ labɔn anu ma. Alamɛ ila diminyɛ ya anu gben ka digin anu ma.

Aiseya 42:25

Woletɔ a ya a ma, ma ara ata diminya-makawanɛ lɔn anubɛ ka kɛlɛ-masibɛ lɔn fanan. Ata diminyɛ ya mintannɛ kɛ Isirɛla nyamanɛ rɔ iko tɛ kɔnɔ ma sa a kalama. Ma ma hɛnkili sɔrɔn wo fenfen ma.

Yɛrɛmaya 10:25

Ita fondo-bɔɛ rawuya sibolo-gbɛrɛnu ma. Anu ma i lɔn. Anu ti ile matara. Sibolo-gbɛrɛ wonu denu ya male, Yakoba kegeyɛnu kasara ka ma lato dogbe! Wonu denu ya mala nyamanɛ fanan kasara.

Yɛrɛmaya 25:29

A ko a ye ala kasarɛ dabirala ale Mari nyɛrɛta so-karantan Yerusalɛm fɔlɔn ma. Woletɔ wo kana wo miri ko kasarɛ sa nala kɛla wo ma. A ti foo mɔgɔ-wo-mɔgɔ la bawo fɔ duninya-mɔgɛ bɛɛ wa kasarɛ wo sɔrɔn. Mari Sɛnbɛ-Bɛɛ-Tigi kan le kɛ la.

Sɛfanaya 3:8

Kɔnɔ Mari ko wo ni a makɔnɔ tun! Lunyɛ do, fɔ a wa sibole bɛɛ kiti. Mari ko a ara ban a latɛgɛla ko a si sibole bɛɛsi ladɛn alako anu ni ata diminyɛ-sɛnbɛ lɔn. A ko ata diminyɛ wo si ma tɛ la min si duninya mumɛ halaki.

Yɔni 16:3

Anu si koe kɛnu ma wo la bawo anu ma nde lɔn. Hali n Fa Alla fanan, anu ma wo lɔn.

Yɔni 17:25

E, n Fa min telennɛ! Duninya-mɔgɛnu ma i lɔn kɔnɔ nde ya i lɔn. Karan-dan kɛnu bara a lɔn ko ile le ya n sɔ.

Kɛwɔlɛnu 17:23

N bi wola soe ratagamana tumɛ min ka wola batoli-kɛ-tinɛnu mafɛlɛn, n ya saraka-bɔ-tinɛ do fanan yen, a sɛbɛnɛ min ma ko, ‘Alla-min-lɔnni-ma, wotɛ le kɛ la.’ Wo ye sarakɛnu bɔla alla wo ye kɔnɔ wo ma a lɔn a kilɛ fɛ. N bi wo le wara-koe fɔla wo ye kɛ la.

Romu 1:28

A ma di anu ye, anu ni Alla lɔn a kilɛ fɛ min kɛ, woletɔ Alla ya anu to anuna kisimiriya-koe wonu tɔ, ado wo le ya a ma, anu ya ko-su wonu ma minnu ma bɛn mɔgɛnu tɛma mumɛ!

1 Kɔrɛnti 1:2

ma ye kɛdi kɛ sɛbɛla wole Allala mɔgɛnu ma minnu bi Kɔrɛnti soe burɔ. Alla ya minnu kele ka ma ata mɔgɔ-sɛnimɛnu na wo, minnu lanɛ Yisa Kirasiti la wo, minnu bi duninya kan tinɛ bɛɛ wo, ma ye kɛdi kɛ sɛbɛla wole ma ma Mari Yisa tɔgɔ rɔ. Mata Mari anubɛ anuta Mari le ale la.

2 Tɛsalonaika 1:8

ta-mɛlan la. A si Alla-lɔnbɛlɛnu tɔrɔ anubɛ minnu ma sɔn ma Mari Yisa, Allata-Mɔgɔ-Yabɔnɛta kibara-nyimɛ bira-koe ma.