Yaburi 79:1 - ALLALA KUMƐ

¹ E, Alla, minnu ma i lɔn, wonu buira ita nyamanita-mɔgɛnu ma ha anu ya ila Bato-Bɔn latinya. Anu bara Yerusalɛm-mayɛlɛnnɛ to iko sundu-kunyɛ.

Yaburi 79:1 ပူးပေါင်းရင်းမြစ်များ

2 Mansɛnu 24:13

Mansa Nɛbukanasa tara fen-kolomɛnu bi Mari Bato-Bɔn anubɛ mansɛla bolɔn la iko Mari ya a fɔ nya min nun. Mansa Silamɛni ara sɛnɛ sa Bato-Bon-miran minnu ma fɔlɔ, Mansa Nɛbukanasa ya sɛnɛ bɔ wonu ma ka ta anu na.

2 Ko-Kɔrɔta-Karan 36:17

Wo le ya a ma, Mari ya Babilɔn mansɛ latugu anu kan ma. Ala kɛlɛ-dannu tora Yuda kemini-mɛsɛnu fagala hali minnu bi Bato-Bɔn la. Anu ma kinikini mɔgɔ-wo-mɔgɔ ma. Kei wo, musi wo, denni wo, kina wo, a kirayato wo, Alla ya wonu damasi kunyɛ don anu bolo.

2 Ko-Kɔrɔta-Karan 36:19

Ale Babilɔn mansɛ ya soe tarɛ keri ka soe anubɛ a Bato-Bɔn mintan gburr!

Yaburi 50:1

Mari Alla Sɛnbɛ-Bɛɛ-Tigi kumara. A ya duninya-mɔgɛ bɛɛ rakele ka bɔ tele-bɔɛ ha tele-yigi.

Yaburi 78:71

A ya a bɔ saga fɛ bira tinɛ alako a ni ala mɔgɛnu kumafunfan. Alla ya a ma mansɛ la Isirɛla mɔgɛnu kun na.

Bɔ-Koe-Iyipiti 15:17

Mari, i wara kan tinɛ min yabɔ ka a ma i nyɛrɛ mayigi tinɛ la, i nyɛrɛ si ita bato-bɔn sɔ ma ye nyɔ. I si ta ma sigi ita kɔnkɔ-sɛnimɛ wo kuma nyɔ.

Aiseya 47:6

Mari ko ale diminyanɛ male ata Isirɛla mɔgɛnu ma nun. Ma biranɛ a bolo iko ata ma ma la. A ko a ara ma kunyɛ don Babilɔn kɛnu bolo, ado anu ma kinikini ma ma. A ko hali mala kɛmɔgɛnu, anu bi wonu natofi-tafila.

Aiseya 63:18

Ila Bato-Bɔn taranta ma bolo wati-kundu-ni kɔrɔ. Kɔnɔ ma yogenu bara anu kian sɔ kan-tina-sɛnimɛ wo rɔ.

Yɛrɛmaya 26:18

“Mansa Hɛsakaya ye Yuda nyamanɛ kun na tumɛ min, Mɔrɔsɛti kɛ, Nɛbi Maika ya a fɔ Yuda kɛnu ye wati wo rɔ ko Mari Sɛnbɛ-Bɛɛ-Tigi ko, ‘Yerusalɛm ma si nunku iko sɛnɛ. A si to kasarala, ado tɔ-a-la, Bato-Bɔn sɔ-tinɛ si ma gbɔngbɔn la.’

Yɛrɛmaya 39:8

Babilɔn kɛlɛ-dannu ya Yerusalɛm mansɛla bolɔn mintan anubɛ so-burɔ-bɔnnu ka a tarɛ toe keri.

Yɛrɛmaya 51:51

Hali wo ye a fɔla ko wo ara yarabi bawo sibolo-gbɛrɛnu bara Bato-Bon-sɛnima-tinɛnu bi anu nyɛrɛ ye, wo ta tun.”

Yɛrɛmaya 52:13

Anubɛ ala kɛlɛ-dannu ya tɛ tugu Mari Bato-Bɔn la anubɛ mansɛla bolɔn la anubɛ mɔgɔ-banuna bɔnnu na.

Nimisa Koe 1:10

Alla ara a fɔ Alla-lɔnbɛlɛ minnu ma ko anu kana don Bato-Bɔn la, Yerusalɛm kɛnu ya wonu yen donna nyɔ. Fen-kolomɛ minnu bi Bato-Bɔn la, Yerusalɛm yogenu bara ta wo bɛɛ la.

Isikiyɛli 9:7

Alla ya a fɔ anu ye ko, “Wo ni Bato-Bɔn latinya. Wo ni kata-burɛ lafa hadama-den-suyi la. Wo ta gbɛ!” Woletɔ anu ya mɔgɛnu fagɛ dabira soe burɔ.

Maika 3:12

“Woletɔ mɔgɛ kɛnu bara-koe le ye a mala, sibolo-gbɛrɛkɛ-mɔgɛnu ni Yerusalɛm ma tonbɔn la. Anu si so-karantan kɛ rasin ka a ma sɛnɛ la. Wo kɔma, hali Marita Bon-Sɛnimɛ sɔnɛ kɔnkɛ min kuma, wo fanan si ma anuna sangban la.”

Luka 21:24

Donu si faga faan la. Donu si ta yɔɔnyɛ rɔ nyamanɛ bɛɛ rɔ. Sibolo-gbɛrɛnu si Yerusalɛm radɔn ha anuta wati ban tumɛ.

Lankɛnimayɛ 11:2

Kɔnɔ kata-burɛ minnu bi Alla-Bato-Bɔnla minɛ rɔ, i kana nyɔ suman bawo kan tinɛ wonu bara di sibolo-gbɛrɛnu ma. Anu si So-Sɛnimɛ kɛ radɔn karɛ bi-nani ani karɛ fila (42) kɔrɔ.