Yaburi 78:7 - ALLALA KUMƐ

⁷ Wo si a ma, wonu fanan ni la Alla la. Alla ara minnu ma, anu ti nyina wonu ko. Anu si to ata tɔnnu birala tolon!

Yaburi 78:7 ပူးပေါင်းရင်းမြစ်များ

Yaburi 103:2

N ni Mari matɔgɔ n sɔndɔmɛ bɛɛ la. A ye ko-nyimɛ minnu kɛla n ye, n kana nyina wo do-wo-do ko.

Yaburi 105:45

A ya wo ma le alako ala mɔgɛnu ni ala tɔnnu bira ka ala sereya bɛɛ to a gbɛ rɔ. Mari ni tanto!

Yaburi 105:5

Wole Iburayima kegeyɛnu, Marita wɔli-kɛlɛ, kɔni, wole Yakoba kegeyɛnu, Alla ara wole minnu yabɔ, kɔni, Alla ara kabana-koe minnu ma, wo ni wo miri wonu ma. A ara gbalo minnu sigi wo yogenu ma, wo ni wo miri wonu ma fanan.

Yaburi 146:5

Mɔgɔ-sewanɛ le mɔgɛ wo la, Yakobata Alla ye min dɛnbɛna, ado a yigi bɛnnɛ ata Mari Alla le ma.

Yaburi 40:4

Mɔgɔ-sewanɛ le wonu na minnu yigi sanɛ ile Mari rɔ. Wonu ti la bɛsɛ la, hali ka kofu a kɔlɛnu ma.

Yaburi 62:5

N yɛ bɛnnɛ ale Alla kelen pe le ma. N yigi bɛɛ sanɛ ale le tɔ.

Yaburi 91:14

Alla ko ale di minnu ye, a si wonu nakisi. A ko minnu ya ale lɔn Mari la, a si wonu nakanan.

1 Kɔrɛnti 11:24

ka baraka bira Alla ye. A ban a rakerila, a ko, “N fɛrɛ-bɔnkɛ le kɛ la min bi wola ko la. Wo ni kɛ dɔn alako wo yili ni to n ko nya min.”

Tɔn-Fɔɛ-Fila-Nyɔgɛ 4:9

“Wo ni a ma wo fɛrɛma de! Wo ara min yen wo nyɛrɛ yɛ la kɛ la, wo kana nyina wo ko wo siyi-tele bɛɛ kɔrɔ. Wo benbanu ya min yen anu sɔra Mari yakɔrɔ Sinayi kɔnkɛ kɔrɔ tumɛ min, wo ni wo rakaran wola dannu anubɛ wo mamanɛnu ye. Mari ya a fɔ nde, Musa ye nun ko n ni Isirɛla mɔgɛnu nadɛn kan-tina-kelen kɔnkɛ wo kɔrɔ nyɔ. Mari ko a sɔgɛ ye a la, anu ni a lamɔɛn a ye nala min fɔla nyɔ woletɔ anu si ale Mari gbiliya anu siyi-tele bɛɛ rɔ. Wo si a ma, anu ni anuna dannu karan alako anu si mata Mari Alla gbiliya nya min.

Tɔn-Fɔɛ-Fila-Nyɔgɛ 5:29

Ni a taranta, anu bi kilanna ka le tuma-wo-tuma ka nna tɔnnu bira, wo si diya n ye. Wo si a ma, anuta koe bɛɛ ni ta a kila-bɛrɛbɛrɛ fɛ, hali ka a sigi anu mamanɛnu na. Kɛ si ma habadan-koe la anu ye.’

Tɔn-Fɔɛ-Fila-Nyɔgɛ 6:12

Wo ni a ma wo fɛrɛma, wo kana nyina Mari ko min ya wo labɔ yɔɔnyɛ rɔ Iyipiti nyamanɛ rɔ.

Tɔn-Fɔɛ-Fila-Nyɔgɛ 6:21

Wo si anu yabi ko, ‘Wo tumɛ ma ye yɔɔnyɛ rɔ Iyipiti mansɛ kɔrɔ, wo wati rɔ, Mari ya ma bɔ nyɔ ata sɛnbɛ la.

Tɔn-Fɔɛ-Fila-Nyɔgɛ 6:25

Ni ma tora latelan rɔ Mari ye ka tɔn bɛɛsi bira, ma si ma a yala telenbagɛnu na worɔ.’ ”

Tɔn-Fɔɛ-Fila-Nyɔgɛ 8:11

“Wo ni a ma wo fɛrɛma de! Wo kana nyina wota Mari Alla ko. N bara ata tɔn minnu takaran wo ye kɛ la bi, wo kana anu boloka.

Tɔn-Fɔɛ-Fila-Nyɔgɛ 8:2

Wo ni wo miri de Mari sɔra wo yarɔ wula-da-rakolɔn kɛ rɔ san bi-nanɛ kɔrɔ. Mari ya yakɔrɔ-mamɔɛ lana wo kuma ka wo mafɛlɛn ka a lɔn ni wo ye nya min, ni wo si ala tɔnnu bira le.

1 Pita 1:21

Wo dɛnkɛninyanɛ Alla ma ale le baraka rɔ. Alla min ya a lawuli ka a bɔ furinu tɛma, wo le ya gbiliyɛ di ale ma. Woletɔ wola dɛnkɛninyɛ anubɛ wo yigi sanɛ ale Alla kuma.

1 Yɔni 5:3

Ka Alla keni, wo le ko ma ni ala tɔnnu bira, ado ala tɔn-bira-koe ma gbɛlɛ ma kuma

Lankɛnimayɛ 14:12

Allala mɔgɛnu ni anu munyu, ado anu ni to Allala tɔnnu birala ka lanayɛ kɛ Yisa ye.