Yaburi 78:61 - ALLALA KUMƐ

⁶¹ A ya a ma, anu yogenu ya tɔn-kenkirɛ bi ala mɔgɛnu bolo, ata sɛnbɛ anubɛ ata gbiliya tamasere, kɔni.

Yaburi 78:61 ပူးပေါင်းရင်းမြစ်များ

2 Ko-Kɔrɔta-Karan 6:41

E, Mari Alla, i lakɔɛnma. Ta i mayigi Bato-Bɔn burɔ ila tɔn-kenkirɛ ye kan min ado wo manɛ ila sɛnbɛ-tamasere la. I si to nyɔ burubukai! Ila saraka-masɔlɛnu bi koe min bɛɛsi mala, ita duwɛ layigi anu kuma wonu tɔ. Ka a tɛgɛ ila ko-nyimɛ ma, alamɛ mɔgɛ bɛɛ sewara.

Yaburi 132:8

Mari, tɔn-kenkirɛ min bi ila sɛnbɛ-tamasereyɛ la, na wo la i Bato-Bɔn la. Nba, i ni na i mayigi nyɔ.

Yaburi 24:7

Bato-Bɔn don-dɛ minnu kɔrɔyanɛ ara mɛ, wonu naka wɛ kɛ. Wo dɛnu naka alako mansa-makawanɛ ni don.

Yaburi 63:2

I yen-sɔgɛ ye n na ila Bato-Bɔn la. Ila sɛnbɛ anubɛ ila gbiliyɛ yen-sɔgɛ ye n na.

Bɔ-Koe-Iyipiti 40:34

Marita banda-fin-gbɛ wo ya Fani-Bɔn wo yamatogon. Marita wan-takanɛ donta Fani-Bɔn wo la.

Kɛlɛ-Kurugbɛnu 18:30

Anu ya Maikala kɔlɔma-malɛsɛnɛ min bi a bolo, anu ya bɛsɛ wo sigi bɔn do la, anu si a kɔ kan min. Anu ya Musa mamanɛ Yonatan ma anuna saraka-masɔlɛ la, Kɛrisɔnla dan, kɔni. Wo kebilɛ tora mala saraka-masɔlɛ la Dan bɔnsɔn-mɔgɛnu ye ha kɛlɛ tara anu na.

1 Samuwɛli 4:17

Kei wo ya a fɔ a ye ko, “Isirɛla kɛlɛ-dannu ya anu buri Filisitinu kɔrɔ. Anu ya mɔgɔ-siyaman faga ma rɔ. Min tenbinɛ wo la, ila dannu Hɔfini anubɛ Finihasi, wonu kunyɛ ara to kɛlɛ wo rɔ, ado anu ya Allata tɔn-kenkirɛ bi ma bolo ka ta a la anu barɛ.”

1 Samuwɛli 4:21

A ya dan wo tɔgɔ sa “Gbiliya Sa Tun” bawo a ko, “Allata gbiliyɛ ara bɔ Isirɛla mɔgɛnu bolo bawo anu bara ta Allata tɔn-kenkirɛ la,” ado a benba anubɛ ala kei ara faga.

1 Samuwɛli 6:1

Marila tɔn-kenkirɛ ya karɛ wɔrɔnfila bɔ Filisitinu bolo tumɛ min,