Yaburi 78:4 - ALLALA KUMƐ

⁴ Ma ti Marita ko-makawanɛnu dogon mala dannu ma, ado ma si ala kabana-koenu takaran ma mamanɛnu fanan ye.

Yaburi 78:4 ပူးပေါင်းရင်းမြစ်များ

Yobu 15:18

Hɛnkilimɛnu ya min karan anu fanu bolo, anu ya n karan wonu denu na. Anu ma fenfen dogon n ma.

Yaburi 26:7

N bara baraka-bira-bɛti bɔ i ye wo le ya a ma, n bara ila kabana-koenu karan mɔgɛnu ye.

Yaburi 9:14

woletɔ n si ke sɔla mɔgɛ bɛɛ yakɔrɔ Yerusalɛm soe burɔ ka i matɔgɔ-koenu fɔ anu ye. N si sewa bawo i wara n nakisi.

Bɔ-Koe-Iyipiti 12:26

Ni wola dannu ya ladɛn kɛ kɔrɛ manyinika wo la,

Bɔ-Koe-Iyipiti 13:14

“Tumado ni wola den-keinu ya ladɛn kɛ kɔrɛ manyinika wo la tumɛ min, wo si a fɔ anu ye ko, ‘Mari ya ma labɔ yɔɔnyɛ rɔ Iyipiti nyamanɛ rɔ ata sɛnbɛ la wati kɛ le tɔ.

Bɔ-Koe-Iyipiti 13:8

Wo ni a rakaran wola den-keinu ye wulɔn ko, ‘Ma ye Kanan-Ko-Ladiyɛ kɛ kɛla ka a tɛgɛ Mari ya min kɛ ma ye, wo tumɛ ma ye bɔla Iyipiti nyamanɛ rɔ.’

Aiseya 38:19

Nilamɛnu denu bi i tantola iko n bi i tantola nya min kɛ la. Mɔgɛnu bi ila telenbagayɛ wara-koe fɔla anuna dannu ye.

Yowɛli 1:3

Nba, wo ni a rakaran wola dannu ye. Wonu fanan ni a rakaran anuna dannu ye. Wonu fanan bɛrɛn ni a rakaran anuna dannu ye.

Tɔn-Fɔɛ-Fila-Nyɔgɛ 11:19

Wo taranta kan-bo-kan, wo tenbi luyi ma wo, wo tenbi bɔn na wo, wo tenbi wɔlila anubɛ wo tenbi wo sulenna, wo ni to wola dannu makolola karan kɛ la. Wo ni to anu karanna wola dannu ye tuma-wo-tuma.

Tɔn-Fɔɛ-Fila-Nyɔgɛ 4:9

“Wo ni a ma wo fɛrɛma de! Wo ara min yen wo nyɛrɛ yɛ la kɛ la, wo kana nyina wo ko wo siyi-tele bɛɛ kɔrɔ. Wo benbanu ya min yen anu sɔra Mari yakɔrɔ Sinayi kɔnkɛ kɔrɔ tumɛ min, wo ni wo rakaran wola dannu anubɛ wo mamanɛnu ye. Mari ya a fɔ nde, Musa ye nun ko n ni Isirɛla mɔgɛnu nadɛn kan-tina-kelen kɔnkɛ wo kɔrɔ nyɔ. Mari ko a sɔgɛ ye a la, anu ni a lamɔɛn a ye nala min fɔla nyɔ woletɔ anu si ale Mari gbiliya anu siyi-tele bɛɛ rɔ. Wo si a ma, anu ni anuna dannu karan alako anu si mata Mari Alla gbiliya nya min.

Tɔn-Fɔɛ-Fila-Nyɔgɛ 6:7

Wo taranta kan-bo-kan, wo ni to wola dannu makolola karan kɛ la. Wo tenbi luyi ma wo, wo tenbi bɔn na wo, wo tenbi wɔlila wo, wo tenbi wo sulenna wo, wo ni to a karanna wola dannu ye tuma-wo-tuma.