Yaburi 78:37 - ALLALA KUMƐ

³⁷ Anu natelenni ma a ye. Sarama-kan min bi anubɛ Alla tɛma, anu ma anutɛ latɔnbagaya.

Yaburi 78:37 ပူးပေါင်းရင်းမြစ်များ

1 Mansɛnu 19:10

Nɛbi Ilaya ya a fɔ a ye ko, “Alla Sɛnbɛ-Bɛɛ-Tigi, n bi ile le kelen pe batola tuma-wo-tuma. Kɔnɔ sarama-kan min bi wobɛ Isirɛla mɔgɛnu tɛma, anu bara anutɛ wo tinya. Anu bara ila saraka-mintan-tinɛnu tinya ka ita nɛbinu faga. Nde kelen pe le ye nɛbiyɛ la gbɛ! A sɔgɛ ye anu na, anu ni nde fanan faga.”

Yaburi 119:80

Alamɛ n ya ila tɔnnu bira n bolo filɛ le la gben woletɔ n ti miliya n yogenu yakɔrɔ.

Yaburi 51:10

E, Alla, n yisi kurakuraya. I ni sɔndɔma-kurɛ ladon n burɔ.

Yaburi 78:8

Anu denu ti lanayabɛlitayɛ kɛ iko anu benbanu, murutinu anubɛ kuma-birabɛlɛ wonu, kɔni. Lanayɛ min bi anu bolo Alla wara la, wo dɔgɔ, ado anu telenni ma a ye.

Yɛrɛmaya 31:32

A ko kɛ ti ma iko anubɛ anu benbanu ya min kiri anu nyɔgɔn tɛma anuna bɔɛ Iyipiti. A ko hali anu biranɛ a bolo iko mɔgɛ si ala musi bira nya min, anu ma sɔn ata sarama-kan birala.

Isikiyɛli 16:30

“ ‘Nde, i Tigi Mari ko i sɔn-yogo iko gbɔɔn. I ya kɛ dama ma le iko yɛlan min ti miliya.

Hoseya 10:2

Yanfante-kɔrɛnu de wole la. Fɔ wo wa tɔrɔ wo hakɛla ko la. Mari si wola saraka-mintan-tinɛnu anubɛ kuru-malɛsɛnɛnu tinya feufeu!

Hoseya 7:14

Wo ma n matara wo yisi la fɔ ka wo nyɛrɛ gbesi dugi la ka belenna dila iko Alla-lɔnbɛlɛnu bi a mala nya min. Wo tenbi n matarala dɔn-fen-koe la, wo ye belenna wo mafarafarala iko kafirinu. Mɔgɔ-murutiyani-bɛrɛbɛrɛ le wo la.

Hoseya 7:16

Wo ye wo kan-kɔ donna n na ka ta bɛsɛnu bara la, sɛ sa minnu ye. Ni mɔgɛ si la kalabɛn tadunɛ la, mani mɔgɛ si la wole la. Wola kun-tiginu mɔnima-faga si kɛ bawo mankan-tugu-kan le ye anu da rɔ, ado Iyipiti kɛnu si na wo mayɛlɛn.”

Kɛwɔlɛnu 8:21

Ita mumɛ sa mala wɔlɛ rɔ bawo i yisi ma telen Alla yala.

Tɔn-Fɔɛ-Fila-Nyɔgɛ 31:20

N bara anu benbanu yili-madiya nyamani-hakikɛ min na, n si anu bi ka ta anu na nyɔ rɔ. Anu bi nyinina dɔn-fan min bɛɛsi ma, anu si wo bɛɛsi sɔrɔn nyɔ rɔ. Anu si taran anu diya nyɔ. Kɔnɔ hali wo, anu si anu kan-kɔ sɔ n na ka don bɛsi-kɔ-koenu tɔ. Anu si anu ban n na ka ma-tɛma-sarama-kan tinya.