Yaburi 78:15 - ALLALA KUMƐ

¹⁵ A ya farɛnu tafara wula-da-rakolɔn tɔ alako anu ni yi sɔrɔn iko a siya nya min yi-worɔn la.

Yaburi 78:15 ပူးပေါင်းရင်းမြစ်များ

Yaburi 105:41

A ya farɛ dɛ laka, yi bɔra anu ye. Yi wo tugura a rɔ ka yigi wula-da-rakolɔn rɔ iko bɛ.

Yaburi 114:8

Mari kɛ le ye farɛ yɛlɛmana yi-denkɛ la ka fara-gbaran yɛlɛma tenke la.

Bɔ-Koe-Iyipiti 17:6

N si sɔ i yarɔ farɛ kuma Sinayi kɔnkɛ kɔrɔ. I wa farɛ wo gbesi tumɛ min, yi si tugu a rɔ alako mɔgɛnu ni anu min.” Musa ya a ma wo nya Isirɛla mɔgɔ-banu yala. (Mɔgɛ bɛɛsi nara wo kɔma ka anu min.)

Aiseya 41:18

A ko a si bɛnu natugu a rɔ ka tenkenu sigi a rɔ fara-kɔnkɛnu ma. A ko a si a ma, kɛnkɛn-tagbalɛ ni yɛlɛma dalɛ la. Yinu si belenna dugu-gbalanɛnu punsɔgɔla.

Aiseya 43:20

A ko yi-wa sa nyɔ kuma male ata mɔgɛnu ye, hali bintɔ-sogenu si a gbiliya. Sulukinu anubɛ selekonanu si a gbiliya.

Aiseya 48:21

Mari ye wole, ala mɔgɛnu natenbila wula-da-rakolɔn rɔ tumɛ min, anu kan na ma gbala mumɛ! A ya yi latugu farɛ rɔ wo ye. A ya farɛ ratii nya min wo, yi tugura a rɔ le.

Yilan-Yilan Koe 20:11

A banta kumɛ kɛ fɔla tumɛ min, a ya Arunala sewuri wo layɛlɛ a kun tɛma ka farɛ wo gbesi wo la iko fila dɛgɛdɛgɛ! Kaka wo rɔ, yi tugura a rɔ. Mɔgɛ min bɛɛ ye nyɔ, anubɛ anuna kolo-fannu, wonu damasi ya anu min yi wo la ka wasa.

1 Kɔrɛnti 10:4

Anu dama ya yi kelan min, Alla ya min nabɔ farɛ rɔ, ado Kirasiti nyɛrɛ le farɛ wo la min bilara anu fɛ.

Lankɛnimayɛ 22:1

Melika ya bɛ fanan yira n na min si nimayɛ di mɔgɔ ma. Bɛ wo gbɛnɛ iko daimon. A ye bɔla Alla anubɛ saga-danta mansaya-sigi-fan kɔrɔ.

Lankɛnimayɛ 22:17

Allala Ni-Sɛnimɛ anubɛ kɔnyɔ-kurɛ wo ye a fɔla ko, “Na!” Ni mɔgɔ-wo-mɔgɔ ya kɛ lamɔɛn, wo fanan ni a fɔ ko, “Na!” Ni min kan lagbalanɛ, na de! Ni min bi nimaya-yi fɛ, wo ni na a min, a sɔnkɔ sa.