Yaburi 77:14 - ALLALA KUMƐ

¹⁴ Ile le ye Alla wo la min si kabana-koenu kɛ. I ya i nyɛrɛta sɛnbɛ yira sibolo-gbɛrɛnu na.

Yaburi 77:14 ပူးပေါင်းရင်းမြစ်များ

Yaburi 105:5

Wole Iburayima kegeyɛnu, Marita wɔli-kɛlɛ, kɔni, wole Yakoba kegeyɛnu, Alla ara wole minnu yabɔ, kɔni, Alla ara kabana-koe minnu ma, wo ni wo miri wonu ma. A ara gbalo minnu sigi wo yogenu ma, wo ni wo miri wonu ma fanan.

Yaburi 106:8

Kɔnɔ hali wo, a ya anu nakanan iko a ya anu yili-madiya nya min, alako a ni ata sɛnbɛ-wɛ yira anu na.

Yaburi 136:4

Ale le kelen pe si ke kabana-koenu nadanna. Ala keninteyɛ dan sa.

Yaburi 68:25

Sigi-salɛnu bi yarɔ, fɔli-kɛlɛnu bi i kɔma. Sunkurɔn minnu bi wasanbɛ lamagala, wonu bi anu tɛma.

Yaburi 72:18

Ma si Isirɛlata Mari Alla tanto. Ale le kelen pe ye kabana-koe kɛ dama mala.

Yaburi 86:10

I makawara, ado i ye kabana-koenu nadanna fanan. Ile le kelen pe ye Alla la.

Bɔ-Koe-Iyipiti 13:14

“Tumado ni wola den-keinu ya ladɛn kɛ kɔrɛ manyinika wo la tumɛ min, wo si a fɔ anu ye ko, ‘Mari ya ma labɔ yɔɔnyɛ rɔ Iyipiti nyamanɛ rɔ ata sɛnbɛ la wati kɛ le tɔ.

Bɔ-Koe-Iyipiti 15:11

“E, Mari, nfen sifa ye duninya rɔ mɔgɛnu si min bato iko ile Mari. Yon sɛninyanɛ iko ile? Ma si i tanto ila kɛwɔli-makilannɛnuna ko la. Yon si ke kabana-koenu kɛla iko ile?

Bɔ-Koe-Iyipiti 15:6

“E, Mari, i wara ko-makawani-belebele kɛ ma ye i kɔɛn-nyimɛ la. I kɔɛn-nyimɛ ara i yogenu bunden ma ye.

Aiseya 51:9

Mari, i yandi, kunden. I ni ma dɛnbɛ. Ita sɛnbɛ lawɔli ka ma kisi. Wɔli iko i duruta a mala kɔrɔma la nya min. Ile le ya ninkinankɛ ratɛgɛtɛgɛ fɔlɔ nun.

Aiseya 52:10

Mari si ata sɛnbɛ-sɛnimɛ lawɔli ala mɔgɛnu kisi tinɛ. Kɛ si ma duninya-mɔgɛ bɛɛ ya la.

Daniyɛli 3:29

Ale mansɛ ya a fɔ tun ko, “N bara ban a latɛgɛla bi, n ko ni mɔgɔ-wo-mɔgɔ ya mɔgɔ sawɛ kɛnuta Alla lafɛya, wo tigi si gbegbe ka ala bɔn ma sundu-kunyɛ la. Bɛsi-wo-bɛsi sa nyɔ min si ke mɔgɛ latankala iko kɛnutɛ.”

Daniyɛli 6:27

Ale le ye ma latankala ka ma kisi fanan. Ale le ye ko-makawanɛnu kɛla san-kole anubɛ dugu-kole ma. Ale le ya Daniyɛli lakanan yarɛnu masibɛ ma.”

Lankɛnimayɛ 15:3

Anu bi Allala wɔli-kɛlɛ, Nɛbi Musa, anubɛ saga-danta bɛti bɔla ko, “Mari Alla Sɛnbɛ Bɛɛ Tigi, ila kɛwɔlɛnu kolo. Anu makilanta! Sibole bɛɛta Mansɛ, i kɛ-nyanu telennɛ. Tonya-kilɛ le anu na.