Yaburi 77:12 - ALLALA KUMƐ

¹² I wara min bɛɛ kɛ, n bi n mirila wonu ma. N bi n hɛnkili lamirila ila kabana-koenu ma.

Yaburi 77:12 ပူးပေါင်းရင်းမြစ်များ

Yaburi 104:34

Alamɛ nna bɛti diyara a ye bawo nna sewɛ bɔnɛ ale le tɔ.

Yaburi 105:2

Wo ni baraka-bira-bɛtinu bɔ Mari ye. A ara kabana-koe min bɛɛsi ma wo ye, wo ni wonu takaran.

Yaburi 105:5

Wole Iburayima kegeyɛnu, Marita wɔli-kɛlɛ, kɔni, wole Yakoba kegeyɛnu, Alla ara wole minnu yabɔ, kɔni, Alla ara kabana-koe minnu ma, wo ni wo miri wonu ma. A ara gbalo minnu sigi wo yogenu ma, wo ni wo miri wonu ma fanan.

Yaburi 119:52

Ila sereya minnu bi nyɔ kebi kɔrɔma la, n hɛnkili tora bilala wonu ko. Mari, wonu ya n kɔntɔ-diya le.

Yaburi 143:5

N bi n mirila ko-kɔrɔmɛnu ma. N hɛnkili ye i kɛ-nya-kɔrɛnu ma fɔlɔn. N yili tonɛ ila ko-ladan-bolenu ko.

Yaburi 145:11

Anu si ila mansaya-mankan gbiliya. Anu si to ila sɛnbɛ wara-koe rakaranna

Yaburi 145:4

Denbɛnu si ila ko-makawanɛ rakaran anuna dannu ye. Anu si ila wɔli-nyimɛ faranfasi anuna dannu ye.

Yaburi 71:24

Telen-gbɛn, n bi ila telenbagayɛ rakaranna bawo minnu bi ko-yogomɛ sigila n ma, i wara wonu nabui kɔndɔfili rɔ yarabiyi bolo.

Aiseya 63:11

Wo kɔma, ala mɔgɛnu hɛnkili na ara to bilala ko-tenbini-kɔrɛnu ko. Anu hɛnkili tugura Musa la. Anu ko, “Mari min ya mabɛ mala kun-tiginu natɛgɛ kɔgɔ-yi la, wo ye mintɔ? Min ya ata Ni-Sɛnimɛ layigi mala mɔgɔ-banu kuma, wo ye mintɔ?”

Tɔn-Fɔɛ-Fila-Nyɔgɛ 6:7

Wo taranta kan-bo-kan, wo ni to wola dannu makolola karan kɛ la. Wo tenbi luyi ma wo, wo tenbi bɔn na wo, wo tenbi wɔlila wo, wo tenbi wo sulenna wo, wo ni to a karanna wola dannu ye tuma-wo-tuma.

Tɔn-Fɔɛ-Fila-Nyɔgɛ 7:19

Wo ni wo miri tɔrɔya siyamɛ wonu ma Mari ya min sigi anu ma wo fanu yala. Wota Mari Alla ya ata kabana-koenu anubɛ ata fanka mayira ka wo kunka. A ya Iyipiti mɔgɛnu kasara nya min, wo kilannɛ Kenan nyamanita-mɔgɛ minnu na, a si wonu fanan kasara wo nya na le.