Yaburi 76:10 - ALLALA KUMƐ

¹⁰ Hali mɔgɛnuna diminyɛ, a laban si ma ile Mari ye gbiliyɛ la. Minnu kunyɛ ma to kɛlɛ rɔ, wonu si anu taya ka ladiyɛ bɛɛ kɛ i gbiliya-koe rɔ a kilɛ fɛ.

Yaburi 76:10 ပူးပေါင်းရင်းမြစ်များ

Ko-Dabirɛnu 50:20

Wole ya ko-yogomɛ sigi n na kɔnɔ Alla ya a yɛlɛma n ye a nyimɛ la alako mɔgɔ siyaman ni kanan n fɛ.

Yaburi 104:9

I ya dan sa anu ye, anu ti tenbi min kun na mumɛ alako yi wonu kana na dugi mumɛ yamatogon tun!

Yaburi 12:6

Yigi si taran de mɔgɛnu bolo Marita yili-madiyɛla ko la. Lanyiri wonu yili masɔni de iko wodi-gbɛ min na ara lee sɛninya tinɛ iko wɔrɔnfila.

Yaburi 46:6

Kɔnɔ sibolo-gbɛrɛ doinu, wonu bi kilanna kumakɔɛ bolo dɔgɔma-ma-de! Nyamanɛ doinu ta ye magala. Alla tenbi kumala iko san wa sɛrɛn, wo si a ma, dugi ni lee bandin!

Yaburi 65:7

Kɔgɔ-yi tugun-kan a rɔ, i si wo rade don! Hali sibolo-gbɛrɛnu kurun-kan, i si wo fanan tade don!

Yaburi 82:8

E, Alla, na duninya kiti tɛgɛ. Ile letan sibole bɛɛ la.

Bɔ-Koe-Iyipiti 18:11

N ya a lɔn kaka ko Mari kolo bɛsɛ bɛɛ ko bawo Iyipiti kɛ minnu tɛgɛnɛ Isirɛla mɔgɛnu tɔ, a ara wonu tɔrɔ kosɛbɛ!”

Aiseya 11:4

A si bolo-kolɔnnu kiti telenbagayɛ la. A si mɔgɔ-tɔrɔnɛnu dɛnbɛn anu yoe wara-koe rɔ. A wa ban min yilikila, wonu si tɔrɔyɛ le sɔrɔn, ado a si wunduyogenu faga.

Matiyu 24:22

Kɔnɔ Alla ara ban do bɔla tele wonu na. Ni a ma wo ma nun, mɔgɔ-wo-mɔgɔ ti kisi. Kɔnɔ Alla si do bɔ tele wonu na ala mɔgɔ-yabɔnɛnuna ko la.

Yɔni 19:22

Pailɛti ya anu yabi ko, “N bara min sɛbɛ, wo ti yɛlɛma muk!”

Romu 9:17

Alla ya a fɔ Iyipiti mansɛ ye ala kitabu rɔ ko a ara a ma mansɛ la alako a si ata sɛnbɛ yira a la nya min. A ya wo ma fanan alako duninya-mɔgɛ bɛɛ ni ale Alla mankan lamɔɛn.

Lankɛnimayɛ 11:18

Sibolenu yisi bɔra bɛrɛkɛ, ado ila diminyɛ-labɔ-wati ara ke anubɛ furi kiti-tɛgɛ-wati. Ila wɔli-kɛlɛnu, ila nɛbinu, kɔni, anubɛ ila mɔgɛ bɛɛ, a dɔgɔma wo, a kinama wo, anubɛ min bɛɛ kilannɛ i la, anuna barayi-sɔrɔn-tumɛ ara ke. Minnu ya dugu-kole halaki, wonu halaki-wati ara ke!”