Yaburi 75:8 - ALLALA KUMƐ

⁸ Marita yi-lafɛ lafanɛ ata fondo-bɔɛ la iko gbɛɛ-kunɛ min bi kanfala. A si a kɛ karagbɛlɛnu ye alako anu ni anu min kɔlikɔli! Anu si a min ha a ni ban fegba!

Yaburi 75:8 ပူးပေါင်းရင်းမြစ်များ

Yobu 21:20

A bɛnta, hakɛ-tiginu ni tɔrɔ anu hakɛ kɛnuna ko la. Fɔ anu nyɛrɛ ni Alla Sɛnbɛ-Bɛɛ-Tigita fondo-bɔɛ rayen.

Yaburi 11:6

Mari si tɛ anubɛ munku-gbɛ layigi karagbɛlɛnu kuma. A si anu tɔrɔ fɔn-kalamɛ la.

Yaburi 60:3

I wara a ma, ita mɔgɛnu bara tɔrɔ kosɛbɛ! Ma ye tonko-tankanna iko gbɛɛtoe si tonko-tankan nya min.

Yaburi 73:10

Hali Allata mɔgɛnu, wonu bi anu tole masɔla anu na. Anu ya kuma-wo-kuma fɔ, wonu si la wo la tiriya!

Aiseya 5:22

Gbalo ye wole gbɛɛ-minna-wɛnu ma. Wo ye wo wasila baan-tabasanni-minyɛ la.

Aiseya 51:17

Ile Yerusalɛm soe, kunden. I rasagan ka i lawuli. Mari fonde bɔnɛ ya tɔrɔya-yi-lafɛ min di i ma, i wara i min wo la. I ya i min a la tumɛ min, i ya yi-lafɛ ragbala todo! Wo ya a ma, i tora tonko-tankanna.

Aiseya 51:22

ita Mari Alla ye wo latankala ka a fɔ wo ye ko a fonde bɔnɛ ya tɔrɔya-yi-lafɛ min di wo ma, a si wo bi wo bolo tun. Tɔrɔyɛ min si wo ma tɔlɔn iko gbɛɛtoe, a ko wo ti wo min wo la tun.

Yɛrɛmaya 25:15

Isirɛlata Mari Alla ya a fɔ nde, Yɛrɛmaya ye ko n ni yi-lafɛ bi a kɔɛn rɔ min nafanɛ ata fondo-bɔɛ la. A ko a ye n sɔla sibolo-gbɛrɛ minnu bara, n ni ta yi-lafɛ kɛ la wo bɛɛ warɛ. Anu ni anu min a la.

Yɛrɛmaya 25:17

Woletɔ n ya yi-lafɛ bi a kɔɛn rɔ. N tara sibole wo bɛɛ warɛ alako anu ni anu min a la.

Isikiyɛli 23:34

I si a min ha i ni a ban fegba! Wo kɔma, i si yi-lafɛ wo gbɛnkian bi ka i kinyɛnu tafarafara wo la yisi-tinya bolo. Nde, wo Tigi Mari kan le kɛ la.

Lankɛnimayɛ 16:19

Babilɔn-so-wɛ farata sigi tina sawa la. Nyamanɛ bɛɛta so-wɛnu fanan halakira. Alla ya a fonde to Babilɔn-so-belebele ko. Allata diminya-belebele ye yi-lafɛ min tɔ iko gbɛɛ, a ya a ma, Babilɔn ya a min wo la.

1 Samuwɛli 2:7

Ale Mari si donu nama-a-la ka donu fanan tabunden. Ale le si donu famayigi ka donu famayɛlɛ.