Yaburi 74:15 - ALLALA KUMƐ

¹⁵ I ya a ma, yi-nɛnu anubɛ tenkenu tugura a rɔ. I ya bɛnu gbala anu worɔn la todo!

Yaburi 74:15 ပူးပေါင်းရင်းမြစ်များ

2 Mansɛnu 2:14

Ale fanan ya duruki wo gbesi Yorodan bɛ wo la. A ko, “Nɛbi Ilayata Mari Alla ye mintɔ?” Wo kɔma, a ya duruki wo gbesi yi la tun. Yi farata filɛ la. A tenbira ka ta nɛbi-karan-dan mɔgɔ bi-lolɛ wonu bara la.

2 Mansɛnu 2:8

Nɛbi Ilaya ya ala duruki bɔ a kan na ka a mini ka a gbesi yi la. Tiriyante wo rɔ, yi farata filɛ la. Anu mɔgɔ filɛ tenbira dugu-gbalanɛ ma.

Yaburi 105:41

A ya farɛ dɛ laka, yi bɔra anu ye. Yi wo tugura a rɔ ka yigi wula-da-rakolɔn rɔ iko bɛ.

Yaburi 114:3

Anu yen Kɔgɔ-Yi-Wulan bolo, yi wo ya a buri anu kɔrɔ. Yorodan bɛ sɛgira a kɔma.

Yaburi 78:15

A ya farɛnu tafara wula-da-rakolɔn tɔ alako anu ni yi sɔrɔn iko a siya nya min yi-worɔn la.

Aiseya 11:16

Isirɛla mɔgɛ minnu bi bɔla Asiriya, a si ma kila-wɛ la wonu ye. A si ma anu na iko a mara anu benbanu na, wo tumɛ anu bi bɔla Iyipiti.

Aiseya 44:27

A ko a wa a karɛ laka ka a fɔ ko a ni gbala kɔgɔ-yi ma, wo si gbala todo!

Aiseya 48:21

Mari ye wole, ala mɔgɛnu natenbila wula-da-rakolɔn rɔ tumɛ min, anu kan na ma gbala mumɛ! A ya yi latugu farɛ rɔ wo ye. A ya farɛ ratii nya min wo, yi tugura a rɔ le.

Habakuku 3:9

I ya banda-nyin-masɔgɛ rabɛn i yogenu bon-koe la. Ila yinu bara dugi rafara warr!

Yilan-Yilan Koe 20:11

A banta kumɛ kɛ fɔla tumɛ min, a ya Arunala sewuri wo layɛlɛ a kun tɛma ka farɛ wo gbesi wo la iko fila dɛgɛdɛgɛ! Kaka wo rɔ, yi tugura a rɔ. Mɔgɛ min bɛɛ ye nyɔ, anubɛ anuna kolo-fannu, wonu damasi ya anu min yi wo la ka wasa.

Yasowa 2:10

Ma ya a lamɔɛn fanan ko Isirɛla mɔgɛ bɛɛ bɔra Iyipiti tumɛ min, Mari ya kabana-koe do kɛ ka Kɔgɔ-Yi-Wulan gbala anu yarɔ, ado ma ya a lamɔɛn fanan ko Amora mansa filɛ minnu tɔgɛ Saihɔn anubɛ Ɔku, wo ya wonu faga Yorodan bɛ kɔma.

Lankɛnimayɛ 16:12

Wo kɔma, melika wɔrɔ nyɔgɛ ya ata pani-kunbɛ rawuya Yufɛrɛti-ba-wɛ rɔ. Bɛ wo gbalata ka kilɛ laka mansɛnu ye minnu bi nala ka bɔ tele-bɔɛ.