Yaburi 74:1 - ALLALA KUMƐ

¹ E, Alla, nfen ya a to, i wara i ban ma la ka? Ile si diminya ila mɔgɛnu ma ka le tolon, ba?

Yaburi 74:1 ပူးပေါင်းရင်းမြစ်များ

2 Mansɛnu 21:14

Min bi tola anu niyi la, n si n yɛ firindi wonu ma ka anu kunyɛ don anu yogenu bolo. Anu yoge wonu si anu nɔ ka anu bolo-fan bɛɛ bi anu bolo.

Yaburi 10:1

E, Mari, nfenna i fɛ-yan? Nfenna ni ma ye tɔrɔyɛ rɔ, i si i dogon ma ma?

Yaburi 100:3

Bɛɛ ni a lɔn wo ma ko Mari le Alla la. Ale le kelen pe ya ma dan, ado a halalɛ le male la. Ata mɔgɛ le male la, ado ma ye ata saga-wɔrɛ rɔ.

Yaburi 18:8

A fonde bɔnɛ min kɛ, a mara iko ta-sisi ye bɔla a sunyɛ rɔ. A mara fanan iko ta-wɔlɔn le a karɛ rɔ. Wo damasi mara bawo a fonde bɔnɛ.

Yaburi 42:11

N ya a fɔ n nyɛrɛ ma ko, “Nfenna n yisi magboyanɛ? Nfenna n kɔndɔfilinɛ?” Hali wo, n si n yigi sa Alla rɔ. N si to a matɔgɔla iko n duruta a mala nya min nun. Nta kisilɛ anubɛ nta Alla le ale la.

Yaburi 42:9

Alla min bi n natankala, n si a fɔ wo ye ko, “Nfenna i wara nyina n ko? Nfenna n tɔrɔnɛ ni to n yogenuna karagbɛlɛyɛ la?”

Yaburi 44:9

Kɔnɔ i wara i ban ma la kaka. I wara a ma, anu bara ma nɔ. I sa tala mala kɛlɛ-dannu fɛ tun mumɛ!

Yaburi 50:1

Mari Alla Sɛnbɛ-Bɛɛ-Tigi kumara. A ya duninya-mɔgɛ bɛɛ rakele ka bɔ tele-bɔɛ ha tele-yigi.

Yaburi 60:1

E, Alla, i wara i ban ma la ka kilɛ sa ma ma. I fonde ma ara gboya ma ma nun kɔnɔ i yandi, i ya-lamunun ma la.

Yaburi 60:10

Tonyɛ, i wara i ban ma la, wa? Mala kɛlɛ-dannu ba ta kɛlɛ-kɛ-tinɛ, i ti kofu ma ma kɛlɛ rɔ, wa?

Yaburi 77:7

N ko, “N tigi si to a banna le ma la, wa? Ma wara-koe ti a hɛnɛ tun, ba?

Yaburi 77:8

A ara a ban keninteyɛ yirala ma la le, wa? A sa ala lanyiri kanbalila ma ye tun, ba?

Yaburi 78:1

Wole nta Isirɛla mɔgɛnu, wo ni wo tole masɔ nna karan la. Wo ni wo tole masɔ yiri!

Yaburi 79:13

Wo wa ka-a-la, ita mɔgɛ ye male min na, ila sagɛnu, kɔni, ma si baraka bira i ye burubukai! Mabɛ ma kegeyɛ si to i batola habadan!

Yaburi 79:5

Mari, i fondo-bɔnɛ si to ma kuma tolon, wa? I fonde si to bɔni ma kan ma iko tɛ tenbi kikɔlɛ la, wa?

Yaburi 80:5

I wara nimisɛ ma mala dɔn-fan la. I wara ma min-kɛ-yi-lafɛ lafa ma ya-yi la.

Yaburi 85:6

I ti ma lakuraya tun alako male, ita mɔgɛnu ni i matɔgɔ?

Yaburi 95:7

Ale le mata Alla la. Wo mɔgɛ le ma la minnu fɛ-biranɛ a bolo. Ala sagɛ le male la a ye minnu de-nyinina. Wo ni wo tole masɔ a kan la bi.

Bɔ-Koe-Iyipiti 32:11

Musa ya ata Mari Alla madiya. A ko, “Mari, i wara ila mɔgɛ minnu nabɔ Iyipiti nyamanɛ rɔ ita sɛnbɛ-wɛ la, ila diminyɛ si wara wonu kuma nfen na?

Aiseya 64:8

Kɔnɔ Mari, ma fa le ile la. Male manɛ iko dugu-namɛ. Daga-sɔlɛ le ile la. I kɔɛn-nyɛrɛ-nyɛrɛ le ya ma dan.

Yɛrɛmaya 23:1

Mari ko gbalo ye wole, Yuda mɔgɔ-banu kan ma bawo wo ye ala mɔgɛnu tinyana. Wo ye a mala, ala mɔgɛnu bi nyɛnsɛnna.

Yɛrɛmaya 31:37

Ni hadama-dan si ke san-kole sumanna, ni a si ke dugu-kurukɛ-tinɛ bɛɛ lɔnna, nba, mani ale Mari si a ban wole, ala mɔgɛnu na ka a tɛgɛ wo hakɛ ma. Mari kan le kɛ la.

Isikiyɛli 34:31

N Tigi Mari ko wole min bi ata sagayɛ la, ata mɔgɛ le wole la. Wole fananta Alla le ale la.

Isikiyɛli 34:8

Nde, Mari min bi n niyi la, n bara n keli n nyɛrɛ rɔ ko fɔ anu ni anu tole masɔ le serr! Sogo-feremɛnu bara nna sagɛnu dɔn bawo anu fɛ-birala sa. Nna saga-fɛ-biralɛnu ma anu nyɛrɛ tɔrɔ sagɛnu nyinina lefan! Anu bi anu nyɛrɛ le dɔrɔn fɛ-birala, sagɛnu ma de!

Luka 12:32

“Wole, nna saga-kurun-nɛ, wo kana kilan bawo wo Fa fonde ara sa ka mansayɛ di wo ma.

Tɔn-Fɔɛ-Fila-Nyɔgɛ 29:20

Mari ti mɔgɔ-sufa wo to nyɔ rɔ. Wo si a ma, Mari fonde si bɔ ka sisi lugbu-lugbu! Tɔrɔyɛ min bɛɛsi sɛbɛnɛ kitabu kɛ rɔ, wonu si sigi ale mɔgɛ wo kuma ha Mari si a kasara pɔɔ!