Yaburi 73:6 - ALLALA KUMƐ

⁶ Woletɔ anu bi wasinteyɛ donna anu kan na iko kanna-fan. Anu bi karagbɛlɛyɛ donna anu ma iko duruku-ba.

Yaburi 73:6 ပူးပေါင်းရင်းမြစ်များ

Ko-Dabirɛnu 41:42

Ale mansɛla mandan ye ala dɛɛn-kɔlɔnɛ min ma, a ya wo bɔ a bole la ka a don Yusufu bole la. A ya fɛrɛya-bɔ-hakikɛnu di a ma ka sɛnɛ-yɔlɔkɛ don a kan na.

Ɛsita 3:1

Wati tenbinɛ, Mansa Sakasi ya mɔgɛ do ma ala kandɛ la. Wo tɔgɛ le Heman. Heman kɛ fa tɔgɛ le Hamideta. Ekaki bɔnsɔn-mɔgɛ do le anu denu na.

Yaburi 109:18

Dankalɛ namanɛ a da rɔ iko a nyɛrɛ kan-na-duruki si bɔ a kan na nya min. Alamɛ ata dankɛ wonu ya a nyɛrɛ kimɛ iko yi yɔgbɔ! Alamɛ anu donta a kole rɔ iko tuli.

Yaburi 109:29

Alamɛ n yogenu miliyara kɔgɔrɔyɔlɔ! Alamɛ miliyɛ wo mara anu kan-ma-duruki la.

Hɛnkilimaya-Kumɛnu 1:9

Ni i ya wo ma, anuna karan si ila kɛ-nya-nyimɛ yira duninya la iko kun-yili anubɛ kan-na-fan si musi lakinya nya min.

Hɛnkilimaya-Kumɛnu 3:31

I kana karagbɛlɛnu makeliya anuna karagbɛlɛyɛla ko la, ado i kana na ma iko anu denu

Hɛnkilimaya-Kumɛnu 4:17

Karagbɛlɛyɛ le manɛ anu de-nyini-fan la. Masiba-koe le manɛ anu min-kɛ-fan la.

Makawandili Kumɛnu 8:11

Mɔgɛnu bi tola karagbɛlɛyɛ kɛla bawo anu sa anuna tɔrɔyɛ sɔrɔnna yona.

Keninteya-Siginu 4:9

N kɔntɔ-nyaganɛ, i ye i yɛ makerila n mafɛlɛn tinɛ nya min hali n ba ila kan-na-fen kelan yen i kan la n yisi si murumuru n burɔ ila ko la.

Aiseya 3:19

anuna bolo-kalama-dɛɛn wo, a si wonu bi anu bolo. Anu ya-laburun-kura wo,

Yɛrɛmaya 48:11

Mari ko Mohabu kɛnu nafɛrɛni de tuma-wo-tuma. Anu ma ta biralɛ rɔ ni! Anu siginɛ iko gbɛɛ min kɔrɔ siginɛ, mɔgɔ ma a bole tugu wɛ min barɛ la. A diyɛ ye a la iko a ye nya min nun fɔlɔ. A sumɛ ye bɔla iko a ye nya min nun fɔlɔ fanan.

Yɛrɛmaya 48:29

Mohabu kɛ kɛnu wasira. Anu nyɛrɛ kɔrɔtanɛ. Anu ya anu nyɛrɛ kelen pe lɔn mɔgɛ la.”

Isikiyɛli 16:11

N ya i makiri bolo-kalama-dɛɛnnu anubɛ kan-na-fannu na ka bɔ kuru-da-gbɛlɛnu tɔ.

Daniyɛli 4:30

N bi a fɔla ko, ‘Babilɔn so-karantan kɛ mafɛlɛn. Nde le ya soe kɛ sɔ alako ka nta sɛnbɛ mayira. Mɔgɛnu si a lɔn fanan ko n bi gbiliyɛ rɔ soe kɛ sɔ-nya bolo.’

Maika 3:5

“Nɛbi donu bi nyɔ minnu bi Allata mɔgɛnu yanfala. Minnu bi wonu sarala, anu bi yisi-kima-koe fɔla wonu ye. Minnu sa anu sarala, anu bi kɛlɛ-koe fɔla wonu ye wɔlɔyiya-kumɛ rɔ. Mari ye a fɔla mɔgɔ-mayuwaya-nɛbi wonu ye ko

Tɔn-Fɔɛ-Fila-Nyɔgɛ 32:15

“Wole Marita mɔgɛnu mara nɔnfulu-tiginu na kɔnɔ hali wo, wo murutiyara a ma. Wo ara tɔlɔ ha wo bu-dagɛnu bara sigi kɔnɔ hali wo, wo ya ale Dali-Mari boloka. Wota Fara-Kole min ya wo lakisi, wo ya wo ban wo la.

1 Pita 5:5

Fonikenu fanan ni sɔnnaya kɛmɔgɛnu ye wo nya na le. Wo dama ni famayigiya-duruki don wo kan na ka wɔlɛ kɛ wo nyɔgɔn ye, ado a sɛbɛnɛ Allala kitabu rɔ ko, “A mako sa mɔgɔ-wasinɛnu na kɔnɔ a si ata hinɛ yira mɔgɔ-famayiginɛnu na.”

Kɛlɛ-Kurugbɛnu 8:26

Anu ya sɛnɛ-fore minnu nadɛn Kidiyɔn ye, wo damasi lakofunɛ gbiliyɛ manɛ le iko yi kalɔn nani. A dɛɛn-kɔlɔnɛ sa kɛ ma, a bolo-kalama-dɛɛn sa kɛ ma, a kan-na-fen sa kɛ ma, hali a yɔlɔkɛ minnu bi nyomɛnu kan na. Hali Midiyan kɛnuna mansaya-duruki da-gbɛlɛnu bɔnɛ kɛnu na.