Yaburi 73:27 - ALLALA KUMƐ

²⁷ Mɔgɔ-wo-mɔgɔ ya a masɛgi ile la, wo tigi si tɔrɔ, yɔ! Ni mɔgɔ-wo-mɔgɔ ma a telen i ye, i si wo tigi halaki.

Yaburi 73:27 ပူးပေါင်းရင်းမြစ်များ

1 Ko-Kɔrɔta-Karan 10:13

Mansa Sɔli fagara bawo a bilara Mari le la. Yanni a ni Mari manyinika, a tara ke yi-kɔrɔ-fɛlɛnnɛ do ma. Wo ya yi-kɔrɔ-fɛlan kɛ a ye. Wo le ya a ma, Mari ya a ma, anu ya ale Sɔli faga. A ya mansayɛ bi ka a di Yɛsila den Dawuda ma.

Ɛsita 9:30

A ya kɛdi wonu nata Yahudiyanu ma nyamani-kun kɛmɛ ani nyamani-kun mogan-ni-wɔrɔnfilɛ bɛɛ (127) rɔ. Min sanɛ kɛdi wonu tɔ ko alamɛ wonu ya latankɛ anubɛ yisi-kimɛ sɔrɔn.

Yaburi 106:39

Anu kɛ-nya ya anu natinya, ado anu denu ma telen Alla ye.

Yaburi 119:155

Karagbɛlɛnu ti kisi bawo anu sa ita tɔnnu birala.

Bɔ-Koe-Iyipiti 34:15

“Wobɛ nyamanita-mɔgɛ wonu kana lanyiri kiri wo nyɔgɔn tɛma. Wo kana sarakɛnu bɔ anuta allanu ye bawo anu donu si wo kele saraka dɔn tinɛ.

Aiseya 29:13

Mari ko mɔgɛ kɛnu bi a fɔla anu da rɔ ko ale Mari di anu ye kɔnɔ a wara-koe sa anu yisi-kunyɛ la. Anuna dina manɛ tɔn anubɛ namunya-gbansan le la. Wo le manɛ anu bolo kuntɔ-karan la.

Yɛrɛmaya 12:2

I wara wunduyogenu ki ma tɛma yan. A mani de iko anu suli gbangbannɛ gben, ado anu bi nanfala ka gbɔ. Anu bi i matɔgɔla anu da rɔ kɔnɔ anu yisi fɛ-yan i la pon!

Yɛrɛmaya 17:13

Mari, Isirɛla mɔgɛnu yigi le ile la. Mɔgɔ-wo-mɔgɔ wa a kan-kɔ sɔ i la, wo tigi si miliya. Min bi a bɔla ile Marita kilɛ fɛ, wo tigi mani de iko tɔgɛ min sɛbɛnɛ gbangban rɔ. Wo sa mɛla bawo a ara ile Mari boloka. Tenke-kimanɛ le ile Mari la.

Yilan-Yilan Koe 15:39

Wo wa a bunsan kɛnu yen tumɛ min, wo si wo miri Marila tɔnnu ma ka anu bira. Wo si a ma, wo ti wo nyɛrɛ sako kɛ ka wo kan-kɔ sɔ a la.

Ɛfɛsa 2:13

Ka a tɛgɛ Yisa Kirasiti ma, wole minnu fɛ-yan Alla la nun, wo gbɛrɛnnɛ Alla ma kaka. Kirasiti Yisa yele mara wola sarakɛ la.

Ɛfɛsa 2:17

Woletɔ Kirasiti ara kibara-nyimɛ-kawandili bɔ mɔgɛ bɛɛ ye. I mara sibolo-gbɛrɛ la min fɛ-yan Alla la nun wo, i mara Isirɛla mɔgɛ la min fɛ-ma-yan a la nun wo, kibara-nyimɛ ye ma filɛ bɛɛ ye.

Yemesi 4:4

Wole lanayabɛlɛnu, ka a fɔ ko ni duninya kɛ diyara mɔgɔ-wo-mɔgɔ ye, Alla yoge le wo tigi la, wo ma wo lɔn, wa? N ni a fɔ tun, mɔgɛ min bi mala duninya kɛ diyana-mɔgɛ la, wo si a nyɛrɛ ma Alla yoge la.