Yaburi 72:7 - ALLALA KUMƐ

⁷ Alamɛ telenbagayɛ tora koloyala a siyi-tele-bɛɛ kɔrɔ. Fananta karɛ ye gbɛla, alamɛ ala mɔgɛnu tora ko-nyimɛ sɔrɔnna.

Yaburi 72:7 ပူးပေါင်းရင်းမြစ်များ

1 Mansɛnu 4:25

Ata wati rɔ, Yuda mɔgɛnu anubɛ Isirɛla mɔgɛnu tora yisi-kimɛ rɔ. Ala nyamanita-mɔgɛ bɛɛsi tora sewɛ rɔ ala mansaya-wati bɛɛ kɔrɔ. Dɔn-fen ma dasa ala nyamanita-mɔgɛ wo do-wo-do ma.

1 Mansɛnu 5:4

Kɔnɔ kaka, nta Mari Alla ara lafɛrɛ anubɛ yisi-kimɛ di n ma kan tinɛ bɛɛ rɔ. N yoge mumɛ sa tun hali! Sika-wo-sika sa nde rɔ tun kɛlɛ wara-koe rɔ.

Yaburi 92:12

Mɔgɔ-telennɛnu bara-koe si yɛlɛ fulufele, iko tin-kuri. Anu si to koloyala iko kɔlɔma-hakikɛ minnu bi Lɛbanan nyamanɛ rɔ.

Aiseya 2:4

“Mari si kɛlɛ-nyɔgɔnyɛ ban duninya-sibolenu tɛma. Mari si yisi-kimɛ lana anu tɛma ha anu si anuna faannu yɛlɛma sɛnɛ-kɛ-dɛɛnu na. Anu si tanbɛnu yɛlɛma wɔrɔtɛnu na. Woletɔ duninya-mɔgɛnu ti anu tabɛn kɛlɛ-kɛ-koe ma anu nyɔgɔn kan ma. Anu ti anu nyɔgɔn kɛlɛ tun.”

Aiseya 60:1

Ile Yerusalɛm, i lasɔ, i silɛɛ ni tii i ma iko tele. Marita gbiliyɛ ye malanna i kuma.

Aiseya 60:22

Kebilɛ min madɔgɔyanɛ i rɔ, wo yatɛ si ke le waga kelan tɔ. Kebilɛ min madɔgɔyanɛ i rɔ korekore, wo ma si kawa mɔgɛnu tɛma. A ko Mari le ale la. Ni kɛnu wati ara kɛ, a si a ma, a kan kɛ ni bɔ-a-la tiriya!

Daniyɛli 2:44

“Mansayɛ wonu wati rɔ, Alla min bi Arinyɛni tɔ, wo si na mansayɛ do la min ti ban, ado mɔgɛ ti ke ata mansayɛ bila a bolo. Mansaya-gbɛrɛ ti wo nɔ kɔnɔ ale Alla si mansayɛ doi wonu kasara. Ata mansayɛ si to habadan!

Sakaraya 9:10

Mari ko ale mansɛ si kɛlɛ-kɛ-kirindinu wara-koe ka-a-la Isirɛla nyamanɛ rɔ. A mako ti taran soeenu na min tabɛnnɛ kɛlɛ-kɛ-koe la Yerusalɛm. A si kalabɛn-kalɛnu takerikeri. A si yisi-kimɛ lana sibolenu tɛma. Ka a bi kɔgɔ-yi-dan doi ma ka a sigi a dan doi la, a si mansayɛ kɛ wo dama rɔ. Ala mansayɛ dan da si bira Yufereti bɛ ma ha duninya dan.

Malakayi 4:2

Kɔnɔ a ko wole min ya ala kumɛnu bira, wo tele wa ke tumɛ min, ale Marita sɛnbɛ si wo lakisi ka kɛndɛyɛ di wo ma iko kirayatoe wa bɔ tele la. Wonu si to gberenya bɔla iko mɔgɛ wa ninki-dan kan bɔ.

Luka 1:33

A si mansayɛ kɛ Yakoba bɔnsɔnnu kun na, ado ala mansayɛ ti ban habadan!”

Luka 2:14

“Gbiliyɛ ni ke Alla ye san-kole rɔ pon! Minnu ya Alla hɛnɛ, yisi-kimɛ ni to wonu fɛ!”

Kɛwɔlɛnu 4:32

Nba, dɛnkɛninya-mɔgɔ-nyama bɛɛ taranta kan kelen anubɛ yisi kelan rɔ. Mɔgɔ-wo-mɔgɔ ma a fɔ a bolo-fannuna ko la ko atɛ le kɔnɔ fan min bɛɛ ye anu bolo, anu ya wonu tafara anu nyɔgɔn tɛma.