Yaburi 72:6 - ALLALA KUMƐ

⁶ Alamɛ mansɛla mansayɛ ya ala mɔgɛnu munanfaga iko banda-yi ye ki-fannu nasabatila nya min.

Yaburi 72:6 ပူးပေါင်းရင်းမြစ်များ

2 Samuwɛli 23:4

wo mani de iko sun-tele min bi sɔla kunbi la, ado tele anubɛ bandɛ le binyɛ lanɔrɔnna.

Yaburi 65:10

I ye bandɛ lanala mala sɛni-wɔrɔnɛnu tɔ alako anu yi ni kɛ. I ye dugi lamola banda-yi la alako ki-fannu ni fɛrɛn.

Hɛnkilimaya-Kumɛnu 16:15

Ni mansɛ sewara i la, i niyi ra si diya i ma. Ala sewɛ wo si diya mɔgɛ ye iko banda-kun-fɔlɛ wa bui dugi ma.

Hɛnkilimaya-Kumɛnu 19:12

Ni mansɛ diminyara i ma, wo mani de iko yarɛ tenbi bɔrɔndɔ-bɔrɔndɔla kɔnɔ ni a sewara i la, wo mani de i ye iko banda-kun-fɔlɛ.

Aiseya 5:6

N si a ma, nyɔ ni ma bin-gbansan la. Minnu sa gbɔla, n ti ko ma wonu na. N ti anu kɔrɔ wɔrɔ. N si a ma, gbenkinya anubɛ gbangbufe ni nyɔ bira-a-la. N si tɔn sigi bandɛla nɛ la a rɔ.”

Hoseya 6:3

Ma ni ma sɛbɛ don Mari lɔn-koe ma alako a ni to sɛgila ma ma tun iko sun-tele-tiyi ye nala sɔgɔma-wo-sɔgɔma nya min. A si to sɛgila ma ma tun iko samɛ min bi donna san-bo-san.”

Maika 5:6

Nimirɔdi ya Asiriya nyamanɛ min dabira, ma si nyɔ-mɔgɛnu nɔ mala kɛlɛ-kɛ-fannu na. Asiriya mɔgɛnu ba na bui ma ma tumɛ min, mala kun-tigi-wɛ wonu si ma kisi anu masibɛ ma.

Tɔn-Fɔɛ-Fila-Nyɔgɛ 32:2

Nta karan si bui iko banda-yi. A si sigi mɔgɔ yisi rɔ iko kunbi si sigi binyɛ la nya min. Nta kumɛ si na iko banda-tɔnɔnamɛ. Nta kumɛ manɛ le iko bandɛ min si ki-fan-yi sa a rɔ.