Yaburi 72:18 - ALLALA KUMƐ

¹⁸ Ma si Isirɛlata Mari Alla tanto. Ale le kelen pe ye kabana-koe kɛ dama mala.

Yaburi 72:18 ပူးပေါင်းရင်းမြစ်များ

1 Ko-Kɔrɔta-Karan 29:10

Mansa Dawuda ya Mari tanto nyama wo yala nyɔ rɔ. A ya Alla matara, a ko, “Ma benba Yakobata Mari Alla, i ni to tantolɛ sɔrɔnna habadan!

1 Ko-Kɔrɔta-Karan 29:20

Wo kɔma, Mansa Dawuda ya a fɔ mɔgɛnu ye ko, “Wo ni wota Mari Alla tanto.” Mɔgɔ damasi ya anu benbanuta Mari Alla tanto. Anu ya anu madu ka Mari anubɛ anuna mansɛ gbiliya.

Yobu 5:9

Male ti Allata ko-makawanɛ-dan lɔn, ado ala kabana-koenu dan sa.

Yobu 9:10

Alla ye kabana-koe min bɛɛsi ladanna, ma ti ke wonu dan lɔnna, ado ala ko-makawanɛnu-dan sa.

Yaburi 106:48

Tantolɛ ni di Isirɛlata Mari Alla ma ka to a matɔgɔla burubukai! Mɔgɛ bɛɛ ni a fɔ ko, “Amina!” Tantolɛ ni kɛ Mari ye!

Yaburi 136:4

Ale le kelen pe si ke kabana-koenu nadanna. Ala keninteyɛ dan sa.

Yaburi 41:13

Ma ni baraka bira Isirɛlata Mari Alla ye. Ma ni a tanto bi ha habadan! Amina! Amina!

Yaburi 68:35

Isirɛlata Alla tenbi bɔla ala kan-tina-sɛnimɛ rɔ, a makilannɛ. A si sɛnbɛ di ala mɔgɛnu ma. Alla tanto!

Yaburi 77:14

Ile le ye Alla wo la min si kabana-koenu kɛ. I ya i nyɛrɛta sɛnbɛ yira sibolo-gbɛrɛnu na.

Yaburi 77:15

I ya ila mɔgɛnu kisi ila sɛnbɛ-wɛ la, Yakoba anubɛ Yusufu kegeyɛnu, kɔni.

Yaburi 86:10

I makawara, ado i ye kabana-koenu nadanna fanan. Ile le kelen pe ye Alla la.

Yaburi 98:1

Wo ni bɛti-kurɛ bɔ Mari ye bawo a ara kabana-koenu kɛ ma ye. A kelen peta sɛnbɛ le ya a ma, a ya nɔ-ko sɔrɔn.

Bɔ-Koe-Iyipiti 15:11

“E, Mari, nfen sifa ye duninya rɔ mɔgɛnu si min bato iko ile Mari. Yon sɛninyanɛ iko ile? Ma si i tanto ila kɛwɔli-makilannɛnuna ko la. Yon si ke kabana-koenu kɛla iko ile?