Yaburi 72:15 - ALLALA KUMƐ

¹⁵ Alamɛ mansɛ siyi-fɛ yanyara! I ni a ma, anu ni sɛnɛ di a ma ka bɔ Arabu nyamanɛ rɔ. I ni a ma, anu ni to Alla matarala a ye tuma-wo-tuma. Alamɛ Allata duwɛ tora a kuma habadan!

Yaburi 72:15 ပူးပေါင်းရင်းမြစ်များ

1 Mansɛnu 10:10

Musu-mansɛ wo ya Mansa Silamɛni sanba kɛnɛ anubɛ dugu-kɔrɔ-nɔnfuli siyaman na. Wo kɔma, a ya sɛnɛ min di a ma, wo gbiliyɛ anubɛ fui-fan bɔrɔ bi-wɔrɛ rakɛn de! Ale Siba musu-mansɛ wo nara kɛnɛ min nyɔgɛ la mansɛ ye, mɔgɔ-wo-mɔgɔ ma ke nala wo nyɔgɛ la tun.

1 Mansɛnu 10:14

Yilanu taranta duti dila Mansa Silamɛni ma min kɛ, ale fanan bi tɔnɛ sɔrɔnna anuna yilayɛ fɛ. Arebiya mansɛnu bi a sanbala. Hali ata sigisɔn-mansɛnu minnu bi Isirɛla nyamanɛ rɔ, wonu bi hinala a la. Min sanɛ wo kuma, san-bo-san Mansa Silamɛni si sɛnɛ sɔrɔn minna gbiliyɛ anubɛ fui-fan bɔrɔ kɛmɛ sawa, bɔrɔ bi-sawa ani bɔrɔ sawa (333) rakɛn de!

2 Ko-Kɔrɔta-Karan 9:1

Mansa Silamɛni ya hɛnkili sɔrɔn nya min Mari bolo, Siba musu-mansɛ ya ala hɛnkilimayɛ wo mankan lamɔɛn. Wo le ya a ma, ale nara mansɛ hɛnkili kɔrɔbɔ tinɛ. A nara a gba-fɛ-bilala-siyaman na. Wo kɔma, a ya kɛnɛ-dunɛnu anubɛ sɛnɛ-dunɛnu anubɛ dugu-kɔrɔ-nɔnfulu-siyaman dunɛnu kiri nyomɛnu kɔ tɛma. Ale musu-mansɛ ya Mansa Silamɛni taran min kɛ Yerusalɛm soe burɔ, a ara a miri nyinikalɛ min bɛɛ ma, a ya ale mansɛ manyinika wonu na.

Yaburi 21:4

A ya i manyinika simayɛ wara-koe la, ado i wara a ma, a mɛra mansayɛ la.

Yaburi 45:4

I ni to kɛlɛ kɛla i sɛbɛ-kuna-wɛ la tonyɛ anubɛ telenbagayɛla ko la. I sɛnbɛ si a ma, i ni nɔ-ko sɔrɔn.

Yaburi 72:19

Ma ni to a tɔgɔ-gbiliyanɛ tantola tolon! Alamɛ ata gbiliyɛ ya duninya lafa pen! Amina! Amina!

Aiseya 60:6

Nyomɛnu ta si ka wola nyamanɛ rɔ baraki! Wonu si na ka bɔ Midiya anubɛ Ifa nyamanɛ rɔ. Mɔgɛnu si na i sanbala sɛnɛ anubɛ isɛnti la ka bɔ Siba nyamanɛ rɔ. Anu si to Mari-tanto-sigi sala.

Matiyu 2:11

Anu donta bɔn la dennɛ anubɛ a na Mariyama ye kan min. Anu ya dennɛ yen min kɛ, anu ya anu nyɛnkin ka a bato. Wo kɔma, anu ya anuna bɔrɛnu naka ka a sanbɛnu di a ma. Anu ya a sanba sɛnɛ la, anubɛ isɛnti min tɔgɛ farankinsɛnsɛ, anubɛ tulu-suma-diyamɛ min tɔgɛ mira.

Matiyu 21:9

Nyama min bi tagamana Yisa yarɔ anubɛ nyama min bi tagamana a kɔma, wonu ya gbele-gbelan dabira ko, “Mansa Dawudala dan, i ni sɛnɛ! Min bi nala Mari tɔgɛ rɔ, Allata duwɛ ni to wo kuma! Alla tanto!”

Matiyu 6:10

Ila mansayɛ ni na ma kuma. I sako ni kɛ duninya rɔ iko a ye kɛla Arinyɛni tɔ nya min.

Yɔni 11:25

Yisa ya a fɔ a ye ko, “Nde ye furinu nawulila ka niyi di anu ma. Min ba dɛnkɛninya n ma, hali a fagara, wo si sɛgi a niyi la,

Yɔni 14:19

A ara to doni, dɛnkɛninyabɛlɛnu ti n yen tun kɔnɔ wole si n yen. Nba, n si to n niyi la tun min kɛ, wole fanan si niyi sɔrɔn.

Yɔni 5:23

Mɔgɛ bɛɛ si nde, Allala dan gbiliya iko anu bi n Fa Alla gbiliyala nya min. Minnu sa nde, Allala dan gbiliyala, n Fa Alla min ya n sɔ, wonu sa wo gbiliyala.

Filipai 2:11

Bɛɛ si a lawɔyɔ gbɛ rɔ ko Yisa Kirasiti, Mari le. Bɛɛ si ma Fa Alla gbiliya kumɛ wo la.

1 Tɛsalonaika 3:11

Alamɛ ma Fa Alla anubɛ ma Mari Yisa ya kilɛ rabɛn ma ye ka na ke wo ma!

2 Timoti 4:22

Mari ni i niyi kandan. Allala hinɛ ni to wo dama fɛ.

2 Pita 3:18

Kɔnɔ wo ni to koloyala ma Mari anubɛ ma Kisilɛ Yisa Kirasitita hinɛ anubɛ a lɔn-koe rɔ. Gbiliyɛ ni di ale ma habadan! Amina.

1 Yɔni 1:2

Nimayɛ kɛ bɔra gbɛ rɔ tumɛ min, ma ya a yen feu! Woletɔ ma ye kumala ala ko la ka habadan-nimayɛ wo wara-koe fɔ wo ye. Niyi wo ye Fa Alla fɛ nun, ado ale le ya wo labɔ gbɛ rɔ ma ye.

Yude 1:25

Alla kelen pe, ma kisilɛ, kɔni, wotɛ ye mansayɛ anubɛ gbiliyɛ anubɛ sɛnbɛ la Yisa Kirasiti baraka rɔ kebi fɔlɔ ma, ha ka a sigi kaka la, ha habadan! Amina.

Lankɛnimayɛ 1:18

Nimalamɛ le nde la! N faganɛ le nun kɔnɔ kaka, n bi n niyi la tolon, ado sarati ye n bolo sayɛ anubɛ lakira kuma.