Yaburi 72:12 - ALLALA KUMƐ

¹² Bolo-kolɔnnu ba a rakele, a si wonu nakanan. A ye wo nya na fanan fɛlɛtenɛnu anubɛ mɔgɔ-tɔrɔnɛnu ye.

Yaburi 72:12 ပူးပေါင်းရင်းမြစ်များ

2 Samuwɛli 14:16

N ya a lɔn fanan serr, ko fɔ i wa i wɔlɔ matɔlɔ n na ka n tanka mɔgɛnu masibɛ ma min bi mabɛ nna dan wo faga-koe rɔ. Ni wo don mara, Alla ya nyamanɛ min di male Isirɛla mɔgɛnu ma, anu bara n gben nyamanɛ wo rɔ.

Yobu 29:12

bawo bolo-kolɔnnu bi tɔrɔyɛ rɔ tumɛ min, n bi anu dɛnbɛna. N bi kelennɛnu dɛnbɛna minnu dɛnbɛna-gbɛrɛkɛ sa.

Yobu 36:15

Alla si tɔrɔyɛ ma anu karan-fan la. A si anu yɛ laka yakɔrɔ-mamɔɛ la.

Yaburi 10:17

E, Mari, i si i wɔlɔ matɔlɔ mɔgɔ-famayiginɛnuna madiyalɛ la. I si anu yigi sigi.

Yaburi 102:17

Ale ara a ban mɔgɛ minnu na nun, a si a wɔlɔ matɔlɔ wonuna madiyali-kɛ-kan la.

Yaburi 102:20

A ye wo mafɛlan kun na tumɛ min, a ya mɔgɔ-biranɛnu kurun-kan lamɔɛn. Minnu faga-ko-lɔgɔ la ara ban tɛgɛla, a ya wonu kunyɛ bɔ fagalɛ kɔrɔ.

Yaburi 55:17

Su-ni-tele, nta yasere-masɛ ye kɛla a ma, ado fɔ a wa n kan lamɔɛn de, yɔ!

Yaburi 72:4

Alamɛ mansɛ ya bolo-kolɔnnu kiti telenbagayɛ la. Alamɛ a ya fugarɛnu hayu kasa ka anu yogenu kasara.

Hɛnkilimaya-Kumɛnu 29:7

Telenbagɛ si mɔgɔ-tɔrɔnɛ dɛnbɛ kɔnɔ karagbɛlɛ ti ke ko-sufa wonu nya-yenna.

Makawandili Kumɛnu 4:1

N sigira ka n miri. Telenbɛlitayɛ min bi duninya rɔ, n ya wo lakɔrɔsi. Minnu bi kɔndɔfili rɔ, wonu bi dila kɔnɔ anu denkunna-wo-denkuna sa. Anu denkunna sa bawo minnu bi anu tɔrɔla, sɛnbɛ ye wonu denu bolo.

Aiseya 41:17

Fugarɛnu anubɛ bolo-kolɔnnu ya yi nyini, anu ma ke a sɔrɔnna. Mari ko wo kan la wa gbala todo, a si na to wola madiyalɛ yabila. Ale Isirɛlata Mari ti wo boloka.

Luka 4:18

“Marita Sɛnbɛ ye n tɔ. A ara n yabɔ alako n ni kibara-nyimɛ lake bolo-kolɔnnu ma. Minnu bi biralɛ rɔ, a ya n sɔ ka wonu boloka-koe fɔ anu ye anubɛ ka fiyɔnnu yɛ laka. Nɔɛ sanɛ minnu kuma, n si wonu hɔrɔya.

Luka 7:22

A ya Yɔnila kilayɛnu yabi ko, “Wo ye min namɔɛnna ka min tayen wo nyɛrɛ yɛ la, wo sɛgi ka wo dantɛgɛ Yɔni ye. Fiyɔnnu bi fen yenna. Namarɛnu bi tagamana. Fɛrɛma-kirayatoenu bara kɛndɛya. Tolo-gberenu bi ko lamɔɛnna. Furinu na ara wuli. Kibara-nyimɛ ara bɔ bolo-kolɔnnu ye.

2 Kɔrɛnti 8:9

ado wo ya ma Mari Yisa, Allata-Mɔgɔ-Yabɔnɛta hinɛ lɔn. Nɔnfulu-tigi-ba le ale la nun kɔnɔ a ya a nyɛrɛ ma bolo-kolɔn la wolela ko la. A ya wo ma alako ala bolo-kolonyɛ ni wo ma nɔnfulu-tigi la.

Hiburunu 7:25

ado minnu bi nala Alla ma Yisa baraka rɔ, ale le si ke wonu nakisila feu, bawo a ye a kɛndɛ la habadan! A ye Alla madiyala wonu ye tɛban!

1 Samuwɛli 22:2

Mɔgɔ-tɔrɔnɛnu wo, yilima-tiginu wo, anubɛ mɔgɔ-murutiyanɛnu, wonu denu wulita ka ta kofu Dawuda ma. Mɔgɛ wonu yatɛ bɛnta mɔgɔ kɛmɛ nanɛ ma. Ale Dawuda mara anuna kun-tigi la.