Yaburi 71:23 - ALLALA KUMƐ

²³ N tenbi tolonna, n bi n kuli mayɛlɛla sewɛ rɔ. N si n sɛnbɛ mumɛ labɔ bawo i wara n kisi.

Yaburi 71:23 ပူးပေါင်းရင်းမြစ်များ

Ko-Dabirɛnu 48:16

Alla min nara nde ma iko melika ka n kunka ko-yogomɛ bɛɛ ma, alamɛ wota duwɛ tora ila den-keminɛ kɛnu kuma. Alamɛ tɔgɔ-nyimɛ tora den-kei filɛ kɛnu kuma iko a tora n fa Isiyaka anubɛ n benba Iburayima anubɛ nde kuma nya min. Anu bɔnsɔnnu ni siyaya dugu-kole kɛ kuma.”

2 Samuwɛli 4:9

Dawuda ya a fɔ anu ye ko, “Mari-nimɛ min bi n nakisila masibɛ ma, n bara n keli wo rɔ.

Yaburi 103:4

A ye n kandanna kanba-masibɛ ma. Ala duwɛ ye yigila n kuma ka hinɛ anubɛ kinikinɛ di n ma.

Yaburi 104:33

N si bɛtinu bɔ Mari ye n siyi-tele bɛɛ rɔ. Fananta n bi n niyi la, n bi tantoli-bɛtinu bɔla nta Alla ye.

Yaburi 34:22

Mari si ata mɔgɛnu kisi. Minnu bi tala a wara alako Mari ni anu natanka, Mari ti wo tigi tɔrɔ.

Yaburi 63:5

N sɔndɔmɛ la si fa iko mɔgɔ wa fa ladiyɛ kuma. N si sewa-bɛtinu bɔ i ye ka i tanto wonu na.

Lankɛnimayɛ 5:9

Anu ya bɛti-kurɛ do bɔ. Anu ko, “I si ke ka gbolo-lamininɛ wo bi ka li-kɛɛn wonu bɔ a ma bawo anu bara i faga nun. I ya mɔgɛnu san Alla ye ila sayɛ fɛ ka bɔ bɔnsɔn bɛɛ rɔ anubɛ mɔgɛ bɛɛ rɔ anubɛ sibole bɛɛ rɔ iko anu kan faranɛ nya min.