Yaburi 71:22 - ALLALA KUMƐ

²² N si sɔrɔn fɔ i matɔgɔ tinɛ. Nta Alla, n si i tanto ita lanayɛla ko la. Ile min sɛnima Isirɛla nyamanɛ mumɛ rɔ, n si nna sɔrɔn fɔ ka bɛtinu bɔ i ye.

Yaburi 71:22 ပူးပေါင်းရင်းမြစ်များ

2 Mansɛnu 19:22

A ko ale Sɛnakaribu mirinɛ ko a ye yon nafɛyala? A sa Isirɛlata Mari Alla-sɛnimɛ gbiliyala,

Yaburi 138:2

N si n madu dugi ma i Bato-Bon-sɛnimɛ telen tɔ. N si baraka bira i ye ka a tɛgɛ ita hinɛ anubɛ ila lanayɛla ko la. I wara i tɔgɛ anubɛ i kuman-kan lawanka fan bɛɛ ko.

Yaburi 144:9

E, Alla, n si bɛti-kurɛ bɔ i ye. N si bɔlɔn fɔ ka sigi sa i ye.

Yaburi 25:10

Minnu bi ata sarama-kan birala, a si ala telenbagayɛ anubɛ keninteyɛ yira wonu na.

Yaburi 33:2

Wo ni sɔrɔn fɔ ka baraka bira Mari ye. Wo ni fɔli-fannu kɛ-a-rɔ ka a matɔgɔ-bɛti bɔ.

Yaburi 43:4

Wo kɔma, n si n telen ile Allata saraka-mintan-tinɛ la. Nna sewa-kunyɛ bɛɛ bɔra ile le bolo. N si nna sɔrɔn fɔ ka i matɔgɔ-bɛti bɔ. E, Alla, nta Alla le ile la.

Yaburi 56:4

N lanɛ ile Alla la min kɛ, woletɔ n ti kilan. N si i tanto bawo lanyiri kirinɛ i bolo n kisi-koe la. Hadama-dan si ke nfen mala nde la worɔ?

Yaburi 78:41

Anu tora a kɔrɔbɔla le tolon! Anu ya Isirɛlata Alla-sɛnimɛ fonde kɔrɔtɔ a ma.

Yaburi 89:1

E, Mari, n si to ila hinɛ-sigi sala tolon! N si to ila telenbagayɛ wara-koe rakaranna dɛɛ!

Yaburi 89:18

E, Mari, ile le ya mansɛ yabɔ ma ye. Ile Isirɛlata Alla-sɛnimɛ le ya mala mansɛ di ma ma.

Yaburi 98:3

A tora ata keninteyɛ anubɛ lanayɛ yirala Isirɛla mɔgɛnu na. Duninya-mɔgɛ bɛɛsi ara mata Allata nɔ-koe yen.

Yaburi 98:4

Mɔgɛ bɛɛ ni bɛti bɔ Mari ye sewɛ la duninya rɔ. Bɛɛ ni a matɔgɔ-bɛti bɔ nya-kun-kelen.

Yaburi 98:5

Wo ni tantoli-bɛtinu bɔ Mari ye. Wo ni sɔrɔnnu fɔ a ye.

Aiseya 12:6

Wole minnu siginɛ Yerusalɛm, wo ni wo kan mayɛlɛ bɛti bɔ tinɛ. Isirɛlata Alla makawara. A ye a mayigila ata mɔgɛnu tɛma.”

Aiseya 43:3

A ye wo nya na le yɔ, bawo mata Mari Alla le ale la. Wo le, Isirɛlata Mari-sɛnimɛ le ye ma kisila. A ko a ya Iyipiti kɛnu ma ma kunkɛ la. Sudan nyamanɛ anubɛ Seba kɛnu fanan mara ma kunkɛ la.

Aiseya 5:16

Kɔnɔ Mari Sɛnbɛ-Bɛɛ-Tigi ye ko-latelennɛ mala min kɛ, wo ye ata kabana-koe mayirala mɔgɛnu ye. A si ata sɛninyɛ mayira mɔgɛnu kiti tinɛ anu hakɛla ko la.

Aiseya 5:19

Wo ye a fɔla ko, “Ni Mari ye min mala, a ni a tiriya wo mala, woletɔ ma si a yen. Isirɛlata Alla-sɛnimɛ ni ala miriya lawɔli alako ma ni a miriya lɔn.”

Aiseya 5:24

Nba kaka, wo ara wo suli min nayigi iko kɔlɔmatɛ, wonu si tuli. Wo fere minnu bi wo la, fɔnyɔ si wonu nayalan. Wo si ma iko binyɛ min sanɛ tɛ rɔ bawo wo ara wo ban Isirɛlata Alla Sɛnimɛ, Mari Sɛnbɛ-Bɛɛ-Tigita labilɛ la.

Aiseya 57:15

Alla-gbiliyanɛ min bi san ma pon, min sɛnima, ado a ye nyɔ habadan, wo ko ale mayiginɛ kan-tina-sɛnimɛ le tɔ san ma pon! A ko hali wo, mɔgɔ-famayiginɛ minnu bara nimisa, a si taran wonu tɛma. A ko minnu famayiginɛ, a si ni kurɛ di wonu ma. Minnu nimisanɛ, a si wonu niyi kurakuraya.

Aiseya 60:9

Mɔgɛnu bi bɔla wula-yan-bɛ la ka na Allata mɔgɛnu na a ma. Anu si na kulɔnnu tɔ ka bɔ Tasisi nyamanɛ rɔ. Wonu si i sanba sɛnɛ anubɛ wodi-gbɛ la. Kɛ dama ye nala mala le alako ita Mari Alla ni gbiliyɛ sɔrɔn. Isirɛlata Alla-sɛnimɛ le. A ye kabana-koenu mala ile Yerusalɛm ye.

Maika 7:20

I si ita lanayɛ anubɛ ila keninteyɛ yira Iburayima anubɛ Yakoba kegeyɛnu na, ita mɔgɛnu, kɔni, iko i ya lanyiri kiri anu ye nya min nun!

Romu 15:8

ado n bi a fɔla wo ye ko Kirasiti mara Yahudiyanuna wɔli-kɛlɛ la ka a mayira ko Alla si ala lanyiri latɔnbagaya min kirinɛ ma benbanu ye.