Yaburi 71:21 - ALLALA KUMƐ

²¹ I si n tɔgɛ makofu ka tenbi a fɔlɔtɛ la. I si a ma, n ni taran n fanbolo tun.

Yaburi 71:21 ပူးပေါင်းရင်းမြစ်များ

2 Samuwɛli 3:1

Kɔnɔ hali wo, kɛlɛ-nyɔgɔnyɛ tora Mansa Sɔlita fɛ-biralɛnu anubɛ Dawudala keminɛnu tɛma wati-yan kɔrɔ. Dawudala sɛnbɛ ma tora kofula kɔnɔ Sɔlita sɛnbɛ ma tora yigila.

Yaburi 18:35

E, Mari, i wara n nakanan. I wara n dɛnbɛ woletɔ n bara ma tɔgɔlamɛ la.

Yaburi 23:4

Hali n bi tenbila saya-kilɛ pinpi-wɛ le tɔ, Mari si a ma, n ti kilan fenfen na bawo a ye n fɛ. Ale le ye n matankala ko-yogomɛ bɛɛ ma.

Yaburi 32:10

Fɔ karagbɛlɛnu ba tɔrɔya kɔnɔ minnu lanɛ Mari la, wonu bi kananna ka a tɛgɛ ala keninteya-dannatɛgɛbɛlɛ ma.

Yaburi 72:11

Mansɛ bɛɛ si anu madu a kɔrɔ. Sibole bɛɛ si wɔlɛ kɛ a ye.

Yaburi 86:17

Mari, ila nyimayɛ-misalɛ yira n na alako n gbo minnu ye, wonu ni miliya bawo anu bi a yenna i wara n dɛnbɛ kosɛbɛ!

Aiseya 12:1

Wati ye nala, mɔgɛnu si to bɛti bɔla ko, “E, Mari, n bi i matɔgɔla. Hali i fununɛ ye ma la nun kɔnɔ mala diminyɛ sa i bolo tun, ado i ye ma ladiyala.

Aiseya 49:13

San-kole ni a dɛ sa-a-rɔ sigi sa tinɛ. Dugu-kole ni a lawɔyɔ sewɛ bolo. Kɔnkɛnu ni sigi-sɛ dabira anu sɛbɛ-kuna-wɛ la. Mari si ala mɔgɛnu nafɛrɛ ka kinikini ata mɔgɔ-tɔrɔnɛnu ma.

Aiseya 49:6

Mari ara a fɔ n ye ko, wɔli-belebele ye nde, ata wɔli-kɛlɛla ko la. Isirɛla mɔgɛ toe minnu tonɛ, a si wonu nasɛgi anuta gbiliyɛ rɔ kɔnɔ min kolo wo ko, a ko anu si ma waan la sibolenu ye alako duninya mumɛ la ni kisi.

Aiseya 9:7

Ata mansaya-dan sa. Yisi-kimɛ le ye ata mansayɛ rɔ burubukai! A si mansayɛ kɛ a kebila Mansa Dawuda gbɛ rɔ. Ka a bi wo wati ma ha tumɛ min di Alla ye, ata mansaya-sɛnbɛ le tɔn-birɛ anubɛ telenbagayɛ la. Mari Sɛnbɛ-Bɛɛ-Tigi ara a wakila wo kɛ-koe ma.

2 Kɔrɛnti 2:14

Tabarakala Alla ma! Mabɛ Kirasiti ye kan kelen tɔ min kɛ, Alla ya ma ma yelela-mɔgɛnu na ka ma mayira gbɛ rɔ Kirasitita nɔlɛ rɔ. Nba kaka, ma tenbi tala kan-tina wo kan-tina, a si male bi ka Marita kibara-nyimɛ lake doinu ma. Kibarɛ wo si nyɛnsɛn iko sɛnti-suma-diyamɛ.

2 Kɔrɛnti 7:13

Wo le ya a to, ma yisi kimara. Min sanɛ mala yisi-kimɛ kuma, wo ya Taita lasewa nya min, wo ara male fanan nasewa wo nya na le. Wo damasi ara a dɛnbɛ ka a yisi sa lɛp!

2 Kɔrɛnti 7:6

Alla min si mɔgɔ-kɔndɔfilinɛ yisi-kimɛ, wo ya ma yisi-kimɛ Taitala nɛ fɛ.

1 Tɛsalonaika 3:9

Nba, kaka ma ye baraka birala Alla ye wolela ko la. Ma ye baraka birala a ye sewɛ wola ko la min bi male rɔ. Ma sɛwanɛ mata Alla yala ka a tɛgɛ wole ma.

Lankɛnimayɛ 11:15

Wo kɔma, melika wɔrɔnfila nyɔgɛ ya ata buri fɛ. Kuman-kan-wɛnu bɔra Arinyɛni tɔ ko, “Duninya-mansaya-sɛnbɛ ye mata Mari anubɛ ata Mɔgɔ-Yabɔnɛ bolo gbɛ, ado a si mansayɛ kɛ tolon!”