Yaburi 71:11 - ALLALA KUMƐ

¹¹ Anu bi a fɔla ko, “Alla ara ban a bolokala. Ma ni a sagaran ka a bira bawo ala tankala sa.”

Yaburi 71:11 ပူးပေါင်းရင်းမြစ်များ

Yaburi 3:2

Anu bi a fɔla n ma ko, “Alla ti kɛ latanka.”

Yaburi 37:25

Kina le nde la gbɛ! N bara mɛ doni. Kɔnɔ ha bi, nde ma a yen bɛ, Mari ara mɔgɔ-nyimɛ boloka. Min kolo wo ko, n ma mɔgɔ-nyimɛ wola dannu yen bɛ mɔgɔ tarala dɔn-fan ma.

Yaburi 37:28

bawo koe min telennɛ, wo di Mari ye. Wo le si a ma, a ti ata mɔgɔ-telennɛnu boloka. A si to anu natankala burubukai! Kɔnɔ a si karagbɛlɛnuna dannu wara-koe firan nyamanɛ wo rɔ.

Yaburi 42:10

N yogenu bi n tasɛ min kɛla, wo ye n tɔrɔla ha ka don n kole la bawo anu bi tola n manyinikala ko, “Ita Alla ye mintɔ?”

Yaburi 50:22

“Wole min bi wo banna n na, wo ni wo tole masɔ. Ni wo ma, n si wo halaki, ado wola kisila ti taran.

Yaburi 7:2

Ni wo ma, anu si ta n kɔrɔn-kɔrɔnna iko yarɛ si ta a dɔntɛ kɔrɔn-kɔrɔnna nya min. Anu si n tafarafara, ado wo wati rɔ, mɔgɔ-wo-mɔgɔ ti ke n nakisila.

Daniyɛli 3:15

Kɔnɔ ni wo ya tolon-kan lamɔɛn gbɛ ka wo madu nna bɛsɛ kɔrɔ, wo kin. Kɔnɔ ni wo ma sɔn wo madu-koe ma, anu si wo lafili sulubondon tɛ rɔ tiriya! Wola bɛsɛ nyamintan si ke wo kunyɛ bɔla wo rɔ nde bolo?”

Matiyu 27:46

Tele-makima-wati, Yisa gbele-gbelenta. A ko, “Ilaya, Ilaya, lama sabakatani?” Wo kɔrɛ le, “Nta Alla, nta Alla, i wara n boloka nfenna?”

Matiyu 27:49

Kɔnɔ donu ko, “A makɔni, ma ni a yen ni Nɛbi Ilaya si a lakisi!”

1 Samuwɛli 23:7

Mɔgɛ do ya a fɔ Mansa Sɔli ye ko Dawuda ara ta Kiyaila soe burɔ. Mansa Sɔli ya a fɔ ko, “Alla ara Dawuda don n bolo gbɛ! A ara a nyɛrɛ bira soe kɛ burɔ tarɛ mininɛ min ma.”