Yaburi 69:32 - ALLALA KUMƐ

³² Ni mɔgɔ-tɔrɔnɛnu ya a yen ko Alla ara n nakanan, anu si sewa. Wo si a ma, Alla-batolɛnu kɔntɔ ni diya.

Yaburi 69:32 ပူးပေါင်းရင်းမြစ်များ

Yaburi 22:26

Bolo-kolɔnnu si fa iko a di anu ye nya min. Minnu bi nala Mari bato tinɛ, wonu si a tanto. Alamɛ anu taranta anu diya anu siyi-tele-bɛɛ rɔ.

Yaburi 22:29

Hali mɔgɛ minnu wasinɛ, wonu si anu madu ka a bato, ado hadama-dan bɛɛ si a madu ka a bato.

Yaburi 25:9

Mari ye kila-nyimɛ yirala mɔgɔ-famayiginɛnu na. A si anu karan alako anu ni a sako lɔn.

Yaburi 34:2

N si a tanto ala kɛwɔli-nyimɛnuna ko la. Minnu bi yakɔrɔ-mamɔɛ rɔ, alamɛ wonu ya anu tole masɔ ka sewa.

Yaburi 50:13

Nde sa wola turɛ wonu soge dɔnna. Nde sa wola baa wonu yele minna.

Yaburi 50:14

Kɔnɔ wo ni baraka-birɛ ma sarakɛ la n ye. Wo ara n yili-madiya fan min bɛɛla ko ma, wo ni wonu di nde, Mari Sɛnbɛ-Bɛɛ-Tigi ma.

Yɔni 16:22

A ye wo nya le wole fanan bolo. Wo yisi si gbala kaka kɔnɔ n si wo yen tun. Wo yisinu si fa sewɛ sifa wo la, mɔgɔ ti ke min bila wo bolo.

Yɔni 20:20

A ban kɛ fɔla, a ya a kɔɛn filɛ anubɛ a tɔnkɔn yira anu na. Mari yen ala karan-dannu bolo, anu sewara kati!