Yaburi 69:13 - ALLALA KUMƐ

¹³ Kɔnɔ wo bɛɛ rɔ, n Mari, n bi ile le madiyala. E, Alla, n yabi a tumɛ rɔ. I ni n yabi ka a tɛgɛ ila hinɛ ma bawo i ye ila lanyiri latɔnbagayala ka mɔgɛ kisi.

Yaburi 69:13 ပူးပေါင်းရင်းမြစ်များ

Ko-Dabirɛnu 24:27

A ko, “Alla tanto, n tigi Iburayimata Mari min bara ata lanyiri latɔnbagaya n tigi ye, wo ara n telen n tigita mɔgɛnu na.”

Ɛsita 5:2

Mansɛla musi Ɛsita yen Mansa Sakasi bolo, a wara-koe diyara a ye. A ya ala sɛnɛ-kɔlɔma telen a la alako ka a yira ko a ma ko tinya. Ɛsita fanan tara a bole tugu sɛnɛ-kɔlɔma wo sungban la.

Ɛsita 5:6

Anu ban fen dɔn la, anu bi fen minyɛ kun na gbɛ, mansɛ ya Ɛsita manyinika tun. A ko, “Ni i ye nyinina min ma n bolo, wo fɔ n ye. I ye nyinina fenfen ma, n si wo di i ma. Hali nna nyamani-talɛ, n si a di i ma.”

Ɛsita 7:2

Anu ban fen-dɔn la, anu bi fen-minyɛ kun na gbɛ, mansɛ ya Ɛsita manyinika ko, “Ni i ye nyinina min ma, wo fɔ n ye. I ye nyinina fenfen ma, n si wo di i ma. Hali a mara nna nyamani-talɛ la, n si a di i ma.”

Yaburi 32:6

Ila mɔgɔ-sɛnimɛnu si ke tubila wati min, anu si i madiya wati wo le tɔ. Woletɔ tɔrɔya-belebele wa na, a ti anu masɔrɔn.

Yaburi 51:1

E, Alla, i yandi, kinikini n ma ka a tɛgɛ ita hinɛ ma. N hakɛ firan n ma ka a tɛgɛ ita kinikinɛla ko ma.

Yaburi 91:15

A ko anu ba a rakele, a si a labira. Anu tenbi yakɔrɔ-mamɔɛ rɔ, a ye anu fɛ. A ko a si anu nakisi ka a ma, anu ni gbiliyɛ sɔrɔn.

Yaburi 98:3

A tora ata keninteyɛ anubɛ lanayɛ yirala Isirɛla mɔgɛnu na. Duninya-mɔgɛ bɛɛsi ara mata Allata nɔ-koe yen.

Aiseya 49:8

Mari ara a fɔ ala mɔgɛnu ye ko anu kisi-wati wa ke tumɛ min, a si ala duwɛ layigi anu kuma. A si anu dɛnbɛ iko anu ya a rakele nya min. A ko a si anu kandan ka anu natanka. Wo si ma sarama-kan misalɛ la Yerusalɛm kɛnu anubɛ mɔgɛ bɛɛ tɛma. A ko a si a ma, anu ni anu sigi nyamani-tinyani-kɔrɛ wo rɔ tun.

Aiseya 55:6

Mari-nyini-tumɛ le kɛ la yanni tele ni ta wo ma, ado a rakele-tumɛ le kɛ la bawo a gbɛrɛnnɛ wo ma.

Nimisa Koe 3:63

Anu sigini, anu sɔni, nde le manɛ yɛlɛnma-fan la anu bolo.

Maika 7:20

I si ita lanayɛ anubɛ ila keninteyɛ yira Iburayima anubɛ Yakoba kegeyɛnu na, ita mɔgɛnu, kɔni, iko i ya lanyiri kiri anu ye nya min nun!

Luka 1:72

A ko a si kinikini ma benbanu ma nun ka a fonde to ala sarama-kan-sɛnimɛ ko.

Luka 22:44

Yisa tɔrɔta bɛrɛkɛ min kɛ, a ya madiyali kɛ bɛrɛkɛ! Wusi bɔra a ma iko yele ka tinti dugi ma.

2 Kɔrɛnti 6:2

Alla ya kɛ le fɔ, a ko, “A wati-latɛgɛnɛ le, n ya n tole masɔ i la. I kisi-tele kera lunyɛ min, n ya i dɛnbɛ.” Nba, Allata wati-latɛgɛnɛ le kɛ la! Kisi-tele le bi la!

Hiburunu 5:7

Yisa ye dugu-kole kɛ kuma tumɛ min, Alla min si ke a kisila sayɛ ma, a ya wo madiya a kulu-mayɛlɛnɛ anubɛ diyi la a bolo. Alla ya a wɔlɔ matɔlɔ Yisa la bawo a ya a famayigi ka madiyali kɛ, ado a telenta.

1 Pita 2:23

Anu ya a lafɛya tumɛ min, a ma atɛ lasɛgi ka anu fanan nafɛya. A tɔrɔta tumɛ min, a ma a kɔnkɔn fɔ ka a yigi sa Alla rɔ, bɛɛta kiti-tɛgɛla-latelennɛ, kɔni.

1 Samuwɛli 25:8

Wo ni wola saga-fɛ-biralɛnu manyinika tun kumɛ wola ko la. Woletɔ wo ni ma bira boloko-nyimɛ-kɛ. Fenfen bi wo bolo, wo ni wo di ma ma bawo ladiya-wati le kɛ la.”