Yaburi 68:4 - ALLALA KUMƐ

⁴ Wo ni sigi sa Alla ye ka a tɔgɛ tanto. Wo ni kilɛ laka a ye, ale min siginɛ banda-fin-gbɛ rɔ. A bɛnnɛ, wo ni sewa a yala bawo Mari le ale la.

Yaburi 68:4 ပူးပေါင်းရင်းမြစ်များ

Yaburi 104:3

I wara a balan-kɔnnu gbangban kɔgɔ-yi rɔ. Ila kirindi le banda-finyɛnu na. I kanban le fɔnyɔ la min bi tala i la.

Yaburi 16:11

I ye nimaya-kilɛ yirala n na. N niyi lafulennɛ n ma bawo i gbɛrɛnnɛ n ma. N bi habadan-sewɛ rɔ bawo n biranɛ i kɔɛn-nyimɛ la.

Yaburi 18:10

A sigira melika-sufa do la. Wo tora a buri-wɛ kɛla a la fɔnyɔ rɔ duninya kuma.

Yaburi 5:12

Mari, minnu bi ita kumɛ birala anu bolo filɛ la, wonu si ita duwɛ sɔrɔn. Keninteyɛ min bi i bolo anuna ko la, wo mani de iko nɛgɛ-walan min bi anu natankala kɛlɛ rɔ.

Yaburi 66:2

Wo ni Allata sigi sa ka a tɔgɛ gbiliya. Wo ni gbiliya-ba di a ma.

Yaburi 66:4

A fɔ a ye fanan ko duninya-mɔgɛ bɛɛ ye a batola. Anu bi tantoli-bɛtinu bɔla a ye ka a tɔgɛ tanto fanan.

Yaburi 67:4

Sibole bɛɛ ni nyagalen ka sewa-bɛtinu bɔ i ye bawo ile le si sibolenuna kiti tɛgɛ a kilɛ fɛ ka kila-latelennɛ yira anu na.

Yaburi 68:33

Alla min bi san-kole rɔ kebi fɔlɔ, wo ni siginu sa a ye. Wo ni wo tole masɔ. A si a labira a kulu-mayɛlɛnɛ la.

Yaburi 83:18

Alamɛ anu ya a lɔn ko ile le kelen pe le Mari la. Ile le ye duninya fan bɛɛ kun na.

Yaburi 97:11

Allata waan ara malan mɔgɔ-telennɛnu ma. Nyagalan ye mɔgɔ-nyimɛnu denu ye.

Bɔ-Koe-Iyipiti 3:14

Alla ya a fɔ Musa ye ko,

Bɔ-Koe-Iyipiti 6:3

Nde, Alla Sɛnbɛ-Bɛɛ-Tigi ara n nyɛrɛ yira Iburayima anubɛ Isiyaka anubɛ Yakoba la kɔnɔ n ma n nyɛrɛ tɔgɛ ratɛgɛ anu ye ka a fɔ ‘MARI,’ n habadan-tɔgɛ wo, kɔni.

Bɔ-Koe-Iyipiti 6:8

N ya lanyiri kiri nyamanɛ min di-koe rɔ Iburayima anubɛ Isiyaka anubɛ Yakoba ma, n si a ma, anu ni ta anu sigi nyamanɛ wo rɔ. N si nyamanɛ wo ma anu halalɛ la.”

Hɛnkilimaya-Kumɛnu 10:28

Yigi min bi mɔgɔ-telennɛnu ma, wo le nyagalan la kɔnɔ yigi sa karagbɛlɛnu ma muk!

Aiseya 19:1

Kilayɛ le kɛ la Iyipiti kɛnuna ko la. Mari si a mayigi banda-finyɛ rɔ, a ni ta tiriya Iyipiti nyamanɛ rɔ. Bɛsɛ min bɛɛ ye nyɔ, wonu si yɛrɛyɛrɛn a kɔrɔ, ado nyɔ-mɔgɛnu yisi si tɛgɛ gbat!

Aiseya 40:3

Mɔgɛ do gbele-gbelen kan ye bɔla, a ko, “Wo ni kilɛ rabɛn Mari ye wula-da-rakolɔn rɔ. Wo ni tagama-kilɛ bɛɛ matelen mata Alla ye.

Aiseya 62:10

Wole Yerusalɛm kɛnu, wo bɔ soe burɔ. Minnu bi sɛgila ka bɔ biralɛ rɔ, wo ni kilɛ rabɛn wonu ye yɔnyɔn! Wo ni kurinu bɔ kila-kole la. Wo ni falafalɛ layɛlɛ san ma tamasereyɛ la sibolenu ye.

Tɔn-Fɔɛ-Fila-Nyɔgɛ 33:26

“Alla dogbɛrɛ sa nyɔ min manɛ iko male Isirɛla mɔgɛnuta Alla, ale min bi tagamana san-kole rɔ, kɔni. Ale le ye bɔla banda-finyɛ rɔ ka wo dɛnbɛ.