Yaburi 68:28 - ALLALA KUMƐ

²⁸ E, Alla, i sɛnbɛ yira ma la. I ya ma kunka sɛnbɛ min na, wo yira ma la.

Yaburi 68:28 ပူးပေါင်းရင်းမြစ်များ

Yaburi 138:8

I si koe bɛɛ latɔnbagaya iko i ye yili-madiyɛ kɛla nya min. Mari, ita keninteyɛ ti ban mumɛ! I wara wɔlɛ min dabira, i yandi, wo laban.

Yaburi 42:8

Alamɛ Mari ya ata keninteya-dannatɛgɛbɛlɛ yira n na tele rɔ woletɔ n si to bɛti bɔla n yisi rɔ suyi rɔ. N niyi ye Alla min bolo, bɛti wo mani de ale ye iko madiyalɛ.

Yaburi 44:4

Nta mansɛ anubɛ nta Alla le ile la. Ile le ye a mala, ita mɔgɛnu bi nɔ-ko sɔrɔnna.

Yaburi 71:3

I ni ma nta lakisi-bɔn la min si n tanka n yogenu masibɛ ma. Nta bon-gbɛlɛmɛ anubɛ nna kɛlɛ-kɛlɛ le ile la. N si n buri tala ile wara tuma-wo-tuma.

Aiseya 40:31

Kɔnɔ minnu bi anu yɛ bɛnna Mari ma anu dɛnbɛn-koe rɔ, wonu sɛnbɛ ma si to kofula. Anu wara-koe si to yɛlɛla iko kokɛ wa a kanban rafulen san ma. Anu si anu buri furr, kɔnɔ anu ti bandan. Anu si tagama ha, kɔnɔ anu ta ti kun.

Filipai 1:6

Nba, n lanɛ a la serr, ko Alla min ya wɔli-nyimɛ kɛ dabira wole rɔ, wo si to wɔlɛ wo kun na, ha a ni bɛn Kirasiti Yisata tele ma.

2 Tɛsalonaika 1:11

Wo le ya a to, ma ye Alla matarala wo ye tumɛ bɛɛ. Ma ye a tarala ko a ara wo kele nimaya-su min ma, wo kɛ-nya ni bɛn wo ma. Ko-nyimɛ min bɛɛ kɛ-sɔgɛ ye wo la, alamɛ ata sɛnbɛ ya wo dɛnbɛ wo rɔ ka wola kɛwɔlɛnu dafa.

1 Samuwɛli 9:21

Sɔli ya a fɔ ko, “Bɛnyamɛ bɔnsɔn min dɔgɔ Isirɛla bɔnsɔn bɛɛ ko, wo mɔgɛ do le nde la. Nde bɔra kebilɛ min tɔ, a dɔgɔmɛ le wo la Bɛnyamɛ bɔnsɔn rɔ. Nfenna i ye kumɛ kɛ sufa fɔla nde ye?”