Yaburi 68:18 - ALLALA KUMƐ

¹⁸ A ara yɛlɛ ala kɔnkɛ kuma mɔgɔ-biranɛnu na a bolo. A ye kɔ-fannu birala hali mɔgɔ-murutiyanɛnu bolo. Mari Alla si a mayigi nyɔ.

Yaburi 68:18 ပူးပေါင်းရင်းမြစ်များ

2 Ko-Kɔrɔta-Karan 6:18

“Kɔnɔ nta Alla, duninya kɛ dɔgɔ i yala bawo i ti ke sigila mɔgɛnu tɛma. Hali san-kole min kolo, wo ti a bɔ i ye. I si kun bon-nɛ kɛ la kama worɔ?

Yaburi 110:1

Mari ya a fɔ nna mansɛ ye ko a ni a sigi a bolo-nyimama-kɔɛn wara la ha ale Mari ni ale mansɛ yogenu sa a kin kɔrɔ.

Yaburi 24:3

Yon si ke yɛlɛla Marita kɔnkɔ-sɛnimɛ kuma? Yon si ke donna ata Bato-Bon-sɛnimɛ la?

Yaburi 47:5

Alla ye tala a mayigila ata mansaya-waganɛ rɔ san ma. Mari tenbi yɛlɛla san ma, buru-kan ye bɔla, mɔgɛnu bi a lawɔyɔla.

Yaburi 7:7

I ni sibole bɛɛsi kundɛn ila foolɛ rɔ. I ni ma anuna mansɛ la san-kole rɔ.

Yaburi 78:60

A ya a ban ata fani-bɔn la Sailo soe burɔ a mayiginɛ mɔgɛnu tɛma kan min nun.

Aiseya 55:7

Karagbɛlɛ bɛɛ ni a kɛ-nya boloka ka anu miriyanu yɛlɛma. Anu ni anu ya-lamunun mata Mari Alla la, a si kinikini anu ma ka anu makoto feu!

Aiseya 57:15

Alla-gbiliyanɛ min bi san ma pon, min sɛnima, ado a ye nyɔ habadan, wo ko ale mayiginɛ kan-tina-sɛnimɛ le tɔ san ma pon! A ko hali wo, mɔgɔ-famayiginɛ minnu bara nimisa, a si taran wonu tɛma. A ko minnu famayiginɛ, a si ni kurɛ di wonu ma. Minnu nimisanɛ, a si wonu niyi kurakuraya.

Isikiyɛli 48:35

Tarɛ wola foolɛ bɛnta mɛli wɔrɔ ma. Ka a dabira wati kɛ ma, soe kɛ si to kelela, ‘Mari ye yan.’ ”

Yowɛli 2:11

Mari ye kumala ala kɛlɛ-dannu ye iko san-sɛran, ado kɛlɛ-dan wonu bi ata kumɛ birala. Anu kolo gbɛlɛ, ado anu siya. Marita tele-makilannɛ wo, yon si ke a muinna wo kɔrɔ?

Matiyu 9:13

Wo ta kumɛ kɛ kɔrɛ nyini Allata kitabu rɔ ko, ‘A sa nyinina saraka-soge ma ma bolo fɔ kinikinɛ,’ bawo n ma na mɔgɔ-telennɛnu kele tinɛ fɔ hakɛ-tiginu alako wonu ni bila n fɛ.”

Maraka 16:9

Yisa wulita tumɛ min ka bɔ furinu tɛma Lɛhɛrɛ sɔgɔma, a bɔra gbɛ rɔ Mariyama Magadala kɛ fɔlɔn ye, a ya nyina wɔrɔnfilɛ gben min fɛ, kɔni.

Luka 24:47

A sɛbɛnɛ fanan ko tubi koe anubɛ hakɛ-makoto-ko-kawandilɛ si bɔ sibole bɛɛ ye n tɔgɛ rɔ ka a dabira Yerusalɛm yan.

Luka 24:49

N fa ya lanyiri kiri min na, nde nyɛrɛ si wo lana wo ma. Kɔnɔ wo ni to Yerusalɛm fɔlɔn ha sɛnbɛ wo ni na ka bɔ san ma ka yigi wo kuma.”

Luka 24:51

Nba, a ye duwala anu ye tumɛ min, a bɔra anu dafɛ. A layɛlɛta Arinyɛni tɔ.

Yɔni 14:23

Yisa ya a yabi ko, “Min ba n keni, wo tigi si nna kumɛ bira. N Fa Alla si wo tigi keni. Mabɛ n Fa Alla si na a wara ka to siginɛ a fɛ.

Yɔni 16:7

Kɔnɔ n bi tonyɛ le fɔla wo ye, ni n tara, wo si fisaya wo ma bawo n bi min sɔla wo dɛnbɛn tinɛ, wo si na wo wara. Ni n ma ta, a ti na.

Kɛwɔlɛnu 2:23

Alla ya a latɛgɛ a nyɛrɛ sako fɛ ko Yisa ni don wo bolo. Wole ya a faga bawo wo sɔnta ko hakɛ-tiginu ni a gbangban kɔlɔma ma wo yala.

Kɛwɔlɛnu 2:4

Allala Ni-Sɛnimɛta sɛnbɛ yigira anu damasi kuma. Bɛɛ ya kan-gbɛrɛ-fɔɛ dabira iko Allata Ni-Sɛnimɛ ye anu nabilala nya min.

Kɛwɔlɛnu 9:17

Woletɔ Ananayasi tara bɔn wo la. A ke nyɔ, a ya a bole sa Sɔli kuma. A ko, “N na-kelen-nyɔgɛ Sɔli, i ya Mari Yisa min yen kilɛ la, wo le ara n sɔ i wara. A ara n sɔ alako i yɛ la ni ka tun. Wo kɔma, i si fa Allata Ni-Sɛnimɛ la.”

Romu 5:8

Ma di Alla ye nya min, a ara wo yira ma la bawo ma ye hakɛ-tigiyɛ la wati min, Allata-Mɔgɔ-Yabɔnɛ fagara ma ye.

2 Kɔrɛnti 6:16

Diyanayɛ mintan bi Alla-Bato-Bɔn anubɛ Alla-batobɛlɛnuna bɛsɛ kɔ tinɛnu tɛma? Male le Alla nimɛ Bato-Bɔn la iko Alla nyɛrɛ ya a fɔ nya min ko, “N si sigi anu fɛ ka to anu tɛma. N si ma anuta Alla la. Anu si ma nta mɔgɛ la.”

Tɔn-Fɔɛ-Fila-Nyɔgɛ 33:2

A ya a fɔ ko, “Mari ya a nyɛrɛ yira ma la Sinayi kɔnkɛ kuma. A bɔra gbɛ rɔ ma ye iko sun-tele-tiyi Idɔm nyamanɛ rɔ, Sira kɔnkɛ ye kan min. A ya waan raka ma ma Paran kɔnkɛ dafɛ. Mari nara melika waga tan tɛma. Ta-mɛlan ye dugula wara la.

Kɔlɔsi 2:3

Kɔnɔ ka tenbi wo la, Allata hɛnkili anubɛ ala lɔnnɛ bɛɛ dogonnɛ ale Yisa rɔ.

Kɔlɔsi 2:9

ado Alla wara-koe-mumɛ-bɛɛ taranta Kirasiti le tɔ.

Hiburunu 1:3

Allala dan ye Allata gbiliyɛ labɔla gbɛ rɔ. Alla nyɛrɛta muninyɛ le ale la. A ya duninya mara ala kuma-sɛnbɛmɛnu fɛ. A banta mɔgɛnu makotola anu hakɛnu ma tumɛ min, a ya a mayigi Alla Sɛnbɛ Bɛɛ Tigi kɔɛn-nyimɛ rɔ Arinyɛni tɔ.

Hiburunu 4:14

Saraka-masɔla-kun-tigi-wɛ ye ma bolo min bara ta ha Alla yakɔrɔ, Allala dan Yisa, kɔni. Nba, ma ara dɛnkɛninya Yisa ma min kɛ, ma ni dɛnkɛninyɛ wo bira ma bolo filɛ la gben,

Hiburunu 6:20

Yisa ara ta ma yarɔ nyɔ malela ko la. A ara ma saraka-masɔla-kun-tigi-wɛ la habadan iko Mɛlikisidaki.

Hiburunu 8:1

Ma ye koe min fɔ tinɛ wo ye kɛ la, wo kunyɛ le kɛ la. Saraka-masɔla-kun-tigi-wɛ ye ma bolo min siginɛ Allata mansaya-waganɛ kɔɛn-nyimɛ rɔ Arinyɛni tɔ.

1 Pita 3:22

Ale Yisa tara Arinyɛni tɔ. A siginɛ a Fa Alla kɔɛn-nyimɛ rɔ nyɔ. A ye kun-tigiyɛ kɛla Arinyɛnitɔ-melikanu anubɛ sɛnbɛ-tiginu anubɛ nyɔ-kun-tigi-bɛɛ kun na.

Lankɛnimayɛ 1:20

Lolo wɔrɔnfilɛ minnu bi n bolo-nyimɛ rɔ yan anubɛ sɛnɛ-lɛnpu-sigi-fen wɔrɔnfilɛ kɛnu, wonu gbundu-ko-kɔrɛ le kɛ la. Lolo wɔrɔnfilɛ wo, chɔchi wɔrɔnfilɛta melika-misalɛ le wonu na. Sɛnɛ-lɛnpu-sigi-fen wɔrɔnfilɛ wo, chɔchi wɔrɔnfilɛ misalɛ le wonu na.

Lankɛnimayɛ 21:3

N ya kuman-kan-ba lamɔɛn ka bɔ mansaya-sigi-fan rɔ. A ko, “Alla mayiginɛ mɔgɛnu fɛ kaka, ado a si to anu fɛ. Anu si ma ata mɔgɛnu na. Alla nyɛrɛ si taran anu fɛ ka ma anuta Alla la.

Kɛlɛ-Kurugbɛnu 5:12

‘Dɛbora, sɔ ma yarɔ ka sigi sa. Abinowamta den Bɛraki, i fanan sɔ ma yarɔ. I ni ta yɔɔnnu bira ka anu sɔ i yarɔ.’ ”