Yaburi 68:1 - ALLALA KUMƐ

¹ Alla si a lakɔɛnma ka a yogenu tanyɛnsɛn. A gbo minnu ye, wonu si anu buri a kɔrɔ.

Yaburi 68:1 ပူးပေါင်းရင်းမြစ်များ

2 Ko-Kɔrɔta-Karan 6:41

E, Mari Alla, i lakɔɛnma. Ta i mayigi Bato-Bɔn burɔ ila tɔn-kenkirɛ ye kan min ado wo manɛ ila sɛnbɛ-tamasere la. I si to nyɔ burubukai! Ila saraka-masɔlɛnu bi koe min bɛɛsi mala, ita duwɛ layigi anu kuma wonu tɔ. Ka a tɛgɛ ila ko-nyimɛ ma, alamɛ mɔgɛ bɛɛ sewara.

Yaburi 21:8

Mansɛ si a yoge damasi bira gbuturu! Ale mansɛ gbo min bɛɛ ye, a si wonu bira.

Yaburi 44:26

Na ma dɛnbɛ. Ma lakisi ka a tɛgɛ ila keninteya-dannatɛgɛbɛlɛ ma.

Yaburi 59:11

E, Alla, i kana anu faga nya-kun-kelen. I ni a ma, nna mɔgɛnu kana nyina, i si i yogenu tɔrɔ nya min. Anu tanyɛnsɛn ita sɛnbɛ la ka anu nɔ feu! E, Mari, ma latankalɛ le ile la.

Yaburi 68:14

Mari Sɛnbɛ-Bɛɛ-Tigi ya a yogenu anubɛ anuna mansɛnu tanyɛnsɛn iko fɔnyɔ ya bandan-fuyi ranyɛnsɛn nya min Salamona kɔnkɛ kuma.

Yaburi 68:30

I ni Iyipiti makuma min nyɛɛnɛ iko yi-mɛlɛ tenbi sɔnfɔn-kurinu tɛma. I ni sibole doinu makuma minnu nyɛɛnɛ iko turɛnu bi mɔgɛnu tɛma nya min. Anu makuma ha anu ni anu sa i kɔrɔ ka wodi-gbɛ ma anu madiyali-kɛ-fan la. Kɛlɛ di minnu ye, i ni wonu tanyɛnsɛn.

Yaburi 89:10

Ninkinankɛ min tɔgɛ Rehabi, i ya wo gbesi a rɔ ka a faga. I ya i yogenu tanyɛnsɛn i kɔɛn-sɛnbɛmɛ la.

Bɔ-Koe-Iyipiti 20:5

wo si wo nyɛnkin min kɔrɔ ka a kɔ. Nde le wota Mari Alla la min sa nyinina a senɛ ma. Ni nde, Mari sɔgɔ labɔra mɔgɛ minnu na ka bɛsɛ kɔ, n si wonu tɔrɔ, hali anuna dannu anubɛ anuna mamanɛnu ha ka ta a sigi anu tolo-birɛnu na.

Aiseya 33:3

I wa mala kɛlɛ kɛ tuma-wo-tuma, i mankan si a ma, sibolo-gbɛrɛnu si anu buri kɛlɛ-sɔnkɔ kɔrɔ.

Isikiyɛli 5:2

Kɛlɛ wa ka-a-la ila so-ladannɛ wo rɔ, i ni i kun-sigi, sigi kelan bi ka a mintan nyɔ. A sigi kelan, i ni wo ratɛgɛ gbede-gbede, ila faan wo la soe wola foolɛ rɔ. A sigi kelan min tonɛ, i si wo ranyɛnsɛn. Fɔnyɔ ni ta a la bawo nde, Mari si Isirɛla mɔgɛ wonu sagaran nta faan la.

Daniyɛli 2:35

Tiriyante wo rɔ, a bɔnku wo, a nɛgɛ wo, a sila wo, a wodi-gbɛ wo, a sɛnɛ wo, wo damasi ranyɛnsɛnta ka ma gbangban la iko gbere-kole si ma gbangban la nya min telemɛ rɔ. Fɔnyɔ tara gbangban wo dama la a yala. Fenfen ma to. Kɔnɔ farɛ wo min kerita a la wo la, wo koloyara ka ma kɔnkɛ la. Kɔnkɛ wo kera duninya tonke bɛɛ rɔ.”

Yilan-Yilan Koe 10:35

Kɔnɔ ni anu bi tɔn-kenkirɛ bila tuma-wo-tuma ka ta, Musa si a kan mayɛlɛ ka a fɔ ko, “E, Mari, i lakɔɛnma ka i yogenu tanyɛnsɛn ma yarɔ. I ma di mɔgɛ minnu ye, wonu ni anu buri i kɔrɔ.”

Tɔn-Fɔɛ-Fila-Nyɔgɛ 7:10

Mari ti foo wo mɔgɛnu na minnu ma la ale la ka anu ban a la.