Yaburi 65:13 - ALLALA KUMƐ

¹³ Gbɛkolenu nafanɛ sagɛnu na, ado mala sɛni sa tinɛnu na ara fa fui-fannu na. Wo bɛɛ mara sewɛ anubɛ lɛnkɛ-gbesi la ma bolo.

Yaburi 65:13 ပူးပေါင်းရင်းမြစ်များ

Yobu 36:31

Alla si bandɛ lana ka le ka mɔgɛnuna beli-fannu yi sa.

Yaburi 144:13

Alamɛ mala bondɔnnu nafara fui-fen-su bɛɛ la. Alamɛ mala sagɛnu yirita bui, ka dannu sɔrɔn waga-wagayɛ ma.

Yaburi 72:16

Alamɛ fui-fan siyayara ala nyamanɛ rɔ duk! Alamɛ ki-fan raboroko-barakara kɔnkɛnu tɔ iko a ye Lɛbanan nyamanɛ rɔ nya min. I ni a ma, soenu na ni fa mɔgɛnu na penpen iko binyɛ waranɛ gbɛkolenu ma nya min.

Aiseya 30:23

Kɔnɔ wo wa wola fui-fannu fui tumɛ wo rɔ, Mari si bandɛ lana alako anu ni nanfa kubukubu! Binyɛ si boroko-baraka wola kolo-fannu ye.

Aiseya 35:10

Anu ba don Yerusalɛm lunyɛ min, anu si sewa dɔgɔma-ma-de! Anu si anu dɛ sa-a-rɔ sigi sa tinɛ sewɛ bolo. Anu si to sewɛ rɔ burubukai! Anu ti mɔnɛ anubɛ nyagbɛ sɔrɔn tun.

Aiseya 44:23

Wole san-kolenu, wo ni wo dɛ sa-a-rɔ sewɛ bolo! Denka-rayan-bɛnu ni anu dɛ sa-a-rɔ! Wole kɔnkɛnu, wole gbɔngbɔn-makilannɛ, wo ni wo dɛ sa-a-rɔ sewɛ bolo! Mari ya male ata Isirɛla mɔgɛnu kisi tumɛ min, a ya ata kabana-koe mayira.

Aiseya 49:13

San-kole ni a dɛ sa-a-rɔ sigi sa tinɛ. Dugu-kole ni a lawɔyɔ sewɛ bolo. Kɔnkɛnu ni sigi-sɛ dabira anu sɛbɛ-kuna-wɛ la. Mari si ala mɔgɛnu nafɛrɛ ka kinikini ata mɔgɔ-tɔrɔnɛnu ma.

Aiseya 52:9

Ile Yerusalɛm so-makeri-kerinɛ, i ni a lasɔnkɔ sewɛ bolo. Mari si Yerusalɛm kunyɛ bɔ gbaran rɔ, a nyɛrɛta soe, kɔni ka ala mɔgɛnu to lafɛrɛ rɔ.

Aiseya 55:12

Wo kunyɛ sewanɛ si bɔ biralɛ rɔ ka nyɔ boloka yisi-kimɛ rɔ. Kɔnkɛnu anubɛ gburukulinu si bara sigi-sa-tinɛ wo yala. Kɔlɔma bɛɛ si lɛnkɛ gbesi.

Yɛrɛmaya 48:33

Anu si ta anuna kɔntɔdiyɛ anubɛ sewɛ la anu bolo ka bɔ anuna nyamani-hakikɛ rɔ! Mari ko a ara tɔn sigi anuna minni-fan bɔ-tinɛnu na. Mɔgɔ-wo-mɔgɔ ti taran nyɔ min si minni-fan ladan, ni wo ma, ka sarandɛ ratii sewɛ bolo.

Yowɛli 2:22

Mari si a fɔ kolo-fannu ye ko, “Wo kana kilan. Bin-fɛrɛntoe le dugi ma. Kɔlɔmanu si gbɔ. Ki-fannu si gbɔ tisikiri!”

Sakaraya 9:17

Nyamanɛ wo si kinya ka diya dɔgɔma-ma-de! Wola dɔn-fannu anubɛ wola minni-fannu si wola fonikenu tagbɛlɛya.

Kɛwɔlɛnu 14:17

Kɔnɔ tuma-wo-tuma, a ye a nyɛrɛ yirala mɔgɛ bɛɛ la ata kɛwɔli-nyimɛnu fɛ. A ye bandɛ lanala min si wola dɔn-fan lananfa. A si dɔntɛ wo di wo ma alako wo yisi la ni fa sewɛ la.”