Yaburi 64:3 - ALLALA KUMƐ

³ Anu bi anu nagan dɛ lasala iko faan. Anu bi kuma-yogomɛnu nakɛla n ma iko kalabɛn.

Yaburi 64:3 ပူးပေါင်းရင်းမြစ်များ

Yaburi 11:2

A ko i ma a yen, karagbɛlɛnu sɔnɛ ninɛ la, anu bi kalabɛn rasaganna mɔgɔ-nyimɛnu bon-koe la.

Yaburi 141:9

Gbɛrɛ minnu nasiginɛ n ye, i kana sɔn, n ni bira wonu na. Karagbɛlɛnu bara yalɛnu tafulen n yarɔ, i kana sɔn, n ni bira wonu na.

Yaburi 57:4

N yogenu bara a mini n ma iko yarɛ-mɔgɔ-dɔnnɛnu. Anu nyin manɛ iko tanbɛ anubɛ kalabɛn. Anu dɛ lasanɛ iko faan.

Yaburi 58:7

Anu ni tunu yen, iko yi wa bon dugu ma. Anu tenbi anuna kalabɛn lakɛla, alamɛ anu foora.

Hɛnkilimaya-Kumɛnu 12:18

Kuma-yogoma-fɔlɛla kumɛ si to mɔgɔ-sɔn sɔgɔla a rɔ kɔnɔ hɛnkilimɛta kumɛnu si to mɔgɔ yisi-kimɛla.

Hɛnkilimaya-Kumɛnu 30:14

Mɔgɛ donu fanan bi nyɔ, wonuna wɔli ma fenfen na fɔ ka bolo-kolɔnnu kensunya. Anu bi belenna buila anu ma iko sogo-feremɛnu.

Aiseya 54:17

Kɔnɔ a ko kɛlɛ-kɛ-fan wonu ti ko-wo-ko tinya ile Yerusalɛm ma. I si i maburilɛnu yabi-bole lɔn. A ko a si ala wɔli-kɛlɛnu kumafunfan ka nɔlɛ di anu ma.

Yɛrɛmaya 9:3

Mari ko wo dɛ ye kumɛ filila mɔgɛ ma iko kalɛ. Foninyɛ ye gbanna wo dɛ rɔ iko kalabɛn. Sɛnbɛ ye foninyɛ bolo nyamanɛ rɔ ka tenbi tonyɛ la. Wo tenbi wo kian bɔla ko-yogoma-kɛ rɔ, wo ye wo kian bilala dogbɛrɛ tɔ. Mari ko wo ma a lɔn min bi ale la.