Yaburi 63:2 - ALLALA KUMƐ

² I yen-sɔgɛ ye n na ila Bato-Bɔn la. Ila sɛnbɛ anubɛ ila gbiliyɛ yen-sɔgɛ ye n na.

Yaburi 63:2 ပူးပေါင်းရင်းမြစ်များ

1 Ko-Kɔrɔta-Karan 16:11

Wo ta wo makoenu na Mari wara. Ale le si wo dɛnbɛ. Wo ni to ale le kelen pe batola burubukai!

Yaburi 105:4

Wo ta wo makoenu na Mari wara, ale le si wo dɛnbɛ. Wo ni to ale le kelen pe batola burubukai!

Yaburi 134:2

Wo tenbi madiyalɛ kun na, wo ni wo bole sigi Alla ye kan-tina-sɛnimɛ telen tɔ a matɔgɔ tinɛ.

Yaburi 145:11

Anu si ila mansaya-mankan gbiliya. Anu si to ila sɛnbɛ wara-koe rakaranna

Yaburi 27:4

N bara Mari manyinika ko kelen pe lela ko ma. N bi nyinina wo le ma a bolo, wo le, ka n siyi-tele mumɛ bɛɛ dunu Mari Bato-Bɔn la. Wo si a ma, n ni to kawala ata nyimayɛ ma nyɔ rɔ ka to hɛnkili sɔrɔnna a bolo.

Yaburi 42:3

Su-ni-tele, n bi dila. N ya-yi le manɛ n beli-fan la. Tuma-wo-tuma, n yogenu si n manyinika ko, “Ileta Alla ye mintɔ?”

Yaburi 43:4

Wo kɔma, n si n telen ile Allata saraka-mintan-tinɛ la. Nna sewa-kunyɛ bɛɛ bɔra ile le bolo. N si nna sɔrɔn fɔ ka i matɔgɔ-bɛti bɔ. E, Alla, nta Alla le ile la.

Yaburi 5:4

Wo Alla ma ile la, karagbɛlɛyɛ di min ye, ado i ti sɔn wunduyogoyɛ ma.

Yaburi 68:24

E, Alla, bɛɛ ara ila nɔli-tolon yen. Ile Alla min bi mata mansɛ la, i ye tala i Bato-Bɔn la.

Yaburi 78:61

A ya a ma, anu yogenu ya tɔn-kenkirɛ bi ala mɔgɛnu bolo, ata sɛnbɛ anubɛ ata gbiliya tamasere, kɔni.

Yaburi 96:6

A mayiginɛ kinyɛ anubɛ gbiliyɛ tɛma. Ala Bato-Bɔn lafanɛ sɛnbɛ anubɛ nyimayɛ la.

Aiseya 60:13

Lɛbanan kɔlɔma-kuru-wɛnu si ma itɛ la. Nyɔ-kɔlɔma-nyimɛnu si anu kun sa ile soe ma. A ko ila mɔgɛnu si ale Mari Bato-Bɔn lakinya wonu na. Ale Mari ye a tɔntɛ sɔla ile Yerusalɛm min tɔ, a ko gbiliyɛ ti dasa nyɔ ma.

Yɛrɛmaya 31:14

Sarakɛ ti dasa saraka-masɔlɛnu bolo. Ala mɔgɛnu si fa fen-diyamɛnu na, ale Mari ye minnu dila anu ma, kɔni. Mari kan le kɛ la.