Yaburi 63:11 - ALLALA KUMƐ

¹¹ Wo kɔma, mansɛ si nyagalen bawo Alla ara nɔlɛ di a ma. Minnu telennɛ Alla ye, wonu si a tanto kɔnɔ foninya-fɔlɛnu si a sigi-a-la don!

Yaburi 63:11 ပူးပေါင်းရင်းမြစ်များ

Yobu 5:16

A si bolo-kolɔnnu yili-madiya ka a ma, karagbɛlɛnu ni sigi-a-la don!

Yaburi 107:42

Mɔgɔ-telennɛnu ba wo rayen, anu si sewa kɔnɔ karagbɛlɛnu dɛ si balan gben!

Yaburi 2:6

A ko ale ara ata mansɛ yabɔ. A ya a sigi ata kɔnkɔ-sɛnimɛ kuma Yerusalɛm soe burɔ.

Yaburi 21:1

E, Mari, mata mansɛ ara sewa bawo i wara ila sɛnbɛ di a ma. A ara nyagalen bawo i wara a ma, a ara a yogenu nɔ.

Yaburi 31:18

Alamɛ tɔn sigira foninya-fɔlɛnuna kumɛ la. Nyɛrɛmankolɛ le anu na, ado anu wasira. Anu bi mɔgɔ-telennɛnu tasɛla.

Yaburi 44:20

Ni male ya ma fara mata Alla-batoe la nun ka don bɛsi-kɔɛ rɔ,

Aiseya 19:18

Wo wati wa ke, anu si Hiburu-kan fɔ Iyipiti so-kunba loli tɔ, ado mɔgɛnu si anu gboro Mari Sɛnbɛ-Bɛɛ-Tigi tɔgɛ rɔ. Anu si a fɔ so loli wo kelen ma ko, “Teleta Soe.”

Aiseya 45:23

A ko tonyɛ le ata lanyiri la, a ti ma kuma-fila-fɔlɛ la. A ko a fotɛ a nyɛrɛ rɔ ko mɔgɛ bɛɛ si na anu nyɛnkin a kɔrɔ. Anu si lanyiri kiri ko anu ti bɔ a wara-ko rɔ.

Aiseya 65:16

Nba, min ya duwɛ sɔrɔn dugi ma, wo tigi ara duwɛ sɔrɔn Alla, tonya-tigi le bolo. Ni min ya a gboro dugu-kole kuma, wo tigi ara gboro Alla tonya-tigi le tɔ. Kɛnu bara ma bawo ma la ara nyina tɔrɔya-kɔrɔmɛnu na. A ko a si tɔrɔyɛ wonu masɛgi wo la.

Yɛrɛmaya 18:21

Nba, i ni a ma, anuna dannu ni faga kɔnkɛ bolo. I ni a ma, anu yogenu ni anu nɔ kɛlɛ rɔ. A ma, anuna musinu ni foo anuna dannu na. Anu ni ma kɛɛ-musinu na fanan. A ma, Yuda mɔgɛnu manyimanɛ ni faga. Anuna kemini-mɛsɛnu kunyɛ ni to kɛlɛ rɔ.

Sɛfanaya 1:5

Mɔgɔ-wo-mɔgɔ yɛlɛta kan-tina-layan-bɛ kuma alako a ni tele anubɛ karɛ anubɛ lole bato nyɔ, Mari ko a si wo tigi kasara pɔ! Minnu bi Mari batola ka telenbagaya-lanyiri kiri a ye, wo kɔma, a ni ta a gboro bɛsɛ wo rɔ min tɔgɛ Molɛki, Mari ko a si wonu fanan kasara.

Romu 3:19

Nba, ma ya a lɔn ko minnu bi Allata tɔn wara-koe kɔrɔ, tɔn-kitabu kɛ sɛbɛra wonu denu ye. Wo sɛbɛnɛ alako mɔgɛna masigima-fɔɛ ni ban ka duninya-mɔgɛ bɛɛ lana Allala kiti kɔrɔ,

Tɔn-Fɔɛ-Fila-Nyɔgɛ 6:13

Wo ni wola Mari Alla gbiliya ka ale kelen pe bato. Wo kana lanyiri kiri fenfen ye fɔ ale Alla kelen pe tɔgɛ rɔ.

Hiburunu 6:13

Alla ya lanyiri kiri Iburayima ye tumɛ min, a ya a keli ko a ara lanyiri min kiri, a si wo kanbali, ado mɔgɔ sa min kolo ale ko min kɛ, a ya a keli a nyɛrɛ rɔ.

1 Samuwɛli 23:17

Yonatan ya a fɔ Dawuda ye tun ko, “I kana kilan. N fa ti ko-wo-ko ma i la. A ya a lɔn serr, ko ile le ye mala Isirɛla mɔgɛnuna mansɛ la, ado a ya a lɔn fanan ko nde le ye mala ila kandɛ la.”

1 Samuwɛli 24:20

N bara a lɔn gbɛ serr, ko ile le ye mala mansɛ la Isirɛla mɔgɛnu kun na, ado mansayɛ ti bɔ ila kebilɛ la.”