Yaburi 62:8 - ALLALA KUMƐ

⁸ Nta mɔgɛnu, wo ni la Alla la tumɛ bɛɛ. Wo ni wola tɔrɔyɛ bɛɛ sa ale kɔrɔ bawo wola kan-tina-latankanɛ le ale la.

Yaburi 62:8 ပူးပေါင်းရင်းမြစ်များ

Yobu 13:15

Hali ni Alla ya n faga, a bɔrɔ sa n ye tun. N si to nta kumɛ sala a kɔrɔ.

Yaburi 102:1

E, Mari, i wɔlɔ matɔlɔ nta madiyali-kan la. N tenbi dila i dala n dɛnbɛn-koe rɔ, i ni wo fanan namɔɛn.

Yaburi 142:2

N bi nna yasere-masɛ bɛɛ kɛla a ye. N bi nta tɔrɔyɛ rakaranna a ye.

Yaburi 18:2

Mari le n natankalɛ la. Nna tarɛ le ale la, n si kisi ale le tɔ. Ale le si n tanka ko-yogomɛ ma. Nta farɛ le Alla la, n si n dogon min kɔma. A si n nakanan iko nɛgɛ-walan. Nna kɛlɛ-kɛlɛ le ale la min si n kisi.

Yaburi 3:4

N ya ile Mari rakele n dɛnbɛn-koe la. I ya a labira i bato-bɔn la kɔnkɔ-sɛnimɛ kuma.

Yaburi 37:3

La Mari la. I ni ko-nyimɛ kɛ. Wo si a ma, i ni sigi i fanbolo ila nyamanɛ rɔ.

Yaburi 42:4

N ba n miri ko-tenbinɛnu ma, n yisi si tinya. Fɔlɔ nun, mabɛ mɔgɔ-siyaman bi tala Alla Bato-Bɔn la. Ma tenbi tala, n sɔnɛ anu yarɔ. Anu sewanɛ, anu si a lawɔyɔ sewa-bɛti bɔ tinɛ.

Yaburi 46:11

Mari Sɛnbɛ-Bɛɛ-Tigi ye ma fɛ. Mala kanannɛ le Yakobata Alla la.

Yaburi 46:2

Hali duninya mumɛ bɛɛ ramagara, ma ti kilan. Hali kɔnkɛ bɛɛ buira kɔgɔ-yi-dumɛ rɔ, ma ti kilan.

Yaburi 71:7

N kɛ-nya manɛ misalɛ la mɔgɛnu ye bawo i wara ma n natanka-tina-gbɛlɛmɛ la.

Yaburi 91:2

mɔgɛ wo si ke a fɔla Mari ye le ko, “N kumafunfannɛ anubɛ n natankalɛ le ile la. Nta Alla le ile la, n lanɛ min na, kɔni.”

Yaburi 94:22

Kɔnɔ n dogon-faran le ile Mari la. Ile nta Alla ya n nakanan.

Hɛnkilimaya-Kumɛnu 14:26

Ni min kilanta Mari la, wo yili latɛgɛni de, ado anubɛ ala denbayɛ la si fɛrɛ.

Aiseya 26:16

Mari, i wara ita mɔgɛnu tɔrɔ nun, anu kɔndɔfilinɛ wati min, anu ya i matara wɛwɛ rɔ.

Aiseya 26:4

La Mari la tolon! A si to ma lakananna burubukai!

Aiseya 50:10

Mɔgɔ-wo-mɔgɔ wa Mari gbiliya ka ala wɔli-kɛlɛla kumɛ bira, hali a tagama-kilɛ lapinpinɛ, a ni la Mari la. A dunnɛ ni to ata Alla ma.

Nimisa Koe 2:19

Ile Yerusalɛm soe ni to i lasɔla suyi rɔ ka di n Tigi Mari dala i dɛnbɛn-koe rɔ. I sɔndɔmɛ lagbɛ Mari ye ka a madiya alako a ni kinikini ila dannu ma. Ila dannu bi fagala kɔnkɛ bolo lu-kole ma belenna soe burɔ.

Filipai 4:6

Wo kana hɔn ko-wo-ko la fɔ ka to wo makoenu fɔla Alla ye madiyalɛ rɔ. Wo ni baraka bira a ye wo yisi bɛɛ la tumɛ bɛɛ.

Hiburunu 6:18

ado Alla nyɛrɛ ya ata kelili sa ata lanyiri wo kuma. Fen filɛ kɛnu ti yɛlɛma bawo Alla ti foninyɛ fɔ. Woletɔ male minnu bara ma buri tala a wara la ma latanka-koe la, ma si yisi-latɛgɛ sɔrɔn alako yigi min bi ma yarɔ, ma ni wo bira gben!

1 Yɔni 2:28

Ɔnde, n diyana-dannu, wo ni to ale rɔ. Woletɔ a wa bɔ gbɛ rɔ tumɛ min, ma si fa yisi-latɛgɛ la. A wa na wo tele rɔ, ma ti ma dogon a ma miliyɛ bolo.

1 Samuwɛli 1:15

Hana ko, “N fa, n ma gbɛɛ min dɛɛ! N bi nna kɔndɔfili le fɔ tinɛ Mari ye bawo a ara gbɛlɛya n kuma.