Yaburi 60:1 - ALLALA KUMƐ

¹ E, Alla, i wara i ban ma la ka kilɛ sa ma ma. I fonde ma ara gboya ma ma nun kɔnɔ i yandi, i ya-lamunun ma la.

Yaburi 60:1 ပူးပေါင်းရင်းမြစ်များ

2 Samuwɛli 10:16

Soba Mansa Hadadisa ya kilayɛnu nata Siriyanu ma minnu bi Yufereti bɛ tele-bɔɛ wara la ka wonu kele. Wonu nara anu daga makɛ Hilam soe burɔ ka kofu Mansa Hadadisala kɛlɛ-dannu ma. Mansɛla kɛlɛ-den-kun-tigi min tɔgɛ Sobaki, wo le ye anu kun na.

2 Samuwɛli 5:20

Mansa Dawuda tara Filisitinu nɔ kan tinɛ do rɔ anu nara to min kelela ko, “Mari Tugura Anu Kun Na.” Mansa Dawuda ya a fɔ ko, “Mari ara tugu n yogenu kun na iko yi wa fa, wo ye tugula a rɔ nya min.” Woletɔ anu ya kan tinɛ wo tɔgɔ sa “Mari Tugura Anu Kun Na.”

2 Samuwɛli 8:14

Wo kɔma, a ya ala kɛlɛ-dannu daga makɛ tinɛnu nadan nyɔ rɔ. Nyamanɛ wo fanan tora a kɔrɔ. Mari ya a ma, Mansa Dawuda ya nɔ-ko sɔrɔn kan tinɛ bɛɛ rɔ.

2 Samuwɛli 8:3

Rihobula den Mansa Hadadisa, min bi Soba soe wo kun na, wo tanɛ kɛlɛ-kɛ-tinɛ Yufereti bɛ dafɛ alako a ni nyɔ bi tun a yogenu bolo. Mansa Dawuda anubɛ ala kɛlɛ-dannu tara bui anu ma ka Soba soe bi anu bolo.

2 Mansɛnu 14:7

Mansa Hamasa ya Idɔm kɛlɛ-dan waga tan (10,000) faga lɛɛ do rɔ min tɔgɛ ko Kɔgɔ lɛɛ. A tara soe do bi min tɔgɛ Sela. A ya soe wo tɔgɛ yɛlɛma ka a kele ko Yokatili. Tɔgɛ wo le tora soe wo kuma ha bi.

1 Ko-Kɔrɔta-Karan 18:3

Wo kɔma, Mansa Dawuda tara Siriya Mansa Hadadisa nɔ min bi Soba soe kun na. Soba soe wo ye Hamati soe dafɛ. Mansa Hadadisa wo tara nun kɛlɛ-kɛ-tinɛ Yufereti bɛ dafɛ alako ale fanan ni nyɔ bi tun a yogenu bolo.

1 Ko-Kɔrɔta-Karan 28:9

A ya a tintan ala den Silamɛni na ka a fɔ a ye ko, “Nna den, i ni nta Alla wara-koe lɔn ka ata wɔlɛ kɛ i yisi bɛɛ la. Alla ya ma miriya anubɛ mala natanu lɔn. Ni i ya i gbɛrɛn a ma, a si i rabira. Kɔnɔ ni i ya i kan-kɔ sɔ a la, a si a ban i la feufeu!

2 Ko-Kɔrɔta-Karan 25:11

Mansa Hamasa ya a kerinteya. A ya ala kɛlɛ-dannu bi ka ta lɛɛ do rɔ min tɔgɛ le ko, “Kɔgɔ Lɛɛ.” Anu ya Idɔm kɛlɛ-dan mɔgɔ waga tan (10,000) faga lɛɛ wo rɔ nyɔ.

Yaburi 108:11

Tonyɛ, i wara i ban ma la, wa? Kɛlɛ-dannu ba ta kɛlɛ-kɛ-tinɛ, i ti kofu ma ma kɛlɛ rɔ?

Yaburi 44:9

Kɔnɔ i wara i ban ma la kaka. I wara a ma, anu bara ma nɔ. I sa tala mala kɛlɛ-dannu fɛ tun mumɛ!

Yaburi 59:1

E, nta Alla, n tanka n yogenu masibɛ ma. N tanka n yogenu ma minnu bi tugula n kan ma.

Yaburi 59:11

E, Alla, i kana anu faga nya-kun-kelen. I ni a ma, nna mɔgɛnu kana nyina, i si i yogenu tɔrɔ nya min. Anu tanyɛnsɛn ita sɛnbɛ la ka anu nɔ feu! E, Mari, ma latankalɛ le ile la.

Yaburi 60:10

Tonyɛ, i wara i ban ma la, wa? Mala kɛlɛ-dannu ba ta kɛlɛ-kɛ-tinɛ, i ti kofu ma ma kɛlɛ rɔ, wa?

Yaburi 74:1

E, Alla, nfen ya a to, i wara i ban ma la ka? Ile si diminya ila mɔgɛnu ma ka le tolon, ba?

Yaburi 79:5

Mari, i fondo-bɔnɛ si to ma kuma tolon, wa? I fonde si to bɔni ma kan ma iko tɛ tenbi kikɔlɛ la, wa?

Yaburi 79:9

E, Alla, ma dɛnbɛ. I ni ma lakisi. I ni ma lakanan. I ni ma makoto ka a tɛgɛ i nyɛrɛta gbiliyɛla ko ma.

Yaburi 80:1

Ile min bi Isirɛla kandanna iko saga-fɛ-biralɛ, i wɔlɔ matɔlɔ ma kuman-kan la. Ifɛrɛm bɔnsɔn wo, Bɛnyamɛ bɔnsɔn wo, Manasa bɔnsɔn wo, i ni i nyɛrɛ yira wonu na, ile min mayiginɛ melika-muninya filɛ tɛma, kɔni. I fanka mayira ma la. Na ma lakisi.

Yaburi 80:3

E, Alla, sɛgi ma la tun! Kinikini ma ma alako ma si kisi nya min.

Yaburi 85:4

E, ma kisilɛ Alla, i ni ma lasɛgi i ma tun! I fara i fonde bɔla ma kuma.

Yaburi 89:19

I ya a fɔ ila wɔli-kɛla-nyimɛnu ye ko-rayen rɔ ko i wara dɛnbɛnɛ di kɛlɛ-kurugba-yabɔnɛ do ma. I wara wo ma mansa-yabɔnɛ la ila mɔgɛnu ye.

Yaburi 89:3

I wara sarama-kan kiri ita mɔgɔ-yabɔnɛ Dawuda ye. I wara ale, ita wɔli-kɛla yili-madiya ko

Yaburi 89:38

Ile Mari, i fonde bɔnɛ ita mansa-yabɔnɛ kan ma. I wara a boloka ka i ban a la.

Yaburi 89:7

Arinyɛnɛ kun-tiginu-nadɛnnɛ si kawa i ma. Anu dama si anu bole sa anu dɛ la.

Yaburi 90:13

E, Mari, kinikini ma ma. I si i ya-lamunun male, ita wɔli-kɛlɛnu na muntuma?

Sakaraya 10:6

Mari ko a si a ma, Yuda mɔgɛnu ta ni gbɛlɛya. A ko a si Isirɛla mɔgɛnu kunyɛ bɔ gbaran rɔ. A ko a si kinikini anu ma ka na anu na anu barɛ tun. A ko a si ma iko a ma anu kɔn tele-kelen-bɛrɛni! A ko anuta Mari Alla le ale la. Ale le si anu madiyali-kan lamɔɛn.

1 Samuwɛli 13:11

Kɔnɔ Samuwɛli ya a fɔ a ye ko, “I wara nfen ma kɛ la?” Mansa Sɔli ya a fɔ a ye ko, “Mɔgɛnu ta ara nyɛnsɛn n ma, ado i ya a fɔ le ko i ye nala. Kɔnɔ i ma na ila lɔgɔ-sanɛ kɔrɔ ha Filisitinu nadɛnta n kan ma Mikimasi.

1 Samuwɛli 4:17

Kei wo ya a fɔ a ye ko, “Isirɛla kɛlɛ-dannu ya anu buri Filisitinu kɔrɔ. Anu ya mɔgɔ-siyaman faga ma rɔ. Min tenbinɛ wo la, ila dannu Hɔfini anubɛ Finihasi, wonu kunyɛ ara to kɛlɛ wo rɔ, ado anu ya Allata tɔn-kenkirɛ bi ma bolo ka ta a la anu barɛ.”