Yaburi 6:6 - ALLALA KUMƐ

⁶ Nna kurɔn ara a ma, n na ara kɔyɔ. Su-wo-su, n si ki n ya-yi tɛma sofa rɔ hali nna kun-kɔrɔ-sɛ, wo si kimɛ n ya-yi bolo yɔgbɔ!

Yaburi 6:6 ပူးပေါင်းရင်းမြစ်များ

Yobu 10:1

N niyi-sɔgɛ la ara bɔ n na. Wo ni wo tole masɔ nta yasere-masa-yogomɛ la.

Yobu 16:20

N diyana-mɔgɛnu bi n mayɛlɛnna. N ya-yi ye yigila Alla yala biribiri!

Yobu 7:3

Nba, ka a bi karɛ kɛ ma ka a sigi karɛ doi la, n ma n beli-kunya fenfen yen. Su-wo-su, n sa fenfen tayenna fɔ mɔnɛ.

Yaburi 115:17

Mɔgɔ-faganɛ ti ke Mari matɔgɔla. Minnu bi lakira, a siginɛ a la wonu bolo don!

Yaburi 30:10

Mari, n kan lamɔɛn ka kinikini n ma. I yandi, Mari, n dɛnbɛ.

Yaburi 38:9

E, Mari, i ya a lɔn serr, ko n bi nyinina nna kɛndɛya-koe le ma. I ye n kurun-kan bɛɛ lamɔɛnna.

Yaburi 39:12

Mari, nta madiyali-kan lamɔɛn. I ni i wɔlɔ matɔlɔ n di-kɛ-kan la. N tenbi dila, i ni na n dɛnbɛ. Sundan le nde la i bolo wati-kundu-ni kɔrɔ iko n benbanu bi nya min nun.

Yaburi 42:3

Su-ni-tele, n bi dila. N ya-yi le manɛ n beli-fan la. Tuma-wo-tuma, n yogenu si n manyinika ko, “Ileta Alla ye mintɔ?”

Yaburi 69:3

N bara bandan dila n dɛnbɛn-koe rɔ. N kan la ara sa diyi kɛ bolo. N yɛ ma ara gbala kila-mafɛlan rɔ n dɛnbɛn-koe la kasa!

Yaburi 88:11

Anu si ila keninteya-dannatɛgɛbɛlɛ wara-koe fɔ lakira, wa? Mɔgɛnu si ila telenbagayɛ wara-koe fɔ kasara tinɛ, wa?

Yaburi 88:9

N yɛ ma ara bira tɔrɔyɛ bolo. Mari, tele-wo-tele, n bi i rakelela. N bole siginɛ le i ye madiyalɛ rɔ tolon!

Aiseya 38:18

Mɔgɔ-wo-mɔgɔ sa lakira min si ke i matɔgɔla. Lakira-mɔgɛnu ti ke lanayɛ sala i rɔ tun.

Yɛrɛmaya 14:17

Mari ko nde, Yɛrɛmaya ni kɛ fɔ wole, Yuda kɛnu ye. Alamɛ n ya-denkɛ lafara n ya-yi la. N si to dila su-ni-tele. N si di wole, nna mɔgɛnuna ko la. Mari ara ban wo rafɛrɛnna nun. Wo matanbanta kosɛbɛ!

Nimisa Koe 1:16

“Wo le wara a ma, n ya-denkɛ ra sa gbalala tun. N madiya-mɔgɔ-wo-m͔ɔgɔ sa nyɔ. N kɔntɔ-diya-mɔgɔ sa tun. Nna mɔgɛ bɛɛ ara ma fugarɛ la bawo ma yogenu bara ma nɔ.

Nimisa Koe 1:2

A ye kila dila min kɛ kudu, woletɔ a ya-denkɛ rakimanɛ a ya-yi bolo. Mɔgɔ-den-kelen sa tun ala kemini-kɔrɛnu tɔ minnu si a madiya alako a ni a rade. A diyana-mɔgɛnu bara anu kan-kɔ sɔ a la ka ma a yoge la.

Nimisa Koe 2:11

N yɛ wulennɛ puipui, di-kɛ bolo. N yisi tinyanta feu! N tora ma yogenu yenna ma fagala min kɛ, n bandanta di-kɛ bolo. Dennɛnu bi belenna kirɔnna-a-la da-wo-da kɔnkɛ bolo soe burɔ.

Luka 7:38

A sɔra Yisa kɔma a kian tɔgɔfɛ. A dira. A ya-yi yigira biribiri, ka Yisa kian kimɛ. Wo kɔma, a ya a kian mafiran a kun-sigi la. A ya a kian sunbu ka sɛnti kɛ anu ma.