Yaburi 59:7 - ALLALA KUMƐ

⁷ I wɔlɔ matɔlɔ n tasɛ-kumɛ la anu bolo. Anu nagan mani de iko faan-damɛ. Anu miri ko mɔgɔ-wo-mɔgɔ sa anu kan lamɔɛnna.

Yaburi 59:7 ပူးပေါင်းရင်းမြစ်များ

Yaburi 10:11

Karagbɛlɛ wo kɛnɛna a fɔla a nyɛrɛ ma ko, “Allala ko sa kɛ rɔ. A ara a yɛ lakiri. A ti n yen tun!”

Yaburi 10:13

Nfenna karagbɛlɛ si a ban Alla la? Nfenna a ye a fɔla a nyɛrɛ ma ko, “Alla ti nde tɔrɔ?”

Yaburi 55:21

A ye kuma-teleka-telekɛ min nabɔla a da rɔ, wo di iko fɛnɛ kɔnɔ fenfen sa a sɔn-kole rɔ fɔ gboyanayɛ. Fɔlɔ nun, kumɛ min bi bɔla a da rɔ, wonu manɛ n fɛrɛ ma iko tuli kɔnɔ a ye kumɛ min nabɔla a da rɔ kaka, wo mani de n fɛrɛ ma iko anu ba mɔgɔ tɛgɛ faan la.

Yaburi 57:4

N yogenu bara a mini n ma iko yarɛ-mɔgɔ-dɔnnɛnu. Anu nyin manɛ iko tanbɛ anubɛ kalabɛn. Anu dɛ lasanɛ iko faan.

Yaburi 73:11

Anu kɛnɛna a fɔla ko, “Alla ti kɛ lɔn. Alla ti kɛ fɛ gbɛ!”

Yaburi 94:4

Ko-yogoma-kɛlɛnu si to anu wasila a la ha wati nyamintan? Anu bi anu wasila anuna ko-yogomɛnu na tolon!

Hɛnkilimaya-Kumɛnu 12:18

Kuma-yogoma-fɔlɛla kumɛ si to mɔgɔ-sɔn sɔgɔla a rɔ kɔnɔ hɛnkilimɛta kumɛnu si to mɔgɔ yisi-kimɛla.

Hɛnkilimaya-Kumɛnu 15:2

Hɛnkilimɛta kumɛ si hɛnkili di mɔgɛnu ma kɔnɔ kuntanya-kumɛ si to tugula kuntan dɛ rɔ.

Hɛnkilimaya-Kumɛnu 15:28

Mɔgɔ-latelennɛ si a miri kuma-yabi-tinɛ kɔnɔ kuma-yogomɛ-latiri ye bɔla mɔgɔ-yogomɛ dɛ rɔ.

Yɛrɛmaya 33:24

mɔgɛnu bi a fɔla ko ale Mari ara Isirɛla anubɛ Yuda min yabɔ, a ara wonu boloka. A ya nde, Yɛrɛmaya manyinika ni n ya wo lamɔɛn de! Woletɔ a ko mɔgɛnu yigi-tɛgɛnɛ ala mɔgɛnu na. Anu ma anu miri anu ma bɔnsɔn la lefan!

Nimisa Koe 3:62

Telen-gbɛn, anu bi anu kɔnkɔnna n ma ka n tafɔ.

Matiyu 12:34

Wo sɔn yogo iko duguma-fannu. Wo sɔn yogoyanɛ min kɛ, wo si ke kuma-nyimɛ fɔla kama? Ado nfan, mɔgɛ yisi fannɛ min na, a dɛ ye wo le fɔla.