Yaburi 59:5 - ALLALA KUMƐ

⁵ E, Mari Alla Sɛnbɛ-Bɛɛ-Tigi, i lakɔɛnma, i ni na n dɛnbɛ. E, Isirɛlata Alla, na a yen i nyɛrɛ kolan la. I ni kunden ka mɔgɛ kɛnu tɔrɔ min ma i lɔn. I kana kinikini ma madɔnnɛ kɛnu ma.

Yaburi 59:5 ပူးပေါင်းရင်းမြစ်များ

Ko-Dabirɛnu 33:20

Yakoba ya saraka-mintan-tinɛ sɔ nyɔ ka a tɔgɔ sa “Isirɛlata Alla Sɛnbɛ-Bɛɛ-Tigi Le.”

Yaburi 54:3

Mɔgɔ-wasinɛnu bara wuli n kan ma. N faga-sɔgɛ ye karagbɛlɛnu na. Anuna ko sa ile Alla wara-koe rɔ.

Yaburi 55:15

Alamɛ n yogenu tɛgɛra a ma, yanni anuta wati ni ke. Alamɛ anu kuran tara lakira bawo anu kan-nabila-bɔrɛ le ko-yogoma-kɛ la.

Yaburi 7:7

I ni sibole bɛɛsi kundɛn ila foolɛ rɔ. I ni ma anuna mansɛ la san-kole rɔ.

Yaburi 80:4

E, Mari Alla Sɛnbɛ-Bɛɛ-Tigi, i fondo-bɔnɛ si to ila mɔgɛnuna madiyalɛla ko la ha tumɛ nyamintan?

Yaburi 84:8

E, Mari Alla Sɛnbɛ-Bɛɛ-Tigi, i ni mata madiyali-kan lamɔɛn. E, Yakobata Alla, i wɔlɔ matɔlɔ ma kan la.

Yaburi 9:15

Kafirinu bi gbɛrɛ min nasigila mɔgɛnu ye, anu denu denu bi birala wo la.

Bɔ-Koe-Iyipiti 20:5

wo si wo nyɛnkin min kɔrɔ ka a kɔ. Nde le wota Mari Alla la min sa nyinina a senɛ ma. Ni nde, Mari sɔgɔ labɔra mɔgɛ minnu na ka bɛsɛ kɔ, n si wonu tɔrɔ, hali anuna dannu anubɛ anuna mamanɛnu ha ka ta a sigi anu tolo-birɛnu na.

Bɔ-Koe-Iyipiti 3:15

“Ta a fɔ Isirɛla mɔgɛnu fanan ye ko nde, anu benbanuta Mari Alla, Iburayimata Alla, anubɛ Isiyakata Alla, anubɛ Yakobata Alla, kɔni, wo le ya i kilaya anu ma. N tɔgɛ le ‘N bi nya min, n bi wo nya na le.’ I ni a fɔ Isirɛla mɔgɛnu ye wo nya le ko min tɔgɛ NDE LE, wo le ara i kilaya anu ma. Nta habadan-tɔgɛ le wo la. N tɔgɛ wo si ma tamasere la kebilɛ bɛɛ ye.

Aiseya 1:10

Ile Yerusalɛm soe, ila kun-tiginu anubɛ ila mɔgɛnu mani de iko Sɔdɔm anubɛ Kɔmɔratɛnu bi nya min nun. Mari ye min fɔla wo ye, wo ni wo tole masɔ wo la. Mata Allata karan kɛ ye nala min fɔla ma ye, wo ni wo hɛnkili to wo ko.

Aiseya 27:11

Nyɔ-kɔlɔmanu nafɔsɔnɛ, anu bolɔnnu kerikerinɛ. Musinu si nyɔ ma sɔgɔ-nyini-tinɛ la. Mari ya mɔgɛ wo minnu dan, anuna hina-wo-hina ma taran ale rɔ bawo anu ya anu ban a nya-yen-koe ma.

Yɛrɛmaya 18:23

Mari, ile ya n faga-koe lɔn anu bolo. I ka kinikini anu ma anuna ko-yogomɛnuna ko la. I kana anu hakɛ makoto. I ni anu nabɔ anuna sɔ-tinɛnu tɔ. Anu tɔrɔ i fondo-bɔnɛ la.

Daniyɛli 6:7

Male pati-mansɛ minnu bi i dɛnbɛna ila nyamanɛ marala, anubɛ a sigisɔn-mansɛ wo, a so-tigi wo, anubɛ a kemini-tigi wo, male damasi ara sɔn ko i ni tɔn kelen sa ila nyamanɛ kɛ rɔ ka tɔn wo mabalan. Kɔnɔ a sɔgɛ ye ma la, tele bi-sawa kɔrɔ, mɔgɔ-wo-mɔgɔ kana fenfen madiya ile kɔma. Ni min ya ila tɔn wo tinya, i si wo tigi lakɛ ila yarɛnu kɔrɔ denkɛ rɔ.

Emɔsi 9:7

Mari ko wole Isirɛla mɔgɛnu, wobɛ Sudan kɛnu takɛn a ya la. A ko a nara Filisitinu na ka bɔ Kariti yi-tɛma-dugi rɔ. A nara Siriyanu na ka bɔ Kira nyamanɛ rɔ. A ko a nara wole fanan na ka bɔ Iyipiti nyamanɛ rɔ wo nya na le.

Romu 9:6

N sa a fɔla ko Allala lanyiri ma ko-nyinya n ma bawo Isirɛla kɛnu damasi ma ma Allala mɔgɔ-bɛrɛ la,

Yemesi 2:13

Alla tenbi kinikinibɛlɛnu kitila tumɛ min, a ti kinikini wonu ma. Kɔnɔ kinikini tigi wa sɔ kiti tɛgɛ tinɛ, Alla si kinikini wo tigi ma.