2 N kanan masiba-mɔgɛnu ma. N bɔ mɔgɔ-fagalɛnu bolo.
E, Alla, alamɛ karagbɛlɛ bɛɛ fagara. Alamɛ karagbɛlɛnu ya n nafɛrɛnɛ to n dan na.
I kana mabɛ hakɛ-tiginu kasara. Mɔgɔ-fagalɛnu si ban nya min, n natanka wo ma.
Karagbɛlɛnu ba wuli n kan ma ko anu ni n faga, anu si anu kiannu natugu ka bui.
E, Alla, i si mɔgɔ-fagalɛ anubɛ foninya-fɔlɛnu natosokɔrɔ lakira hali anu siyi ma ban. Kɔnɔ nde lanɛ ile la.
Ni wo ma, anu si ta n kɔrɔn-kɔrɔnna iko yarɛ si ta a dɔntɛ kɔrɔn-kɔrɔnna nya min. Anu si n tafarafara, ado wo wati rɔ, mɔgɔ-wo-mɔgɔ ti ke n nakisila.
Yon si sɔ n fɛ karagbɛlɛnu kan ma? Yon si n gbɛ bi ko-yogo-kɛlɛnu kan ma?
